เมฆตั้งเค้า เป็นเหง่า ฝนสิตก
วาโยพัด เมฆโพยม เฮียวไม้
ปลายไผ่เนิ้ง ลำอ่วย เสียงออดแอด
แออี้แอ้ เอนด้วย อ่วยตาม
ฟ้าฮ่ำฮ้อง ฮึ่มฮ่ำ คำรามเสียง
เปรี้ยงเปรี้ยงแสง สะท้อนทั่ง สะเทือนพื้น
รุกขชาติฟื้น จากเหี่ยว เขียวขจี
ผลิกิ่งใบ ก่วยแหนง แซงซ้อน
เกษตรกรก้ำ กสิกรรม นาไฮ่
ลงหว่านไถหยายข้าว รถไถจ้าวหย่าวเดิน
บ้างพ่องฮ้องเฮียกเอิ้น เตินกันสนั่นแซว
จัดดาแนวสู่กิน เทิงแซบสึม มาตื่มต้อน
มีเทิงต้มไก่ฮ้อน เหล้ายาสาโท
กินแล้วโสเสกัน หัวขวัญม่วนกุ้ม
อิจฉาซุมควายเล็มหญ้า ข้างเถียงนาเลาะกอไผ่
พอฮอดตอนสายๆ เข้าซ้นใต้ฮ่มหว้า นิทราซ้อยแซบเสย..แท้นอ
อ้างข้อความนี้
Bookmarks