กำลังแสดงผล 1 ถึง 7 จากทั้งหมด 7

หัวข้อ: เมษาเศร้า..เหงาใจคัก

  1. #1

    เมษาเศร้า..เหงาใจคัก

    เดือนเมษาหน้าแล้ง แดดแฮงดินไหง่
    เห็นแต่ใบหญ้าแห้ง แดงหล้าทั่วท่งนา
    ดอกจานบานแล้วน่า เต็มท่งดอกสีแดง
    ดอกสะแบงกำลังขู๋ หล่นลงเต็มต้น
    ซุ่มผักโดนผักติ้ว บานเป็นทิวขาวจ้านผ่าน
    ท่งอีสานหน้าแล้ง ดินแห้งดอกไหง่ผง
    ย่างไปเลาะเลียบซ้ง ดอกม่วงป่ากำลังบาน
    หมากพิมานกำลังขู๋ หล่นลงหมุนติ้ว
    ดอกงิ้วบานดอกจานแห้ง หอมแฮงๆแม่นดอกดู่
    ขะยอมบานคิดฮอดซู้ กาเหว่าฮ้องส่งคอน
    เดือนเมษาหน้าฮ้อน หอมดอกฮังบาน
    แมลงพานบินตอม ดมดอมดวงไม้
    เห็นแต่ไฟลามไหม้ เขาถางดงจูดเหล่า
    คณิงหาตั้งแต่เจ้า แลงเซ้าได้นั่งคอง
    เห็นแต่ลมล่วงต้อง ดอกไม้ป่ามันหอมหวน
    หอมดอกดวนโชยใส่ดัง กะคงยังหอมเฮ้า
    หอมหลายเด้ดอกคัดเค้า หอมบ่เซาดอกสะมั่ง
    ดอกมันปาบานสะพรั่ง อยู่ในด้าวด่านดอน
    ดอกคูณบานยามหน้าฮ้อน สีเหลืองอ่อนเดือนเมษา
    นัดสงกรานต์สิคืนมา ผ้าป่าเด้อสิเมือบ้าน
    งานสงกรานต์ปีนี้ บ่เห็นมีฮอดข่าว
    อ้ายยังคอยถ่าเจ้า บ่เห็นเว้าสิต่าวคืน
    ฝนตกรินลงสู่พื้น ดอกมอกป่าหอมแฮงๆ
    ดอกฝางแดงบานเรียงราย อยู่ท่งนาเลาะตีนบ้าน
    ทรมานคนคอยถ่า ตั้งแต่เดือนเจียงมา จนว่าฮอดเดือนสี่
    เดือนเมษาฮ้อนเอานี่ คนผิดหวังมานั่งเศร้า อยู่เงาไม้แม่นผู้เดียว..เปลี่ยวใจเด้..
    แก้ไขครั้งสุดท้ายโดย พลายแก้ว; 03-04-2010 at 07:50.


  2. #2
    แสนสิหลูโตนอ้าย.........บ่าวก๋าคามนั่งเจ่เหว่
    เฮ็ดตาเหล่ปากเบี้ยว.........เทียวคึดฮอดแต่ผุสาว
    เขาหนีไปบ่มาใกล้............บ่าวพี่ชายยังถ่าเผิ่น
    ด่นสะเทินเมษาฮ้อน............ออนซอนเด้แต่ผุคอง
    เจ้าผุทองคำก้อน................นางสะออนแต่ดอกดู่
    เจ้าผุคิงจุ้มพู่......................คองชู้ต่างบุปผา
    เหลือโตนท่งนาก้วง..........เมษามาสิไห้ไหง่
    ดวงอาทิตย์สีใส...........ส่างมีใจไหม้ฮ้อน......เดือนสี่ต้อนบ่าวระทม
    คึดฮอดอ้มดอกอั้ว.......คึดฮอดงัวที่ลืมแหล่ง
    ผักขะแยงแห้งแล้ว...........เขาลืมอ้ายหน่ายจร.......( อดสาเอาเด้อจร้า อ้ายบ่าวเอ๊ย)

  3. #3
    น้องนัตถ์
    Guest

    ....

    เปลี่ยวใจเหมือนกาน อิอิ
    :l-

  4. #4
    เมษายามได๋หนาวใจยามนั่นคือกันแหละจ้า คิดฮอดบ้าน

  5. #5
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    ป๊าาาาาาาาาาาด คัก คัก คัก

    ขอปรบมือให้ ท่านบ่าวกำ กำ กำ ค-า-ม

    เออ คือว่า ประทับใจอ่ะหนา เลยเว้าติดแอ่ง เอ๊ย ติดอ่าง ครับ

    สุดยอดอิหลี คือแต่งได้ยาวคักแทะหล่ะท่าน นับถือ นับถือ

  6. #6
    ร่วมถ่ายทอดความรู้สู่สังคม สัญลักษณ์ของ ลูกอิสาน
    วันที่สมัคร
    Dec 2008
    กระทู้
    484
    สุดยอดเลยจ้า นับถือๆๆจ้า จะรออ่านผลงานชิ้นต่อไปค่ะ

  7. #7
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,991
    บล็อก
    1

    กกกะโดนต้นเค้า โพนกะเดาแต่คราวก่อน
    หัวนาดอนก่อนกี้ เคยมีเจ้าอยู่เคียง
    เหลือแต่เถียงนาน้อย คอยนางกลางท่ง
    ฝนบ่ลงแดดเปรี้ยง ตอเฟียงล้มห่มนา
    น้ำหนองสาบกข่อน เห็นขอนไม้โผล่
    บักแตงโมเครือแห่ง ทนแล้งอยู่บ่ไหว
    ใจคนคอยหง๋อยเศร่า อับเฉาจนแห่งเหี่ยว
    เจ้าบ่เหลียวคืนบ้าน สงกรานต์จ้อหม่อมา

    c06:
    แก้ไขครั้งสุดท้ายโดย pcalibration; 10-04-2010 at 16:13.

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •