หน้าที่ 1 จากทั้งหมด 5 หน้า 123 ... หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 43

หัวข้อ: ขอเว่าภาษิตอิสาน ถามข่าว PJ Nan เบิ่งแน่

  1. #1
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433

    ขอเว่าภาษิตอิสาน ถามข่าว PJ Nan เบิ่งแน่


    เป็นจั่งใด๋เนื้อแน่น
    อยากเว้านำ PJ Nan นักจัดรายการกะจั่งว่า
    ฟังแต่เพลงเจ้าจัดมา อยู่บ้านมหาเวปไซด์ เสียงใสเจ้าบ่ได้ยิน
    ซ่อยแนะนำถ้าเป็นได้ ว่าจัดช่วงเวลาใด๋ สิคอยเฝ้าฟังเบิ่ง
    สิได้ถ้าแต่เหิง ๆ ถ้าออนไลน์กะพอลุ้น ยังสิได้รับฟัง ซั่นแหล๋ว

    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

  2. #2
    PJ Nan
    Guest

    Re: ขอเว่าภาษิตอิสาน ถามข่าว PJ Nan เบิ่งแน่

    สวัสดีพี่น้อง.......................มวลมิตรไทอีสาน
    บ่าวตาหวานอยู่ทางได๋..........ได้งินบ้อเสียงน้อง
    เวลาทองมาแล้ว..................เสียงแจ๋วแจ๋วจำได้บ่
    น้องสาวหล่ามาพบพ้อ...........กะเหมือนตั้งดั่งเดิม.
    สิมาเสริมควมสุข.........................ให้หมู่แฟนฟังเจ้า
    93.25ทางพี้.........................หมอลำดีมีหม่องหม่วน
    น้องสาวหล่าเป็นผู้ซ่วน..................หมอลำเต้ยให้หย่าวกลอน Re: ขอเว่าภาษิตอิสาน ถามข่าว PJ Nan เบิ่งแน่



    สังมาดีใจฮ้ายบ่าวพี่ชายมาถามไถ่
    อยู่แถวได๋ล่ะอ้ายบัดเทื่อได้แม่นรับฟัง
    วิทยุชุมชนตั้ง พระราม 2 ให้จำจื่อ
    ออกอากาศอยู่สุมื้อ บ่ายสามนั้นให้จื่อเอา
    จัดรายการมากะดนแล้วเสียงใส ๆ พาแฟนหม่วน
    มีสุขล้วนๆฟ้าวหมุนคลื่นให้รับฟัง ฟ้าวหมุนคลื่นให้รับฟัง Re: ขอเว่าภาษิตอิสาน ถามข่าว PJ Nan เบิ่งแน่


















  3. #3
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433

    Re: ขอเว่าภาษิตอิสาน ถามข่าว PJ Nan เบิ่งแน่

    ย่านเด้น้อ ย่านว่าหูเจ้าของด้าน บาดได้ยินเสียงหวาน ๆ เสียงดีเจม่วน ๆ

    อ้ายนี้อยากเชิญชวน ซุมพ่อลุงแม่ป้า มาพร้อมนั่งฟัง

    เพลงอิหยังกะได้ เอกพล มนตระกาล ขอฟังนำเจ้าแน่

    หวังว่าบ่ใจแหล่ ขอเพลงเดียวท่อนี้ พอได้ม่วนหู

    เก้าสิบสามจุดสองห้า อยากฟังเบิ่งอยู่นา ถ้าออนไลน์กะไคแน่

    อยากให้คลื่นจัดออนแอร์ ออกอากาศทางเวปไซด์ คือได้ม่วนหลาย

    ลองเฮ็ดเบิ่งเด้อหล่า ติดต่อทีมบ้านมหา ให้มาตุ้มมาซ่อย

    เจ้าสิได้เว่าจ๋อย ๆ ออกอากาศทางเวปไซด์ ทั้งโลกได้นั่งฟัง...........

