กำลังแสดงผล 1 ถึง 8 จากทั้งหมด 8

หัวข้อ: ฤดูฝน..คนไร้คู่..

  1. #1

    ฤดูฝน..คนไร้คู่..

    วันปีเดือนเคลื่อนย้าย กลายเข้าสู่ฤดูฝน
    ความฮ้อนฮนค่อยผ่อนคลาย ยามเมื่อสายพิรุณร่วง
    นาท่งหลวงที่เคยแห้ง แตกระแหงแล้วผัดซุ่ม
    หม่องที่คุ่มบ่อนค้อย บวกหนองน้อยน้ำเอ่อนอง
    ข้างฝั่งหนองพ่องริมห้วย ผักผีพวยกำลังป่ง
    หญ้ากะส่งยอดดั้ว เขียวอั้วทั่วท่งนา
    มวลพฤกษานานาชาติ เดียรดาษเริ่มแตกหน่อ
    เขียวละอออั้วอ้ม ภิรมย์รื่นซื่นขจี
    เสียงจู๋จี๋แจ๊กๆจ๊อก นกกระจอกคุยกัน
    ประสาอันสกุณา กำลังหาฮังซ้น
    ฤดูฝนสิฮำย้อย เลือกหม่องงอยหาฮังอยู่
    เข้าซ้อนคู่ฮ้องเจื้อยแจ้ว แนมเห็นแล้วลักอิจฉา
    ต่างแท่นอ..สกุณาชาติส่ำนี้ กะยังมีแฟนฮ่วม
    ยังมีคู่คอยร่วม ฮ่วมสร้างทางฝัน
    คารมมันเพียงจ๊อกแจ๊ก ซ่างผิดแผกแตกต่าง
    บาดข่อยเว้าตั้งหลายอย่าง ว่าฮักนางกะเว้าแล้ว
    ว่าคิดฮอดกะเว้าแล้ว กะยังแห้ว..ไร้คู่เคียง...แท้น้อ..


  2. #2
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    สายฝนจุมพิตพื้นธรณีหอมไอกลิ่น
    ผืนแผ่นดินใหญ่กว้างสุขล้ำถิ่นอีสาน
    แล้งมานานหลายเดือนเถิงหว่างคราวคิมหันต์สิ้น
    สกุณาห่าวพืชพันธุ์เขียวชะอุ่ม ซุมแมกไม้เขียวดั้วป่งไบ
    แต่ว่าใจชายนั้นยังกระสันไข้ป่วย
    หวนหวยใจบ่อชื่นห่าวคอยแล้วกะเหล่าดาย
    อยู่บ่อนใด๋คู่ครองอ้ายนอนเดียวดายหลายปีผ่าน
    ทรมานแห้งแล้งจนสิเฒ่าแก่ตาย
    ไทยคุ้มเหนือคุ้มใต้แต่งงานไปแล้วหลายคู่
    อดสูใจแท้ๆ เป็นได้แค่แขกรับเชิญ

    บ่าวก๋าคามเอ้ย
    แก้ไขครั้งสุดท้ายโดย ทิดจ่อย; 27-04-2010 at 20:56.

  3. #3
    ร่วมกิจกรรมนำความรู้ สัญลักษณ์ของ เซียนเมา
    วันที่สมัคร
    Jun 2009
    ที่อยู่
    Suratthani
    กระทู้
    1,703
    อยู่เดียวเปลี่ยวกาย แสนสบายแต่ไม่สนุก
    อยู่สองครองทุกข์ แสนสนุกแต่ไม่สบาย

    เฮ็ดจั่งได๋ผุข้าจั่งสิมีคู่นำเขา อิอิอิ

  4. #4
    เจ้าหน้าที่ประชาสัมพันธ์ สัญลักษณ์ของ วัฒนชัย หาริโร
    วันที่สมัคร
    Jan 2010
    กระทู้
    884
    ทางน้องกะได้ความเหงาเป้นคู่ละอ้าย

  5. #5
    เจ้าหน้าที่ประชาสัมพันธ์ สัญลักษณ์ของ สายลม
    วันที่สมัคร
    Jan 2008
    กระทู้
    443
    อดเอาเด้อจ้า ใหญ่แล้ววววว

  6. #6
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    เถิงสิฮู้ว่านรกมีจริง แต่กะยังอยากฮู้ว่านรกเป็นจั่งใด๋
    แม่นบ่อครับบ่าวเมืองร้อยเกาะ บ่าววัฒน์ อิ อิ อิ

  7. #7
    ร่วมถ่ายทอดความรู้สู่สังคม สัญลักษณ์ของ bnserver
    วันที่สมัคร
    Jan 2009
    กระทู้
    368
    อ้ายคิดฮอดน้องมื้อนี้เหลือใจถี่บ่เห็นหน้า
    บาดว่านางกลับมาซิฮักอ้ายคือเก่าบ่น้อ
    บาดว่าคึดฮอดพ้อ อยากได้น้องมาเคียงกาย
    เพราะกายอ้ายเดียวดายรอเพียงเจ้ามาเคียงคู่
    หากว่าน้องฮับฮูให้น้องฟ้าวคืนอ้วยหลัง
    อย่าทิ้งพี่..ไว้ลำพังให้โศกเศร้าโสกา
    ให้ฟ้าวคืนกลับมาหาอ้ายถอน้อ...นาง

  8. #8
    ฟังเสียงฝนเสียงฟ้า
    เสียงนกกาผัดมาฮ่ำ
    จ่มพ่ำๆคึดฮอดหล่า
    พอปานฟ้าลั่นแลง
    เสียงแจนแวนนกจิบเอิ้น
    สังสะเทินฤดุใหม่
    เสียงแฮกไถนากว้าง
    พี่ชายง่วงป่วงหา
    จักว่าตั๋วหือว่าเล่น
    จักว่าเป็นหือว่าบ่
    ฝากแต่ควมพ้อว้อ
    คึดฮอดเจ้ายุซุยาม ...... พะนะ อิอิ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •