อ้างข้อความนี้
บรรยากาศอบอุ่นเน้อจ้า
แต่แห้ม ต้มปลาน้ำลายไหลลลล ตำมะละกอด้วย โอ้อยากกินหลาย
ความประทับใจกับผู้ชายคนนี้ ..ศรีสะท้าน..
14 เมษายน2553 ไก่น้อยโทรนัดอ้ายศรีก่อนหน้านี้แล้วว่าสิไปยามกัน ได้เวลา11.00 ออกจากบ้านมุ่งหน้าไปหนองอิเฒ่า บ้านอ้ายศรีห่างจากบ้านไก่น้อยประมาณ 7-8 กม.เอง แต่เนื่องจากบ้านหนองอิเฒ่าค่อนข้างสิห่างไกลความเจริญ โอ๊ะ ห่างไกลจากโตเมืองกว่าบ้านไก่น้อย เทื่อนี้เป็นเทื่อแรกที่ได้ไปหนองอิเฒ่า ตื่นเต้นๆ
มาฮอดแล้ว บ้านอ้ายศรียุข้างๆวัด ข้างหน้าเป็นศาลากลางบ้าน พี่น้องเพิ่นกำลังเอาบุญบ้านกัน จ้า มีฮอดปะปาหมู่บ้านเด้อ บ้านเลา 555+
เจ้าของบ้านที่น่ารักออกมาต้อนรับ คู่แฝดอ้ายศรี 555+ (ขอบคุณอาจารย์น้องชายหล่า จ่าเกรียง หลายๆเด้อจ้า สำหรับน้ำใจไมตรี)
อย่ามานั่งใกล้กันหลายน๊า ..ความหล่อมันหงำกัน 555+ (อ้ายศรีเลาว่า)
อ่ะน๊า..จั่งได่เฮากะหล่อส่ำกันหละ อ้าย 555+ (อาจารย์เลาว่า)
เสียงดีเป็นตาหน่ายแคน นิ อ๊า ...
หางเครืองสองคนนี้ว่าสิพามาฟ้อนใส่แคนอ้ายศรี คาตะอยากอาย 555+
ขอบคุณพี่อ้อย (แฟนจ่าเกรียง)หลายๆจ้า สำหรับต้มปลาค่อ กับตำหมากหุ่ง แซบๆสุดยอดเลยจ้า
เฒ่าแม่อ้ายศรีเพิ่นกลับมาจากไปฟังเทศน์ยุศาลากลางบ้านพอดี ไก่น้อยทึ่งมากกับกิจวัตรของเพิ่นที่บ่เคยอยู่ว่าง คำเว่า คำสอน ความอุตส่าห์ พยายาม แง่คิดในการเลี้ยงลูก ขอบคุณแม่หลายๆจ้า ปล..อ้ายศรีอย่าลืมพาเฒ่าแม่ไปเที่ยว ผาน้ำย้อยนำเด้อเจ้า 555+
ไก่น้อยกะเฒ่าพ่อ รดน้ำพี่อ้อยกะอาจารย์ก่อนกลับบ้าน
เฒ่าพ่อไก่น้อยกะแม่อ้ายศรี ว่างๆไปยามไก่น้อยแน่เด้อจ้า :l-
งวดหน้าสิมีนางไห กับนักร้องไปนำเด้อบาดนิ สถานสิเป็นกลางทุ่งพุ้นหละว่าส่าน สัญญาหละเด้อนางไหทางเมืองอิปุ่น (เจ๊มิค ) 555+ พ้อกันๆเฮา :1-
บรรยากาศอบอุ่นเน้อจ้า
แต่แห้ม ต้มปลาน้ำลายไหลลลล ตำมะละกอด้วย โอ้อยากกินหลาย
... อ้างถึง ....เสียงดีเป็นตาหน่ายแคน นิ อ๊า ...
พะนะ ฮ่าๆๆๆๆ อ๊า พะนะ ยกแก้วจั่งเป่าสะพอเสียงแคนมวนเนาะครับ
โอ้ยๆๆสะออน หางเคี่ยง 2 คนเด้ครับเอื้อยไก่น้อย ตะฮักแมะครับ
ไปมื้อหน้า ให่ไปนำแนเด้อครับ อิอิ
"ไกลกะขอให้ไกลแต่เฮือกนาสวน ส่วนสายสัมพันธ์เฮาพี่น้องให้ปรองดองชิดใกล้กันคือเก่าเนาะเฮาเนาะ.. "
บ๊ะ..เมนูแม่ะไก่น้อย ได่ครบเลยตั้วะล่ะที่สั่งเล้าไว่ ต้มปลาค่อ ตำหมากหุ่ง คั่นอ้ายศรีเล้าบ่คาซ้อมคอแคนอยู่คือสิได่กินหมกปลาซิวนำอยู่ดอก(บ่มีเวลาไปส่อนเด้เนาะ..อ้ายเล้าว่า เอิ้กๆๆ)
เห็นแล้วกะคึดฮอดๆคือเก่า เที่ยวที่แล้วไปนอนคืนบ้านไก่น้อยมาแล้ว โอกาสหน่าคึดอยากไปเที่ยวทางพุ่นล่ะ ที่เว่าไว่น่ะล่ะนาง(ซังแต่ปลิงท่งนาเล้าหลายนิล่ะ ) บ่รู้ว่าอ้ายเล้าสิง่ายมาตรงกันบ่อ จั่งส่าวหากันเอาใกล้ๆมื้อก่อนเนาะจ้า ฝากกราบผู่เถ่าทางพุ่นสู่ท่านนำเด้อไก่น้อย.. เห็นอยู่ดีมีแฮงกันจั่งซิกะอิ่มใจนำแล้วล่ะ..
ปล. อ้ายศรีถ่าพาอิแม่ไปถ้ำน้ำย้อยพร้อมกันกะได่จ้า ถือโอกาสเลยตั้วะเนาะ อิอิอิ
(ไก่น้อยว่าเล้าจ่มคัก บ่พาเล้าไปจักเทื่อ พะนะ ฮ่าๆๆ )
แก้ไขครั้งสุดท้ายโดย sompoi; 24-04-2010 at 07:38.
..เทื่อหน้าให้ไปแจมนำแนเด้อน้องไก่..
..สงกรานต์ยากหลายฮอดบ่ได้เมือบ้าน กะซั่นกะสิได้ไปบ้านอ้ายศรีนำยุดอก.
คึดฮอดหลายเด้ออออออออออออออ ไหย่ศรี
บ่ได้ปะทะคารมกัน เหงาปาก เหงาใจหลายจ้า จุ๊บๆ
อยากกินต้มปลาแท้น้อ อ้ายทิดซำบายดีน้อจ้า อิอิอิ
เป็นตาไปยามดู๋เนาะไก่ บ้านหนองอิเฒ่า บ่อึดแนวอยู่แนวกินปานหนี่ ยามแค้นข้าวกะมีน้ำหล่องลง ดีคัก....
คึดฮอดเด้ออ้ายทิดเด้อ เจ้าหายไปเลย มายามให้ได้เห็นแหน่ เห็นว่ากะดาย....
โอ้วววป๊าดดดด บ้านอ้ายทิดคำศรีมีฮอดประปาหมู่บ้าน บ้านผมบ่มีแม๋อาบน้ำส่างเอาสะพอผมบ่หล่อ เอิ๊กๆ
ขอบคุณเอื้อยไก่น้อยเด้อค่า ที่พามาซี้พิกัดให่เห็นหม่องอ้ายทิดอย่างซัดแจ้ง
ฮ่วย...กะบ่ไกลเด๊ะล่ะ จากหัวนาคำโคกใหญ่โคกค่ายกะด่าย ส่ำบ้านหนองอิเฒ่า
เหมารถไปหากะสิฮอดเด๊ะเนาะ 555+... มีโอกาสสิไปยามเด้อจ้า