    ซั่นดอกหว๋า

    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

  4. #4
    PJ Nan
    Guest

    Re: ขอเว่าภาษิตอิสาน ถามข่าว PJ Nan เบิ่งแน่

    ชายเอ้ยบุญกุศลสร้างได้ฮ่วมทางดอกจั่งหว่า
    คงเป็นตาชื่นมื่นทุกคืนเช้าเจ้าหว่าใด๋
    คันเจ้าไรลืมทิ่มคงขึ้นหนิมให้เขาส่า
    เป็นคือจั่งมีดพร้าคันฝนได้กะบ่คม....สั้นแหล่ว..

  5. #5
    บ่าวอุบลมิวสิค
    Guest

    Re: ขอเว่าภาษิตอิสาน ถามข่าว PJ Nan เบิ่งแน่

    เป็นไปด้วยประการล่ะฉะนี้ 5555+

  6. #6
    PJ Nan
    Guest

    Re: ขอเว่าภาษิตอิสาน ถามข่าว PJ Nan เบิ่งแน่

    Re: ขอเว่าภาษิตอิสาน ถามข่าว PJ Nan เบิ่งแน่ กระทู้ต้นฉบับโดยคุณ :: บ่าวอุบลมิวสิค ::
    เป็นไปด้วยประการล่ะฉะนี้ 5555+
    อ้าว ซ้า...........ธุ

  7. #7
    บ่าวอุบลมิวสิค
    Guest

    Re: ขอเว่าภาษิตอิสาน ถามข่าว PJ Nan เบิ่งแน่

    โอ้ยน้อแหล่นน้องแนนเอ้ยให้ถามแหน่
    ถามอีหลีแท้ๆ ตอบมาแม้อย่าอ่งหลาย
    มีผุ้ชายมาเกี้ยว เจ้าเคยเหลียวเบิ่งแหน่บ้อ
    หรือว่ามีผู้พ้อ เอานางไว้ ใช้ผุเดียว
    เจ้าว่ามีเครือเกี้ยว นางคนเดียวไว้นอนก่าย
    แม่นเจ้ามีผู้ฮ้าย ยามเจ้าเข้าบ่อนนอน แน่บ้อ นางเอย


  8. #8
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433

    Re: ขอเว่าภาษิตอิสาน ถามข่าว PJ Nan เบิ่งแน่

    แม่นอิหลีน้อเจ้า อ้ายบ่าวเมืองอุบล
    ขอผมฮู้นำจั๊กคน แน่เด้อญาอ้าย
    เว้าพื้นสาวแนนหล่า มีบ่น้อผู้กอดเกี่ยว
    หรือมีแต่ว่าเว้าเกี้ยว ให้เฮาเผ้ออยู่สู่วัน
    ว่าจั่งได๋น้อหล่า มีคนจานำเจ้าไป่
    มีผู้นอนนั่งไกล้ เป็นชายซู้แล้วไป่น้อ

    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

  9. #9
    PJ Nan
    Guest

    Re: ขอเว่าภาษิตอิสาน ถามข่าว PJ Nan เบิ่งแน่

    ...โอ น้อ อันว่าสุดทางไกลล้ำ
    อ้ายเดินทางมาถามข่าว
    จาฝากรักนาฏน้อง
    ปองไว้ บ่ เสื่อมสูญ
    ....อย่าสิมาลวงล้อ ให้คึดต่อนำหลาย
    อย่าสิมาตั๋วกัน ให้คิดนำแลงเซ้า
    คือสิเทียวทางพ้อพอใจจอดแว
    บัดห่าหายเมื่อยแล้วเฮือนหอน้องอ้าย บ่ เหลียว
    ....น้องผู้พั้วดอกซ้อนบุปผาหอมกลิ่น
    บ่มีไผเบิ่งสิ่ง ตาน้อยบ่เหลียว
    เฮียมนี้ปลอดอ้อยซ้อยเสมอดั่งเทียนสิง
    ผัดแต่เป็นหญิงมากะ บ่ มีซายซ้อน
    คือดังสาขาไม้ ลำเดียวบ่มีคู่
    ไม้หากมีแต่ต้นเครือสิเกี้ยวกะบ่มี อ้ายเอย
    ...น้องคือแนวนามเชื้อกาดำต้อยต่ำ
    ซำแมงหิ่งห้อยสิเส็งสู้แข่งโคมฉาย ได้ฤา
    อ้ายนั้นดังจันทร์เทิงฟ้าดาราทั้งคู่
    หญิงแสนสิฮ้องฮ่ำไห้ บ่ มีได้เนิ้งจันทร์ ได้แหล่ว
    ....มาหลูโตนโตเด้ฮักเพิ่นทางเดียว
    แสนสิเทียวมาจาเพิ่นบ่เหลียวพอน้อย
    เห็นว่าพลูลามค้าง ปลายชานเหี่ยวแดด
    เจ้าบ่ตักน้ำพรม เจ้าบ่ อมน้ำพูด
    พลูสิแห้งเหี่ยวตา ซั่นแหล่ว
    ...อันคำชายเว้าคือดั่งสิกลืนกิน
    บาดใจขมคือกอฮอ บ่ อาจมีไผฮู้
    คันบ่จริงเจ้าอย่าเว้า คันบ่เอาเจ้าอย่าว่า
    ย่านคือตอกมัดกล้า ดำนาแล้วเหยียบใส่ตม นั้นแหล่ว

  10. #10
    PJ Nan
    Guest

    Re: ขอเว่าภาษิตอิสาน ถามข่าว PJ Nan เบิ่งแน่

    อ้ายเอย น้องนี่ขันติตั้ง สัจจังหมั่นเที่ยง
    บ่ได้คิดเบี่ยงเลี้ยว ลวงล้อหลอกไผ
    ...ผัดแต่ฟังความเจ้า ความเก่าเอามาจา
    มีแต่พาทีฮัก แม่นบ่อนได๋จริงแท้
    ไผสิเป็นองค์เจ้า อรหันต์ตรัสส่อง
    ไผสิมาสอดฮู้ ใจเจ้าว่าบ่จริง อ้ายเอย
    ...อันตัวน้องนี่ บ่ มีแปลงเลศลวงเสน่ห์
    คันได้เอ่ยปากอ้าง สิมายม้างเป็น บ่ มี
    ผัดแต่มื้อพ้อเจ้ามีแต่เฮาเว้าน่ำน่ำ
    ให้คิดนำอ้ำล้ำ นำเจ้าอยู่สู่เว็น แท้น้อ
    ...ตกมื้อนี้ ตาน้องสังมามัวมัวถั่ว ขัวนัวน้ำข้าวหม่า
    บัดซู่มื้อบ่ได้เป็นดังนี้ มองแล้วกะส่องเห็น
    อันแต่ในมโนน้อง จังใด๋ค่อยไหวหวั่น
    อ้ายผู้มาสั่นต้น นวลน้องจึ่งหวั่นไหว
    ว่าแต่ไฟนั้นฮ้อน ใจน้องแฮงกว่าไฟ
    ว่าอยากเด็ดดวงใจ ผู้เจ้าพาให้มันฮ้อน แท้น้อ
    ....โบราณว่าเว้าซู้ต่างบ้าน ย่านแต่ถูกของเขา
    ว่าสิเอาแต่วาจา ส่วนใจบ่มีเตื้อง
    ย่านแต่ทางอ้ายนั้น บ่ ฮักน้องคือควร
    ย่านแต่สายคออวน สิแบ่งใจหลายด้าน
    ...คันวาสนาเคยสร้าง กองบุญชาติก่อน
    เคยได้เก็บดอกไม้ ในต้นฮ่วมกอ
    คันแม่นบุญเคยสร้าง ผลาเฮาเคยฮ่วม
    คันแม่นคาดได้ฮ่วม ไกลกันกะต่าวหา ดอกนา

หน้าที่ 1 จากทั้งหมด 5 หน้า 123 ... หน้าสุดท้ายหน้าสุดท้าย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •