กำลังแสดงผล 1 ถึง 10 จากทั้งหมด 10

หัวข้อ: แปดสองหน คนสองใจ

  1. #1
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773

    แปดสองหน คนสองใจ

    ตกมาปีอธิกมาส แสงแดดสาด สายลมหวี่
    ลมมาสีวอยๆ เป็นอาการแบบนี้ ฝนสิแล้งว่าแน่นอน
    ออนซอนเสียงแมงง่วง หว่อนๆ ฮ้องตอนหัวค่ำอยู่ปลายนา
    คือจั่งจำนรรจาบอกเป็นลางให้เตรียมพร้อม
    กาเวางอยคอนฮ้อง ว่ากาเวาเว้าหน่ำๆ
    ตะวันลงลับไม้ เรไรจ้อแจ่มใส
    ไผผู้ตกกล้าไว้แต่หัวปีคิดให้ถี่
    แปดสองหนในปีนี้ย้านเป็นหนี้ตื่มตาม
    ข้าวและน้ำบ่อค่อยห่อนสิสมบูรณ์
    โตผู้มีแต่นาดอนแหงนคอแนมแต่เทิงฟ้า
    บุญบั้งไฟกะบุญแล้วฝนบ่อมาขี้ดินไหง่
    แห่นางแมวโบราณพาเฮ็ดไว้ไทบ้านกะแห่แหน
    ฟ้ากะยังแปนปานหัวล้านทรมานใจผู้คึดต่อ
    เฮ็ดนาขายข้าวแล้วปีนี่เก็บรวมไว้เป็นค่าดอง
    ความหวังมาขัดขาดข้องคนที่จองเป็นลายต่าง
    ข่าวว่านางนาถน้องปันใจให้ผู้อื่นไป
    มีคนไกลมาคุยเจ้าเขาทั้งรวยและรูปหล่อ
    คนชาวนาผู้จั่งอ้ายเอาหยังนั้นไปสู้เขา
    อ้ายเข้าใจเจ้าอยู่ดอกหล่าความฮักเฮากินบ่ออิ่ม
    แค่ความฮักกินบ่อได้ไปสาน้องอ้ายบ่อฝืน
    เขาผู้คนเพรียบพร้อมดูแลนางได้ดีกว่า
    กะส่างหัวอ้ายเถาะ พอทำใจยอมรับได้ ไปสาน้องอย่าห่วงหลัง


  2. #2
    เจ้าหน้าที่ประชาสัมพันธ์ สัญลักษณ์ของ วัฒนชัย หาริโร
    วันที่สมัคร
    Jan 2010
    กระทู้
    884
    กะส่าเขาเนาะอ้ายมาๆสิพาไปหาทางกาฬสิน

    บ่อึดบ่อยาก

  3. #3
    แปดสองหนคนสองใจ เพลงอ้ายปอยฝ้ายเพิ่นว่ายุ
    อย่าหดหู่เถาะอ้าย หลายใจบ้างกะซ่างเขา
    ความฮักเฮาที่มีไห้ เหมิดความหมายไร้คุณค่า
    วาสนาเฮาคนจน ให้ค่อยทนไปเด้ออ้าย
    แม่นฮักหลายกะส่ำนี้ เมื่อเขาหนีไปมีอื่น
    อีกเป็นหมื่นพุ้นดอกจ้า ประสาหม่องแม่นผุสาว
    คือจั่งข้าวถึงสิแล้ง ดินระแหงแห้งฟ้งไหง่
    แดดเผาไหม้อยู่สุมื้อ กะคงยื้อยอมทุกข์ทน
    บาดเมื่อฝนมาฮ่ำย่อย กะจั่งค่อยแตกกอใหม่
    ถึงสิบ่งามปานได๋ กะพอได้เกี่ยวอยู่ดอกอ้าย ชายพี่อย่าหม่นหมอง..เด้อ..



    ป่ะอ้าย...กินต้มไก่บ้านน้อง แซบๆๆตัวะ อย่ามัวเศร้าเก่ามะโน ฮ่าๆๆๆๆ

  4. #4
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    ว่าแล้วได้ขอพักใจไว้สาก่อน
    เซาย้อนคิดอดีตแล้วหาหม่องให้ผ่อนคลาย
    กลายไปบ้านบ่าวก๋าคามกินต้มไก่
    หยิบก้อนขี้ถ่านไฟเขียนใส่ฝากระท่อมน้อยว่าลาแล้วรักลวง
    บ่อขอวนเข้าบ้วงรักกลวงๆ ญิงใด๋ดอกง่ายๆ
    "กระท่อมทำใจ" เขียนใส่ไม้ปีกแป้นให้คนฮู้ว่าฮักพัง
    จากความหลังเก็บเอาห่อผ้าลาไปเบิ่งจักหว่าง
    หอบหัวใจฮ้างๆ ไปหาแก้แหม่นเหล้ารีฯ


    (เหล้าขาวกะได้ไผสิเลี้ยงแหม่นบ่อขีน อิ อิ อิ)
    มาเด้อน้องวัฒน์ไปนำกัน
    แก้ไขครั้งสุดท้ายโดย ทิดจ่อย; 14-05-2010 at 13:09.

