หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 17

หัวข้อ: เหตุเกิดที่บ้านบ่าวจัย!!

  1. #1
    ร่วมถ่ายทอดความรู้สู่สังคม สัญลักษณ์ของ เมษา
    วันที่สมัคร
    Jan 2009
    ที่อยู่
    UK and BKK.
    กระทู้
    991

    กระพริบตา เหตุเกิดที่บ้านบ่าวจัย!!


    มื่อนี่เป็นมื่อสุดท้ายที่สิได้อยู่ กทม มีนัดกับอ้ายพลว่าสิไปกินเข่าเวนที่บ้านเลาวาซั่น

    อ้ายพลโทรมาหาแต่เซ่า (บ่อทันตื่นจ้อย)ว่าไปเจอกันบ้านบ่าวจัยเนาะ พะนะ

    อ้ายว่าสิมีมากันหลายคนวาซั่น(หน่าเก่าๆ)นั่นหล่ะ เอ๋า..ไปก่าไปสั่นหน่ะ

    สิไปปั้มฮ่างก่าบ่อมีเวลาแล่ว สงสัยสิบ่อมีวาสนาเนาะ มาตั้งโดนก่าบ่อมีเวลาไปแหม

    มื่อนี่ก่าพอดีเป็นวันเกิดของสาวอิ่มอัมพรนำค่ะ สุขสันต์วันเกิดเด้อจ้า hbd:




    ป้าดดดดดดดด จังแม่นงามหลาย หุ่นก่าดีเนาะ อั่นภาพติดฝาผนังเพิ่นนั่นแหม



    เหตุเกิดที่บ้านบ่าวจัย!!






    หน่วยกล้าตายค่ะ ไผเป็นไผ เบิ่งเอาจ้า


    เหตุเกิดที่บ้านบ่าวจัย!!




    ไผหล่อ บ่อหล่อ ก่าตัดสินใจเอาจ้า


    เหตุเกิดที่บ้านบ่าวจัย!!





    หลังจากลากลับจากบ้านบ่าวจัย เมก่าไปเจอเพื่อนเก่า นัดกันกินเข่าแลงพะนะ เป็นตาแซ่บเนาะ คืออิ่มๆอยู่หือ



    เหตุเกิดที่บ้านบ่าวจัย!!





    ร้านนี้อาหารแซ่บๆทั้งนั้นเลยค่ะ อยู่สนามบินน้ำ ใกล้ๆหมู่บ้านเศรฐศิรินี่หล่ะ ว่าสิกินบ่อได้พะนะ แต่ก่าหมดอีหลี



    เหตุเกิดที่บ้านบ่าวจัย!!






    อิ่มแล้วก่าไปนั่งคุยกันที่บ้านหมู่ ใกล้ๆร้านอาหารนี่หล่ะจ้า เจ้าของบ้านใส่เสื้อ ขาว-ดำนั่นหล่ะค่ะ สามใบเถ่า อิอิ



    เหตุเกิดที่บ้านบ่าวจัย!!


    สรุปแล้ว กว่าสิได้กลับบ้านก่าเที่ยงคืนหล่ะค่ะ กระเป๋าก่าแพคบ่อทันแล่วจ้อย ต้องมางมอีก

    กว่าสิได้นอนก่าเกือบตี 2 ต้องตื่นแต่ 6 โมงเซ่า เกือบตายค่ะ บ่อเคยอดนอนแหม

    แถมรถติดอีกเด้วันจันทร์แหม ย่านตกเครื่องเกือบตาย กระเป๋าก่าหนักคัก ยัดจนซิปสิแตกแหม

    สุดท้ายทุกอย่างก่าเป็นไปด้วยดีค่ะ บ่อตกเครื่องดอก เดินทางปลอดภัย แต่เกือบสิมีปัญหาตอนรับกระเป๋าแล้วนี่หล่ะ

    ได้กระเป๋าแล่วก่าลากผ่านกงศุล กระเป๋าตุงคัก ใบก่าใหญ่ ใบน้อยก่ามี ถุงหิ้วอีก พะรุงพะรัง

    แต่ยังบ่อพ้นเลย หนุ่มกงศุลหล่อๆก่าเดินมาดักหน่า หวัดดีครับ เดินทางมาจักคน พะนะ

    ก่าบอกเพิ่นแหล่วว่ามาคนเดียว เพิ่นเลยขอตรวจกระเป๋าจ้อย นึกในใจ ตายแน่ๆเลยบาดหนี่

    เทิงหมากเงาะ เทิงมังคุด เทิงปลาร้าสับ ปลาแห้ง แคปหมูอีก สงสัยต้องถูกโยนลงถังขยะแน่ๆเลย

