กำลังแสดงผล 1 ถึง 6 จากทั้งหมด 6

หัวข้อ: ....ให้มีสุข..สาเด้ออ้าย.....

  1. #1
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23

    ....ให้มีสุข..สาเด้ออ้าย.....

    ....ให้มีสุข..สาเด้ออ้าย.....

    อ้ายเอ๋ยยย
    แนวหนทางส่างไกลเยิ่น ทางสิเดินกะบ่ใส
    เหมิดทางไปแล้วล่ะอ้าย นางขอย้ายจากทางฝัน
    สิบนิ้วยอพนมมั่น อวยพรให้แก่พี่
    ให้ไปดีสุขขีหมั่น กับเขานั่นจงสุขสม
    อย่ามาสนคนจั่งน้อง อย่าหมายข่องสวนฮ้างไฮ่
    แสนอาลัยกะเปล่าดาย สายแนนได๋กะบ่ค้ำนำซ้อนส่อยซู
    น้องนี่บุญบ่ยู้ ซู้บ่สมบ่เคียงพี่
    สมราศีเฮียงโตอ้าย ส่ำเขาได่ผู่ฮ่วมพา
    ชาตินี้ขอตากหน้า ใช้กรรมไปสาก่อน
    หากชาติหน่าได่ฮ่วมหนาวฮ่อน สิขอซ้อนแต่พี่ซาย..ดอกเด้อจ้า
    แก้ไขครั้งสุดท้ายโดย sompoi; 18-04-2010 at 15:53.


  2. #2
    ร่วมกิจกรรมนำความรู้ สัญลักษณ์ของ เซียนเมา
    วันที่สมัคร
    Jun 2009
    ที่อยู่
    Suratthani
    กระทู้
    1,703
    ชาตินี้ขอตากหน้า ใช้กรรมไปสาก่อน พะนะ
    ...ซ่างมาคือผุข้าแท้น้อ...จักยามใด๋จั่งสิเบิ๊ดกรรม หน่ายหลาย ชีวิต ตะของ

  3. #3
    ฝ่ายเทคนิคและโปรแกรม สัญลักษณ์ของ เต็มใจให้เธอ
    วันที่สมัคร
    Jul 2007
    ที่อยู่
    ดอกคูณ เสียงแคน ขอนแก่น
    กระทู้
    1,340
    บล็อก
    6
    ป้าดโท่เพื่อนรัก มาซึ้งแท้ละ คนกำลังมีความรักเด้นี่

  4. #4
    แบ่งปันความรู้และประสบการณ์ สัญลักษณ์ของ กะแยงนา
    วันที่สมัคร
    Apr 2009
    กระทู้
    220
    บล็อก
    2
    มาเป็นตาหลูโตนชาติวาสนาเจ้าของแท้ ..ชาตินี้ขอตากหน้า ใช้กรรมไปสาก่อน
    หากชาติหน่าได่ฮ่วมหนาวฮ่อน สิขอซ้อนแต่พี่ซาย..ดอกเด้อจ้า โทษฐานของการมาสายเด้หนิเนาะ

  5. #5
    หล่านางเอยยย..
    วาสนาอ้ายมันส่วย คันกระบวยบ่มีค่า
    วาสนามีน้องหล่า มาจาต้อยอ่อยความ
    วาสนาสิได้ข้าว เจ้าของควายมาเอาค่า
    วาสนาสิได้ม้า มาจาเว้าต่างแฮง แท้นอ
    เจ้าผู้โสภาล้ำ หมายลงมาต้อนต่อ
    บาดมายออ่วยไว้ ป๋าไลฮ้างห่างหนี
    นี่ตี้น้อ..เผิ่นว่าไว้..
    คาดสิทุกข์บ่หอนมี คาดสิมีบ่หอนทุกข์ เทพประทานแต่เทิงฟ้า
    ตราบได๋ฟ้าบ่ปี้น ดินบ่กลายเป็นผง
    ดงบ่กลายเป็นบา ไฮ่นาบ่เป็นแจ้ง
    อ้ายกะสิแปลงคำเว้า ไขวาจามาตั้งต่อ
    หากซาตินี้บ่ได้เจ้า ชาติหน้าหากสิมี อยู่ละหวา..
    หล่านางเอ้ย..อันว่ารถไฟนั้น หากแล่นได้ในรางเดียว
    คันมันเทียวมาพ้อกัน กะให้มันซนกันโลด เปี๋ยง..


    เอาม่วนเด้อ เพิ่น ฮ่าๆๆๆๆ
    แก้ไขครั้งสุดท้ายโดย พลายแก้ว; 08-04-2010 at 17:30.

  6. #6
    ศึกษาหาความรู้ สัญลักษณ์ของ mekin
    วันที่สมัคร
    Jun 2009
    กระทู้
    45
    หล่านางเอ๋ย....
    แม่นไผน้อน้องหล่าสังมาป๋าถิ่มปล่อย
    เอาหัวใจดวงน้อยน้อยมาลอยถิ่มแม่นธี
    แม่นเขาหลบไกลลี่เหินห่างดอกทางฝัน
    ถิ่มไปสาส่างหัวมันอย่าได้หันดอกไปง้อ
    ให้พอสาดอกวันนี้คนดีดียังมีเกลื่อน
    คราบน้ำตาที่เปื้อนแก้มขอซับไว้ให่แก่นาง.....คำเอ๋ย..

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •