คืนใจอ้ายง่ายกว่าบ่น้อง

[วัฒนชัย หาริโร]

น้องสาวเอย...หากฮักกันแล้วเจ็บแค้น คำว่าแฟนบ่มีค่า

ได้อดสาแค่ฮักอ้าย ทางใจนั้นแม่นบ่มี

ทุกนาทีมีเขากั้น ความสัมพันธ์ให้ออกห่าง

อยากสิย่างไปจากอ้าย สิยอมพ่ายอ้ายว่ายอม

ถึงหัวใจสิบ่พร้อม แต่กะยอมสิโดดเดี่ยว

บ่อยากเกี่ยวแขนน้องไว้ ทางใจนั้นแม่นบ่มี

ทุกนาทียังฮักเจ้า ถึงแม้เฮาสิออกห่าง

ถึงสิต่างจากเดิมแล้ว บ่ลืมได้ว่าฮักเธอ

ยังเสมอคือเธอหล่า ถึงน้ำตาสิร่วงหล่น

ยังเป็นคนที่ฮักเจ้า แม้ความเศร้าเข้าคุกคาม

บ่มียามเลิกฮักได้ แม้ว่าใจเจ้าบ่อยู่

ขอเป็นคู่ความอ้างว่าง รอขอสร้างชาติต่อไป....เด้อหล่านางเอย

[สาวมุก]

โอ๊ยๆๆ..น้องชายเอื้อยเป็นหยังน้อนิ..มักสาวรุ่นเอื้อยกะบ่สมหวัง ..มามักสาวซำน้อยกะยังบ่สมหวังอีกติ น้องหล่าเอ้ย..คือมาเป็นตาสงสารแท้ มาๆๆๆ มาเป็นหลานเขยเอื้อยกะได้ หลานสาวเอื้อยหากะ 10 ขวบ ขุนอีกจั๊กหน่อยกะ เข้าท่าแล้วล่ะ เด็กน้อยสุมื่อนิใหญ่เร็ว...

[sompoi]

คั่นแม่นแลกกันได่ เอาใจไผ๋มาแทนฮ่วม
บ่ต้องสวมอดีตต้อม ใจน้อมใส่พาหัน
อัศจรรย์น้อใจนี่ บ่มีวันสิลาหล่วง
บ่ลืมดวงดอกดั้วเจ้า ที่เคยเย้ายั่วหยอกผัน
เห็นแรมจันทร์กะใสเกิ้ง อยู่เทิ้งฟ้าให้หล่ำหมี่
สูงสุดสอยสิหล่ำลี้ ส่ำว่าพี่บ่าวอ้ายซาย..เด้น้อ

[ต่าย]

หล่าเอ๊ยยย....
เสียงจ่มจอบ..จ้อยจ้อย..จนใจจ้อม
ผู้สาวซ้อมหัวใจ..จนช้ำใน..ใจสะท้าน
จอบมาอ่านมาเชียร์..ใจละเหี่ยบัดพ้อหน้า
ฟังวาจาว่าใจช้ำ..ผู้สาวซ้ำอยู่บ่เซา.. (พะนะ)
อดสาเอาเด้อชาย..บ่ฮอดตายดอกเด้ออุ่น
เอื้อยมาสูนแทนเด้น้อ..พออยากเพใจท้าว..
ทนนอนหนาวแน้จักน้อย..ทนนอนคอยแน้จักบาด
ตัดให้ขาดผู้สาวน้อย..เอื้อยสิคอยหาใหม่ให้ซั่นแหลว..น้องหล่า

หน่ายเด้น๊อ..คนผู้สาวหลายแต่ใจน้อยแหมะ อิอิ
c06:

[ผู้ก่อการรัก]

ได้แต่อ่าน แต่งไม่เป็นเนาะแนวนี้

แปลยังไม่ออกเลย อิอิ

[ปุ้ย]

บ่มีควมเว่าได่แต่อ่านเอาเว่านำบ่เป็น 5555

[ปั้ม อาภัพ]

ฮักโตเจ่าของ บ่ดีกว่าบ้ วัฒนชัย ฮักคนที่เขาฮักเฮากะดีคือกันดิ อ้ายผ่านมาก่อน

[กาฬสินธุ์ถิ่นไดโน]

มีความหมายคล้าย ๆ เพลงของ ต่าย อรทัย รู้ว่าเขาหมดใจ... ทำไมยังฮักเหลือเกิน และเพลงของตั๊กแตน ชลดา คืนใจให้กัน เป็นกำลังใจให้น้อง ม่วนครับน้อง แต่งบ่เป็นดอกแต่อ้ายติชมได่ยุ

[วัฒนชัย หาริโร]

ยามได่น้อสิได้คนที่เขาฮักเฮามา
ยืนเคียงข้างนำหมู่

[ลาวดีน้อย]

อ้ายเอ้ย แนมมาทางน้องกะได้ คั้นแม่นบ่มีไผ อิอิ อยู่คนเดียวเด๋วผีหลอกจ้า อิอิ