  5. #5
    ศิลปิน นักแสดง สัญลักษณ์ของ kitty
    วันที่สมัคร
    Mar 2010
    ที่อยู่
    ลำลูกกา คลอง 2
    กระทู้
    1,193
    ลมหายใจมีไว้ให้ความหวัง
    สร้างพลังดวงจิตอย่าคิดถอย
    อย่าอยู่อย่างชีวิตที่เลื่อนลอย
    โหยละห้อยเสียกาลและเวลา
    อุปสรรคเข้าเผชิญจงเดินสู้
    ยอมรับรู้ด้วยใจที่อาจหาญ
    ตรึงและตรองแก้ไขอย่านิ่งนาน
    รีบประสานเข้มแข็งด้วยแรงใจ
    :l- :l- :l-


    เหล้าขาวมาเอาเด้อจ้า เลี้ยงเองจ้า ..

  6. #6
    เจ้าหน้าที่ประชาสัมพันธ์ สัญลักษณ์ของ วัฒนชัย หาริโร
    วันที่สมัคร
    Jan 2010
    กระทู้
    884
    บ่มีรีให้ดอกอ้าย เห็นใจชายกะว่าอยู่

    ยังมีหมู่และน้องๆ ยังคองถ้าอ้ายอ่วยคืน

    เขาเป็นอื่นไปไกลแล้ว บ่มีแววสิคืนต่าว

    มีตั้งแต่เหล้าขาว ไก่ผู้ใหญ่ของญาอ้าย

    เป็นกับแกล้ม นั้นอยู่นำละอ้ายเอย....

    น้องหล่าจองตับเด้อสิเอาไปสู่เอื้อยหนอนกิน ส่วนหัวให้อ้ายก๋าคามชะเนาะอ้าย
    ผุเลาไปลักมา

  7. #7
    Moderators สัญลักษณ์ของ สหายพง
    วันที่สมัคร
    Mar 2009
    ที่อยู่
    ผมมากับรถผ้าป่า
    กระทู้
    1,558
    โอ้ยๆๆมีแต่กวีตั๋วนี้พงขอคาราวะ 1 จอก

  8. #8
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    อ้าวๆๆๆ กินของโจรเผิ่นสิบ่อว่าสมรู้ร่วมคิดบ้อน้อนี้
    ย้านติดคุกเด้บาดนี้....อ้าวฟ้าวทำลายหลักฐาน
    กินให้เกลี้ยง น้อง Kitty เอาหล้าขาวมาแล้ว

    ....มาวห้ายตาบแข็งตายไปเลอเอย....อ๊วก!! แอ้!

  9. #9
    แบ่งปันความรู้และประสบการณ์ สัญลักษณ์ของ ทิดยุทธ ลูกพญาแล
    วันที่สมัคร
    Jun 2009
    กระทู้
    127
    ผูกสนิท ชิดเชื้อ นั้นเหลือยาก
    ถึงเหล็กฝาก รัดไว้ ก็ไม่มั่น
    จะผูกด้วย มนต์เสก ลงเลขยันต์
    ก็ไม่มั่น เหมือนผูกไว้ ด้วยไมตรี

  10. #10
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    ศักราชได้ล่วงพ้นวนมาอีกรอบหนึ่ง
    ถึงปีฝนขาดฟ้าปะดินแห้งไหง่ผง
    ยืนจกถงแนมนาแล้งข้าวตายแดงผมฝรั่ง
    นั่งสูบยาใกล้ๆ คือสิไหม้แม่นบ่อยัง
    ฟังโบราณเผิ่นเว้าแปดสองหนคนสิทุกข์
    อุกใจหลาย ปีใด๋มีแปดซ้อน สองซ้ำหน่ำทวี
    แปดสองหนวนมาปีนี้ ว่าสิดีกว่าปีก่อน
    ออนซอนเห็นข้าวกล้ามาตายแห้ง คักกว่าเดิม
    หัวแต่สิเริ่มวาดความหวังฮักครั้งใหม่
    ใจเอยใจสังมาอุกตื่มซ้ำ ความหวังล่มอยู่เคิ่งทาง
    สาวคีงบางกะลาแล้ว เผิ่นหาแปวป่องสิออก
    บอกว่ารอถ่าอ้าย ส่ำรอมื้อแต่สิตาย
    อุกใจหลายพออยากฮ้อง พญาแถนบ่อหลิ่งหล่ำ
    รินพรำๆ น้ำตาไหลอาบหน้า ฝนฟ้าบ่อหลั่งริน

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •