แกงหน่อไม้

[บ่าวน้อยยโส]

เมือบ้านสงกรานต์บ่ได้ไปเที่ยวไสย่อนว่าอากาศฮ้อนคักถืกแดดหน่อยเดียวแสบฮ่อนทันที
เลยบ่อยากไปไสจากนั้นกะหาแต่แนวกินเลยได้เมนูแกงหน่อไม้นี่หละ

หน่อไม้แม่เพิ่นกะซื้อมาไว้แล้วกะเอาไปคั่วใส่น้ำตาลจั๊กหน่อยให้มันจืดใส่น้ำตามกันไหม้


จากนั้นกะไปหาเก็บใบหญ้านางมาคั้นน้ำ

อันนี้เม็ดมันเด้อบ่ฮู่ว่ามีผู้ได๋เอามากินกันบ่ แต่ลองซิมเบิ่งรสชาดกะหวานออกฝาด
เห็นมันหลายกะเลยเก็บมาไว้ถะปลูกอยู่ห้องพัก



จากนั้นกะล้างทำความสะอาดก่อน


แล้วกะใส่ครกตำทั้งๆที่มีเครื่องปั่นแต่ก็บ่เคยใช้จั๊กเถื่อเพราะว่าแม่เพิ่นบอกว่าตำให้มันช้ำ
น้ำมันจังออกตำแหลกแล้วกะเติมน้ำเปล่าลงครกยั๊วะๆให้น้ำเป็นสีเขียว


น้ำในหม้อแห้งแล้วเทน้ำหญ้านางลงใส่


ตามด้วยน้ำปลาแดก น้ำปลา ชูรส ตะไคร้หั่น บักพริกดิบ


มักกินบักอื๋อ ไข่มดกะใส่ลงไป


สุกแล้วกะตามด้วยยอดผักขา กับยอดอีตู่


ผมมักกินแบบแกงใหม่ๆตอนน้ำหญ้านางยังเขียวอยู่มันจังแซบถ้าอุ่นใส่ไฟใหม่จนน้ำเป็น
สีน้ำตาลรสชาดมันบ่ค่อยถืกปากจังได๋กะบ่ฮู่

[คนตระการ...]

ซดฮ้อนๆจักบาดเด้..........ตำบักหุ่งกับปิ้งปลากะเข้ากันดีคัก

[maxwell007]

เห็นแล้วหิวเข่าเด ทางซ่งพุ่นขะเจ้าหล่ะตำยานางเนอะ

เซื้อซาติแฮ้งอย่าเหม็นสาบกุยกัน
เกิดเป็นคนอีสานให้ฮักแพงกันไว้
ไผเฮ็ดดีให้ซ่อยยู้ ซอยซูอย่าย่านเหลิน
ไผเฮ็ดผิดให้ซอยเว้า ไขแก้ดอกซอยกัน ซันดอกหวา

[ไก่น้อย]

โอยยยย.... ตาลาย หิวข้าว อยากกินแกงหน่อไม้ ตำหมากหุ่ง ปิ้งปลา น้ำลายแตก 555+

[สาวทองแพง]

ตำบังหุ่ง แมะจ้าเป็นตะแซบแท้ แกงหน่อไม้กะตะแซบ
เป่าก่อนแนะเด้อจ้าอ้ายบ่าวตระการ ลวกปากเด้จ้า เพิ่นพึ่งยกลงจากเตา

[ปุ้ย]

หัวกะเคยเห็นเม็ดยานาง เพิ่งรู่ว่ายานางกะมีเม็ด อิอิ แกงหน่อไม่น่ากินมากๆๆ

[แหลวแดง]

แกงหน่อไม้เป็นตาแซบหลายๆคับผม สุดยอดเลยเด้อ ซดฮ้อนๆ

[แจ่มใสยิ้มสวย]

ตำส้ม กะ มะม่วง ข้างๆ นั่นหน่า ยั่วยั้วเจงๆๆๆๆๆๆๆๆ

[หนุ่มเหงาคนไกลบ้าน]

เเซบหลายเด่น้อครับหิวข้าวเช้าเเล้วละครับ หมากยานางกะมีหอกะเคยเห็นเด่ครับ

[เซียนเมา]

น่ากินคักหลาย
แกงหน่อไม้ กับตำส้ม ปิ้งปลาเข้ากันคัก เห็นแล้วหิวข้าวเลยครับ