    เฮ็ดใจดีสู้เสือค่ะ กงศุลหล่อนำดอก ถิ่มก่าถิ่มเด้อ ซางมันเหอะ นึกในใจ แต่ก่าเสียดายเด้ถ้าเพิ่นถิ่มแหม

    เปิดกระเป๋าไป ใจก่าสั่นไปนำ แต่ก่าพยายามตั้งสติเอา บ่ออยากสิรูดซิปกระเป๋าออกเล้ย ย่านคัก อายคนย่างผ่านไป-มานำเด้หนี่

    พอเปิดออกเพิ่นก่าเบิ่ง เจอกระปุกปลาร้าสับ เพิ่นถามว่าอีหยังแม่นหมูบ่อ ปลาร้าสับจ้าบ่อมีหมูดอก บ่อเป็นหยังส่ะ พะนะ

    เจอแคปหมูอีก นี่อีหยัง แม่นพวกเนื้อหมู-วัวบ่อพะนะ บ่อมีๆค่ะ แต่นี่มันหมูนะ เอ๋า.. แคปหมูก่าบ่อได้ตี่ส่ะ บ่อ พะนะ

    มาเจอปลากระตั๊กแห้งอีก 2 ถุงใหญ่ๆ แต่บ่อมีปัญหา บ่อถามดอกว่าปลาอีหยัง เจอถุงใบหมากกรูดอีก แต่บ่อมีปัญหา รอดไป

    ฮ่วย.. เปิดอีกกระเป๋า เจอเงาะ 4 กิโล มังคุด อีก 4 กิโล แม่นหยัง พะนะ ฮ่วย..มังคุด เงาะ สั่นดอก

    บ่อกล้าบอกดอกว่าเป็นผลไม้น่ะ ย่านอิอิ บ่อเป็นหยังวาสั่น โอ้ย.. หนอ โล่งอกคัก เลยแกะมังคุดไห่เบิ่ง ชิมแหม่ะ แซ่บเด้

    บ่อๆ ขอบคุณครับ กินบ่อได้อยู่ในหน้าที่ พะนะ เบิ่งหมดทุกกระเป๋าแล่ว เพิ่นเลยซอยเก็บของใส่กระเป๋า ซอยยัดตั้งโดนแหม

    ยกลงใส่รถเข็นไห่คือเก่าเด้อ (นึกในใจดอก) แต่เพิ่นก่ายกไห่หล่ะ หนักหลายพะนะ คือขนมาหลายแถ่ะเสื้อผ้า วาซั่น

    เจ้าอาศัยอยู่หนี่ตี่ พะนะ จ้า สั่นดอก แต่ก่าหลายอีหลีหล่ะเสื้อผ้าก่าดาย ใส่ก่าบ่อหมดดอก มันหนักนำเกงยีนนำหล่ะ

    เสร็จแล่วก่าเลยขอบคุณเพิ่น แคปหมูเพิ่นก่าบ่อถิ่มดอก แต่เพิ่นว่าคราวหน่าอย่าเอามาอีกเด้อพะนะ จ้า สั่นดอก

    เลยฟ่าวเข็นรถออกไป เฮ้ออออ เกือบไปแล้วตรู นี่ครั้งแรกที่เจอด่านอรหันต์ค่ะ ปกติบ่อเคยเจอขอตรวจดอก

    ดีเด้ที่บ่อเอาปลาร้าสดๆมา เพราะกระเป๋าเต็ม ยัดบ่อได้อีหลี ถ้าเอามาสงสัยถูกถิ่มลงถังขยะแน่ๆเลย....ฮิ้ววววววว:l-

    เข็นรถออกมา คนมาถ่าฮับยืนหน่าบิดอยู่ เพิ่นถามว่า เฮ็ดหยังอยู่คือมาโดนแถ่ะ พะนะ อิอิ

    เครื่องลงช้า กว่าสิย่างมาหา ตม. ก่าไกล รอกระเป๋าก่าโดนเด้ สั่นดอก เหตุเกิดที่บ้านบ่าวจัย!!

