งานสงกรานต์ต่างแดน อิน เบลเยี่ยม

[สาวทองแพง]

สวัสดีจ้าพี่น้อง วันอาทิตย์ที่11เมษายน2553ที่ผ่านมา สาวทองแพงมีโอกาศได้ไปร่วมงานสงกรานต์ที่
วัดไทยธรรมมาราม เมืองวอเตอร์ลู ประเทศเบลเยี่ยมมาจ้า
เลยเก็บภาพมามาฝากพี่น้องนำจ้า น่าภูมิใจหลายจ้า เห็นประเพณีบ้านเฮาในต่างแดน
พี่น้องคนไทยกะมาหลายๆ หอบลูกจูงหลานมากันเต็มวัดเลยจ้า อากาศก็ทันฮ้อนดีปานได๋ แต่ทุกคนกะสู้จ้า
ไปเบิ่งบรรยากาศดีกว่าน้อจ้า

มาเด้อจ้าพี่น้อง ร่วมถวายภัตตาหารนำกันจ้า

เสร็จแล้วไผสิถวายสังฆทาน หรือผ้าไตรก็มีให้บูชาจ้า ชุดละ10ยูโรจ้าของทางวัดเพิ่นเองจ้า


หลวงพ่อเพิ่นกะแจกฝ้ายผูกแขน ให้เป็นขวัญกำลังใจให้พี่น้องในต่างแดนจ้า

ที่ขาดบ่ได้จ้า รดน้ำมนต์กับเคาะหัวจ้า

สรงน้ำพระนำกันสะก่อนจ้าพี่น้อง เดี๋ยวสิพาไปเลาะในงานจ้าบาดนี้



ภาพรวมจ้า

ดนตรีไทยก็มีจ้า ระนาด กับซอ

จากดนตรีไทย กะมาฟังเพลงลูกทุ่งต่อจ้า เสียงเพิ่นดีๆ ฮ้องเพลงม่วนหลายจ้า

หางเครื่องกะมีแต่คนงามๆฟ้อนกะเก่งนำจ้า

ธุจ้า ขออนุญาตทุกท่านในภาพเด้อจ้าที่เอาภาพมาลงสู่พี่น้องเบิ่งจ้า
เพื่อเผยแพร่ถึงประเพณีไทยเรา บ่มีเจตนาอื่นใดเลยจ้า
เดี๋ยวมาต่ออีกเด้อจ้า ขอพักน้อยก่อนจ้า วิง นำงมหัดแต่งรูปจ้า

[สาวทองแพง]

มาต่อกันบนเวทีนางงามเลยน้อจ้า บ่ต้องแต่งมันละรูปกะดาย
งมจนวิงกะยังบ่งามยุภาพกะดาย เอาดิบๆโลดน้อจ้า

นางงามเด็กจ้า ตะฮักคัก เว่าไทยกะได้ ภาษาท้องถิ่นกะเก่งจ้า

เบิ่งเอาจ้าผุสาวทางเบลเยี่ยมงามบ่พี่น้อง ใจสู้พร้อมจ้า หนาวปานได๋กะทน สั่นสู้พะนะจ้า

ผลการประกวด เบิ่งจากจำนวนพวงมะลัยจ้า มาเด้อจ้าไผจะเชียร์เบอร์ได๋พวงละ1ยูโรจ้า

คนนี้งามๆจ้า ว่าบ่จ้าพี่น้อง
:l-แต่ทั้งเมิดทั้งมวนบ่รู้ผลประกวดจ้า หนาวหลายทนบ่ไหว สาวทองแพงเลยกลับบ้านก่อนจ้า ต้องขออภัยหลายๆเด้อจ้า

(ทันหมดเด้อจ้า มื้ออื่นสิมาต่อให้จ้า เที่ยงคืนแล้วจ้า)

[ขอจองในใจ]

ขอบคุณมากค่ะ คนไทยอยู่ไหนประเพณีไทยยังมีให้เห็นอยู่ตลอด เป็นภาพที่ประทับใจมากค่ะ สวยงามมากจ้า แล้ว สาวแพงคนไหนร๋อ ประกวดกะเขาด้วยหรือเปล่าคะ บอกด้วยนะคะ อิอิ

[ชิงช้าชาลี]

งามหลายๆจ้า เป็นตาม่วนน้องานสงกรานต์ทางเบลเยี่ยม แต่ว่าคือสิบ่สาดน้ำกันเน๊าะ เพราะว่ามันหนาว

[ติ๋ม เปอร์โย]

ม่วนเผื่อเอื้อยแหน่เด้อน้องหล่าทองแพง...บ่ได้ไปทางใด๋ดอกพี่ เฝ้าบ้านมหาอยู่หนี่หละ...
พักผ่อนเอาแฮงไปสู้งานหล่าเอ้ยยยย...

[สาวส่าเมืองอุดร]

ตาม่วนจ้าน้องทองแพง ม่วนเผื่อเอื้อยนำแน่เด้อจ้า บ่มียังเลยจ้าทางนี้ เฝ้าบ้านมหาคือสุปีหล่ะจ้าเอื้อยกะดาย

[ลูกอิสาน]

ได้ทั้งบุญได้ม่วนได้พ้อหน้าพี่น้องคนไทยน่ำกันน้อจ้าเพิ่นแพง อนุโมธนาบุญน่ำค่ะ

มีทั้งนางงามน้อยนางงามใหญน้อจ้า เพิ่นคือบ่ขึ้นประกวดแหน่จ้า เขาว่าเพิ่นต้องชนะแน่ๆเลยจ้า

[สาวทองแพง]

น้องๆ15-16ปีเพิ่นรำพัดงามๆ






ร้านค้าต่างๆในงานจ้า มีหลายร้านยุจ้า แต่คนหลายโพด เลยได้มาฝากบ่กี่ร้าน





บรรยากาสรอบๆงานจ้า แนมไปไสกะพ้อแต่พี่น้อง คนหลายโพด

[สาวทองแพง]

ภาพที่ประทับใจมากจ้า คึดฮอดเฒ่าพ่อกะปานนั้น
ขนาดเพิ่นมาไกลบ้าน ยังบ่ทิ้งผ้าขาวม้าคาดแอว

งามน้อจ้า ซิ่นเพิ่นแมะ :l-

โลกมันกลมน้อจ้า ปีที่แล้วสาวทองแพงมาพ้อหมู่ที่เรียนมานำกัน อยู่วัดนำจ้า บ่ได้พ้อกันมาเป็น10ปีแล้ว
ตอนนี้เพิ่นกะมีผลผลิตมาคนหนึ่งละจ้า ตะอิต่นแต่เฒ่าแม่ มายามหลายน้อย กะมายามหนาว เพิ่นว่าสะมาหนาวแฮงคักแท้พะนะ

ธุจ้า สุดท้ายนี้ ขอให้พี่น้องทุกท่าน จงมาแต่ความสุข อย่าเจ็บ อย่าจน เนื่องในปีใหม่ไทยเฮาน้อจ้า
ขอบคุณทุกท่านที่แวะมาชมกระทู้จ้า ขอบคุณบ้านมหาที่ให้ความอบอุ่นเสมอมาจ้า

[pui.lab]

เป็นตาม่วนเนาะน้องแพง พี่บ่ได้ไปไสเลยจ้า ทำงาน
เด็กๆใส่ชุดไทยตาฮักเนาะ