ผญาว่าเอา

[ทองคำ]

โอนอ อุกใจหลายเด้หล่า เอกายังหว่าเหว่
อกสิเพแตกม้าง ทางก้ำฝ่ายพี่ซาย
มาเสียดายแต่ก้ำ ผลาทำบ่ยู้ส่ง
คือจั่งกงกรรมเกี้ยว เทียวใช้แต่หมู่เวร
เกิดมาเป็นคนมาหนี่ ซาวปีสิพ้นหว่าง
ยังนอนเดียวอ้างว้าง กระทอฮ้างสาวบ่อเหลียว
ทุกมื้อเปลี่ยวใจเศร้า แนวเฮาผู้ฮ่ายใหญ่
บ่อมีสาวเห็นใจ คือไม้ตายแก่นหล่อน ดอนด้าวบ่อเฮ็ดเฮือน
แนวนามหมาขี่เฮื้อน บ่สมเฮือนไม่ยูงแก่น
แนวว่าแป้นไม้หมี้ บ่มีได้เฮ็ดแพ
อุกเหลือหลายคักแท้ แก้ผ้าย่างให้ส่วงใจ สาบ้อ
หรือแม่นไผเด้นอ สิซ่อยยอให้หวิดม้ม เจ้าเอย

[ศรีสะท้าน]

...ฮ่วยยย มาสิว่าแก้ผ้าย่างนอ บาดนี้ หมาสิบ่อแล่นใส่บ่อท่าน..อิ อิ อิ

โอนอ อย่าไปโสกาเส่าเหงาใจจนเกินเหตุ ท่านเอ้ย สมพอมีหากสิได้ มีบ้างดอกเรื่องสาว
อย่าไปคิดดอกฟั่งฟ้าว ไปหาเที่ยวเทียวสนุก เอาให้หายความทุกข์ อย่าฟ้าวหาเมียซ้อน
ข่อยเห็นตอนยามมีแล้ว ลงเฮือนกะยังยาก ลำบากนำลูกเต้า ได้นอนเฝ่าอู่เปล
คิดยากเด้ยามฝนฟ้า ยามดำนาแม่เถ่าจ่ม ฮ่าลางเทื่อเฮ็ดเวียกงานบ่อม้ม เขาผั่นป้อยด่าผี พู้นตั้ว..

อย่าฟ้าวอยากได้หลายเถาะเมียหน่ะ...บ่อจักนรกสิบขุมบ่อเจ้า เว้าแล้วข่อยเมือนอนก่อนเด้อ
เขาสิว่าข่อยมาเหล่นสาว อิ อิ อิ ผั่นสิได้นอนนอกซาน ซั้นดอกหวา ยุงแฮ่งหลาย

[สาวชุมแพ]

นั่งเฮ้ดน้ำลายเหยื่อย ฟังผญากอ่น
[img]http://img267.google.co.th/img267/6010/2190551155270308vc2.gif[img]

[ศรีสะท้าน]

เป็นได๋หล่า สังมาเฮ็ดน้ำลายเหี่ย หรือแม่นเลียหมากส่ม หมากยมน้อยต่อยตำ...
ซิมจักคำเป็นหยังน้อง อ้ายขอลองคือสิแซบ อ้ายสิแลบปากอ้ากินส่มให่ส่วงใจ นั้นแหลว..
...............................กินนำแหน่ ตำหมากยม หรือหมากม่วงบ้อนาง.......................................