    บ่อกล้าบอกเลาดอกว่าถูกตรวจกระเป๋า เดี๋ยวคราวหน่าเลาไปนำสิถูกแบนขนของมาอีก ฮ่าา :l-

    ตื่นเซ่ามาได้ข่าว ม้าสาวซัมเมอร์ ออกลูกแล่วจ้า :1-





    แก้ไขครั้งสุดท้ายโดย เมษา; 02-06-2010 at 02:35. เหตุผล: แก้คำผิด

  2. #2
    :l- ยินดีต้อนรับกลับสู่แดนผู้ดีจ้าพี่เมษา
    บ่ว่าเวลาจะผ่านไปนานแค่ใหน แค่มิตรภาพพี่น้องเฮาบ่มีเปลี่ยนน้อจ้า
    อบอุ่นเสมอยามเห็นพี่น้องได้ไปยามกันจ้า

  3. #3
    ดูแลตรวจสอบเนื้อหา สัญลักษณ์ของ แหลวแดง
    วันที่สมัคร
    Mar 2008
    กระทู้
    2,194
    ฟ้าวเข้ามาที่เกิดเหตุ เห็นหัวข้อว่าแม่นเหตุด่วนเหตุร้ายสั่นดอก อิอิ

  4. #4
    โอ้โห เม ขนมาได้แยะเลยหายอยากได้นานเลยนะจ้า
    กลัวกินไม่ทั้นเคี้ยงเงาะมาทางนี้บ้างก๊ได้นะจ้า อิอิอิออิ พี่นิ ยินดีคะ

  5. #5
    ฝ่ายเทคนิค ควบคุมการแสดง
    Mr.ขวัญใจสื่อมวลชน
    สัญลักษณ์ของ ทิดรส มักม่วน
    วันที่สมัคร
    Sep 2008
    ที่อยู่
    ยโสธร
    กระทู้
    303
    ขอไฮ่เดินทางด้วยความสวัสดิภาพ
    ปลอดภัยจากอันตรายใดใดทั้งปวงเด้อครับ
    โอกาสหน้ากลับมา กะอย่าลืมของฝากน้องชายคนนี้เด้อครับ อิอิ

    ขอบพระคุณในน้ำใจไมตรี จากพี่สาวครับผม
    แก้ไขครั้งสุดท้ายโดย พล พระยาแล; 02-06-2010 at 08:50. เหตุผล: แก้คำผิด

  6. #6
    Moderators สัญลักษณ์ของ สหายพง
    วันที่สมัคร
    Mar 2009
    ที่อยู่
    ผมมากับรถผ้าป่า
    กระทู้
    1,555
    555 ของผ่านอยูแต่คนติละเผิ่นสิไห้ผ่านบ่555เว้าเล่นเด้อครับผมหิ้ววววววว

  7. #7
    ศิลปิน,ช่างภาพอิสระ สัญลักษณ์ของ เพ็นนี
    วันที่สมัคร
    May 2009
    ที่อยู่
    Bangkok
    กระทู้
    1,387
    บล็อก
    2
    เอ๋า...กลับแล้วติ๊เอื้อยเม ฮ้วยเพ็นนีทันได้พ้อแม๊...
    เมื่อวันทิตย์ที่ผ่านมาเพ็นนีก่าว่าง
    เลยไปบริจาคโลหิต กลับมาก่าเป็นลม อาหารเป็นพิษ


    กลับฮอดอย่างปลอดภัยกะดีใจนำเอื้อย....
    555+ คิดฮอดเฒ่าแม่เพิ่นห่อไปจนแน่นแบบนี่หล่ะ

  8. #8
    ดูแลตรวจสอบเนื้อหา สัญลักษณ์ของ สาวส่าเมืองอุดร
    วันที่สมัคร
    Dec 2007
    ที่อยู่
    Hattiesburg, MS , USA
    กระทู้
    1,287
    กลับฮอดบ้านตลอดปลอดภัยน้อจ้าเอื้อยเมจ้า ปีหน้าเด้อจ้า อาจจะพ้อกันเด้อจ้า กะน้องจอย ความอบอุ่นของพี่น้องบ้านมหาเฮายังเหมือนเดิมเนาะจ้า ไคเดนะ เพิ่นยังให้เข้าประเทศสุอย่างเอื้อยเม ทางนี้คั้นเปิดพ้อหล่ะ แล้วเลย โยนทิ้มเบิด ดีแน่แต่เสี่ยง :l-

  9. #9
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,940
    เดินทางโดยสวัสดิภาพ และมาพบกันในเว็บบ้านมหาดอทคอม
    ขอบคุณมิตรภาพไร้พรมแดนที่ทำให้พวกเรามาพบกันได้
    ขอให้รักษามิตรภาพที่ดีนี้เอาไว้ตราบนานเท่านานครับ
    ....ขอบคุณที่ยังรักกันครับ

  10. #10
    ร่วมถ่ายทอดความรู้สู่สังคม สัญลักษณ์ของ อิ่มอัมพร
    วันที่สมัคร
    Mar 2009
    ที่อยู่
    ทุ่งครุ
    กระทู้
    267
    ขอบคุณหลายๆเด้อจ้า เอื้อยเมษา
    โอกาสหน้าฟ้าใหม่จังมาพ้อกันอีกจ้า

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •