หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 19

หัวข้อ: เที่ยวเขื่อนน้ำงึม เมืองลาวจ้า

  1. #1
    ร่วมถ่ายทอดความรู้สู่สังคม สัญลักษณ์ของ สาวเมืองกะสิน
    วันที่สมัคร
    Sep 2007
    กระทู้
    584

    เที่ยวเขื่อนน้ำงึม เมืองลาวจ้า

    มื่อนี้สิชวนพี่น้องบ้านมหาข้ามไปยามพี่น้องทางเมืองลาวจ้า พอดีมีพี่น้องอยู่ทางฝั่งพู้น ปกติกะไปมาหาสู่กันเป็นประจำอยู่จ้า เพราะว่าอา(น่องสาวพ่อ)เลาไปมีครอบครัวอยู่ทางพู้น แต่ว่าครั้งนี้พิเศษเพราะว่าสิพาไปชมเขื่อนเก็บน้ำที่ใหญ่ทีสุดของเมืองลาวจ้า ชื่อว่า "เขื่อนน้ำงึม" เป็นเขื่อนที่ผลิตกระแสไฟฟ้าให้พี่น้องเฮาทางอิสานเหนือได้ใช้ไฟฟ้านำจ้า อาว(น้องเขยอีพ่อ)เลาเป็นหัวหน้านายช่างอยู่นั่นจ้า กะเลยได้มีโอกาสได้ไปเที่ยวชมเขื่อนกัน

    ก่อนอื่นอธิบายการเดินทางก่อนเด้อจ้า เดินทางไปเที่ยวเมืองลาวทุกมื่อนี่สะดวกสบายหลายจ้า ไปทางรถทัวร์กะได่ มีรถทัวร์ออกจากขอนแก่น เที่ยว 8.30 โมง ไปฮอดเวียงจันทน์ประมาณ 11.30โมงจ้า จากนั้นก็ต่อรถไปที่เขื่อนได้เลยจ้า แต่กะต้องทำพาสปอร์ตก่อนเด้อจ้า ถ้าไปหลายมื่อ แต่ว่าไปลาวครั้งนี้ เลือกขับรถไปเองจ้า อ้ายเป็นคนขับ เอารถไปจอดฝากไว้ที่หนองคาย จ่ายค่าที่จอดวันละ 90 บาท(หม่องรับจอดรถสะดวกปลอดภัยดี) จากนั้นก็นั่งรถข้ามไปจ้า พอไปถึงอากะมารับ แล้วกะเดินทางไปเขื่อนกันเลย ถนนหนทางก็สะดวกสบายจ้า มาๆๆเบิ่งกันเลย


    ข้ามไปฝั่งลาวทางหนองคาย ก็จะได้เห็นศูนย์การค้าปลอดภาษีจ้า มีสินค้าให้ช้อปหลายอย่างจ้า เช่น กระเป๋า รองเท้า สวยๆทั้งนั้น แต่ว่าครั้งนี้บ่ได่แวะจ้า กะเลยได่แต่ภาพภายนอกมาฝากจ้า
    เที่ยวเขื่อนน้ำงึม เมืองลาวจ้า


    เที่ยวเขื่อนน้ำงึม เมืองลาวจ้า


    ไปถึงเวียงจันทน์ตอนเช้า นั่งรถผ่านฮ้านข้าวจี่ลาว (ขนมปังฝรั่งเศส เอามาย่างไฟอ่อนๆ ให้ขนมปังหอมๆ แล้วผ่ากลางใส่มะเขือเทศ ซอส แตงกวา ผักกาดหอม หมูยอ) กินกับกาแฟลาว (คล้ายโอเลี้ยงบ้านเฮา) ตอนเช้าๆ โอ๊ยแซ่บหลายจ้า ไปเมืองลาวจะเห็นฮ้านอาหารเช้าแบบนี้จ้า

