ต้มเอี่ยน(ปลาไหล) ต้มเปรต
ลิขสิทธิ์บน YouTube Credit By : https://www.youtube.com/watch?v=JHsv7saYMGg
มื้อวานฅนภูไทบ่ได้ไปเล่นน้ำสงกรานต์ ผุเฒ่าเพิ่นชวนไปแทงเอี่ยน หมานเติบได้มาเกอบสิบโต แบ่งกันเอาไปกิน ส่วนโตใหญ่มันกะ พากันเอามาต้ม แกล้มเหล้า มาเบิ่งกันเลยครับ
สำหรับวิธีการและขั้นตอนในการต้มเอี่ยนกะบ่มีหยังยาก อันดับแรกกะจัดการดังไฟ ค้างหม้อ ใส่น้ำพอประประมาณ ใส่ ข่า ตะไคร้ ใบบักกรูดลงไป ใสกระชายลงไปนำเพื่อดับกลิ่นคาว
พอน้ำเดือดๆ ใส่เอี่ยนลงไปปิดฝาให้แน่น เดี๋ยวน้ำฮ้อนสิกระเด็นใส่
พอน้ำเดือดอีกทีเฮากะมาปรุงกันเลย ใส่ปลาแดก น้ำปลาบักขามเปียก รึ ใบบักขามอ่อนกะได้ ลงไป ปรุงรสตามใจชอบ
กะว่าเอี่ยนเปื่อยดีแล้วกะตักใส่ถ้วย เสริฟกำลังฮ้อนๆพร้อมแจ่วหมากพริก มีบักสองซาวนำ สุดยอดครับ
ผุเฒ่าว่ายอดเนื้อคือหมายอดปลาคือเอี่ยน มันแม่นอีหลีตั้ว เหอๆ (เป็นความเชื่อส่วนบุคคลห้ามลอกเลียนแบบ)
ต้มเอี่ยน(ปลาไหล) ต้มเปรต
อ้างข้อความนี้
Bookmarks