เคยได้ยินแต่ชื่อบางแสน2 หว่างามคัก บ่เคยไปเที่ยวจักเถื่อ พอมีเวลาว่างเลยบ่ปล่อยโอกาสให้หลุดมือ มาเบิ่งนำกันเด้อคับ............
เขื่อนอุบลรัตน์มองจากมุมสูงคับเพิ่นหว่าปีนี้น้ำน้อยแฮงแล้งคัก..
มาฮอดแล้วกะเติมพลังก่อนคับเดี๋ยวบ่มีแฮงเล่นน้ำ นายแบบหน้าตาคือกันแฮงสงสัยฝาแฝดคักๆ..
กุ้งเผาจานละ320 บาทคับบ่แพงดอก ถ้าแพงเพิ่นคือสิบ่ขายให้ดอก..อิอิ..
อิ่มหนำสำราญแล้วกะได้เวลาลงสรงน้ำแล้ว เล่นตามอัธยาสัยคับ
บานาน่า โบ๊ทหรือเรือกล้วย กะมีให้เล่นคับเรือถีบกะมีคือกัน..
เล่นเหมื่อยแล้วกะได้เวลาหันหน้าเข้าวัดทำบุญจักหน่อยวัดภูพานคำคับ
เห็นทางขึ้นแล้วเกือบถอดใจเพิ่นหว่าบันไดแค่ 800 ขั้นเอง ได้แต่ท่องในใจ
อยากขึ้นสวรรค์กะต้องเหมื่อยแหน่จักหน่อย....
มาฮอดแล้วแหงนหน้าขึ้นเห็นพระพุทธรูปองค์ใหญ่อยู่ต่อหน้าเซาเหมื่อยเลยคับ
มาฮอดกะชักภาพเป็นที่ระลึกจักหน่อย......
ทำบุญแล้วกะได้เวลาลงไปข้างล่างอีก เบิ่งจังได๋กะยังไกลคือเก่า..
พากันไปเที่ยวสันเขื่อนอุบลรัตน์....
ขากลับแวะตลาดซื้ออึ่งกับผักหวานไปเฮ็ดกินยามแลงครับ..
เอาให้ครบเซ็ทเลย อิ่มอกอิ่มใจ อิ่มบุญ อิ่มท้องนำ....
Bookmarks