    เที่ยวเขื่อนน้ำงึม เมืองลาวจ้า

    วิวก่อนถึงเขื่อนน้ำงึมจ้า
    เที่ยวเขื่อนน้ำงึม เมืองลาวจ้า


    ฮอดแล้วสันเขื่อน จอดรถไว้ ย่างขึ้นไปชมวิวจ้า มาๆตามมา[IMG][/IMG]
    เที่ยวเขื่อนน้ำงึม เมืองลาวจ้า


    เที่ยวเขื่อนน้ำงึม เมืองลาวจ้า[IMG][/IMG]


    เที่ยวเขื่อนน้ำงึม เมืองลาวจ้า

    ตัวเขื่อน
    เที่ยวเขื่อนน้ำงึม เมืองลาวจ้า

    เที่ยวเขื่อนน้ำงึม เมืองลาวจ้า

    เลาะเขื่อนเมือยแล้ว กะสิพาแวะบ้านกินข้าว กินปลา เด้อจ้า ปลาอยู่เขื่อนน้ำงึม ขึ้นชื่อว่า รสชาดแซ่บหลาย ไผ๋ไปเที่ยวอย่าลืมสั่งมากินเด้อจ้า
    เที่ยวเขื่อนน้ำงึม เมืองลาวจ้า


    พาข้าววงใหญ่ รวมญาติลูกๆหลานทางเมืองลาว มาเด้อกินข้าวนำกัน แซ่บขนาดได๋กะเบิ่งอีพ่อเลาโลด(เสื้อกล้ามสีขาว) กินอิ่มยิ้มออกจ้า

    เที่ยวเขื่อนน้ำงึม เมืองลาวจ้า

    เที่ยวเขื่อนน้ำงึม เมืองลาวจ้า

    อยากไปกินปลาแซ่บๆ บรรยากาศดีๆ อากาศเย็นสบายๆ สูดอากาศบริสุทธิ์เต็มๆปอด เขื่อนน้ำงึมเมืองลาวยินดีต้อนรับจ้า
    พักผ่อนจักหน่อยก่อน เดี๋ยวสิเอาบรรยากาศ งานสงกรานต์ในเขื่อน เน้นในเขือนเด้อจ้ามาให้เบิ่ง โปรดติด่ตามตอนต่อไปจ้า
    แก้ไขครั้งสุดท้ายโดย สาวเมืองกะสิน; 01-06-2010 at 00:09.

  2. #2
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    4,928
    บล็อก
    8
    ตามมาเที่ยวเขื่อนนำงึมนำสาวกะสิน บ้านเพิ่นเป็นตาฝนดีเนาะจ้า
    กระเบื้องจะฟูลอย น้ำเต้าน้อยจะถอยจม เมฆจะหล่นฟ้าปลาจะกินดาว ลาวจะครองเมือง ::)

  3. #3
    ร่วมถ่ายทอดความรู้สู่สังคม สัญลักษณ์ของ สาวเมืองกะสิน
    วันที่สมัคร
    Sep 2007
    กระทู้
    584
    ฟ้าฝนทางบ้านเพิ่นกะตกดีอยู่จ้าเอื้อยไก่น้อยไปช่วงสงกรานต์กะพ้อฝนจ้า
    ยิ่งขึ้นไปทางเขื่อนยิ่งอากาศดีหลาย และถ้าไผ๋อยากไปกินอาหารป่า ก็ต้องสั่งไว้ล่วงหน้า จังสิบ่ผิดหวังจ้า
    ถ้าว่างกะไปเที่ยวเด้อจ้า

  4. #4
    ร่วมถ่ายทอดความรู้สู่สังคม สัญลักษณ์ของ ไผ่หวาน
    วันที่สมัคร
    Jun 2009
    ที่อยู่
    PATTAYA CITY
    กระทู้
    729
    บล็อก
    14

    กระพริบตา

    พึ่งฮู้ว่ามีรถจากขอนแก่นไปฮอดเวียงจันทน์ ขอบใจจ้าที่ให้ข้อมูล
    สิได้ไปเฮ็ดพาสปอร์ตไว้ถ่าข้ามไปเที่ยวลาวกะน้า

  5. #5
    ศึกษาหาความรู้ สัญลักษณ์ของ บุรุษไร้ใจ
    วันที่สมัคร
    Apr 2010
    กระทู้
    192
    c06: ครับ..เป็นจังได๋แนในการเดินทาง

    เข่าไปประเทศเขา...มันสิกลับออกมาได้บ่อ..

  6. #6
    ดีเจ นักจัดรายการ สัญลักษณ์ของ บักขามป้อม
    วันที่สมัคร
    Jun 2009
    ที่อยู่
    อิสานบ้านเฮา
    กระทู้
    610
    บล็อก
    5

    ขอบคุณจ้าพี่สาวเมืองกะสิน ที่เอาฮูปงามๆ มาฝาก บ่ทันเคยไปลาวจักเทื่อคือกันจ้า ขนาดบ่อยู่ไกลปานได๋กะดาย บ้านหลังหลังสีโอโรสนั้นเป็นบ้านญาติพี่สาวบ่จ้า บริเวณบ้านร่มรื่นเป็นตาอยู่ดีเนาะจ้า บรรยากาศกะเป็นตาอบอุ่นหลายจ้าในวงพาข้าวแมะ

  7. #7
    เจ้าหน้าที่ประชาสัมพันธ์
    ขวัญใจบ้านมหา 2012
    สัญลักษณ์ของ สาวมุก
    วันที่สมัคร
    Mar 2010
    ที่อยู่
    มุกดาหาร
    กระทู้
    662
    เป็นตาอยากไปเที่ยวแท้จ้าสาวกะสิน สาวมุกดาหารอยู่ใกล้ปานนี่กะยังบ่มีโอกาสได้ไปเลย ย่อนว่าคาตะยากเวียก เคยไปแต่หลวงพระบาง แต่ว่านานแล้วล่ะจ้า เดี๋ยวเที่ยวหน้าสิไปอยู่จ้า ว่าสิไปทางสะพานมิตรภาพแห่งที่2 ที่มุกดาหาร บ้านเจ้าของนิแหล่ะ ไผสิไปนำ..ยกมือขึ้นเด้อจ้า..กลางคืนกะนอนเฮือนสาวมุก ค่าที่พักบ่ต้องเสีย ส่วนเรื่องของกินกะไปหาซื้อเอาแถวตลาดก่อนกลับ หรือว่าสิให้แม่สาวมุก หากบหาเขียดไว้รอถ่า กะได้เด้อจ้า..

  8. #8
    เจ้าหน้าที่ประชาสัมพันธ์
    ช่างภาพอิสระ
    สัญลักษณ์ของ ฅนภูค่าว
    วันที่สมัคร
    Feb 2010
    ที่อยู่
    นครโคราช บ้านเกิดกาฬสินธุ์
    กระทู้
    1,206

    เขื่อนน้ำงึม

    เห็นฮูปภาพแล้ว กะเป็นตาข่ามฝั่งไปเที่ยวนำอยู่ตั๊วะละเนาะ ไคอยู่ดอกพู่เพิ้นมีพี่น้องอยู่ฝั่งพุ้น กะสิไปงายมางาย เห็นโตเขื่อนแล้ว จังได๋กะใหญ่ก่อเขื่อนลำปาวบ้านเฮาคักคัก มันกะแม่นหละเบ้ย(โคกก่อง)

  9. #9
    ดูแลตรวจสอบเนื้อหา สัญลักษณ์ของ หนุ่มเหงาคนไกลบ้าน
    วันที่สมัคร
    May 2008
    กระทู้
    2,307
    บ้านพี่เมืองน้องน้อครับบ่อไกลกันหม่องเที่ยวกะหลายบรรยากาศดีกินข้าวฮ่วมพาร่วมญาติเห็นเเล้วอบอุ่นดีครับ

  10. #10
    แบ่งปันความรู้และประสบการณ์
    วันที่สมัคร
    Mar 2009
    กระทู้
    261
    มักธรรมชาติเมืองลาวที่ยังคงอยู่ย่อนว่าความเจริญทางวัตถุยังหน่อย บรรยากาศดีหลายๆ

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •