หน้าที่ 1 จากทั้งหมด 4 หน้า 123 ... หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 36

หัวข้อ: อันนี้พี่น้องเอิ้นว่าจั่งได๋จ้า

  1. #1
    ดีเจ นักจัดรายการ สัญลักษณ์ของ บักขามป้อม
    วันที่สมัคร
    Jun 2009
    ที่อยู่
    อิสานบ้านเฮา
    กระทู้
    667
    บล็อก
    5

    คำถาม และรอคำตอบ อันนี้พี่น้องเอิ้นว่าจั่งได๋จ้า



    กราบสวัสดีพี่น้องบ้านมหาซู่คนจ้า เหตุที่ตั้งกระทู้นี้ขึ้นมากะย้อนว่า ช่วงต้นเดือนก่อนขามป้อมได้เมือบ้าน แล้วกะได้เห็นเฒ่าพ่อเพิ่นนั่งสาน "กะป่อม" อยู่ ซึ่งกะเป็นภาพที่ชินตา มาตะน้อยเท่าใหญ่แล้วล่ะจ้า ว่าเฒ่าพ่อเลาสะบ่ค่อยอยู่ซื่อๆ ยามว่างจากเฮ็ดไฮ่เฮ็ดนา เพิ่นกะสะสานแห สานสะหวิงแหน่ สานข่องสานกะป่อมไปจั่งซี้ล่ะจ้า

    แต่พอมาถึงมื้อนี้ ขามป้อมกะย้านภาพนั้นมันเลือนหายไปจากความทรงจำ แล้วกะอยากอนุรักษ์สิ่งดีๆ แบบนี้ไว้ กะเลยได้ถ่ายรูปเอามาฝากพี่น้องบ้านมหาเฮานี่ล่ะจ้า แต่ว่าแต่ละท้องถิ่นกะอาจสะเอิ้นบ่คือกันเนาะจ้า บางบ้านกะอาจเอิ้น "ข้องลอย"

    กะป่อมนี้ เฮ็ดมาจากไม้ไผ่จ้า บ่แม่นเครื่องมือหาปลา แต่เป็นแนวใส่ปลาหรือสัตว์น้ำทุกชนิดที่หาได้ การใช้งานคล้ายๆข้องจ้า แต่ทางบ้านขามป้อมมักสะใส่ทุ่นลอยน้ำนำ สะได้เอาลงไปน้ำนำได้จ้า เพราะว่าอยู่บ้าน น้ำแก่งท่วมทุกปี

    ขามป้อมกะเลยอยากฮู้ว่า พี่น้องในบ้านมหาเฮานี่ พากันเอิ้นว่าจั่งได๋แหน่จ้า


    อันนี้พี่น้องเอิ้นว่าจั่งได๋จ้า

    อันนี้เบื้องหลังเฒ่าพ่อจ้า :l- แอบถ่ายย้านเลาอยากอาย ทีแรกบ่ทันคึดพ้อจ้าว่าต้องถ่ายรูปมาลงกระทู้ กะเลยบ่ทันตอนเฒ่าพ่อเลาขึ้นลายทีแรก ยังคึดเจ็บใจตะของอยู่ ว่าน่าสะถ่ายรูปตะตอนเลาเริ่มจักตอก 555555555

    อันนี้พี่น้องเอิ้นว่าจั่งได๋จ้า

    อันนี้พี่น้องเอิ้นว่าจั่งได๋จ้า


    อันนี้พี่น้องเอิ้นว่าจั่งได๋จ้า


    :l- เริ่มเป็นรูปเป็นร่างแล้วจ้า ตอนนี้นายแบบเริ่มรู้โตล่ะ เพราะว่าลูกสาวเพิ่นลักถ่ายรูปอยู่ไกลๆ บ่ถนัด 555


    อันนี้พี่น้องเอิ้นว่าจั่งได๋จ้า

    อันนี้พี่น้องเอิ้นว่าจั่งได๋จ้า

    เสร็จไปแล้วจ้า เอาไปตากแดดก่อนจ้า เพราะว่าตอนเก็บรายละเอียดหม่องปากมัน เฒ่าพ่อเลาอมน้ำพ่นไปนำ 5555555555 เลาว่าเฮ็ดให้ตอกอ่อนๆ ค่อยดัดง่ายจ้า ทีนี้กะเสริมความแข็งแรงให้ก้นกะป่อมก่อนจ้า

    อันนี้พี่น้องเอิ้นว่าจั่งได๋จ้า


    มาฮอดขั้นตอนใส่ตาข่ายให้ปากของกะป่อมแล้วจ้า


    อันนี้พี่น้องเอิ้นว่าจั่งได๋จ้า

    อันนี้พี่น้องเอิ้นว่าจั่งได๋จ้า


    เสร็จสมบูรณ์แล้วจ้า เตรียมพร้อมสะลงห้วยลงหนองได้ล่ะ :l-

  2. #2
    ดีเจ นักจัดรายการ สัญลักษณ์ของ บักขามป้อม
    วันที่สมัคร
    Jun 2009
    ที่อยู่
    อิสานบ้านเฮา
    กระทู้
    667
    บล็อก
    5



    ส่วนอันนี้ ผ่านการใช้งานมาอย่างโชกโชน ร้อยเอ็ดเจ็ดย่านน้ำ เบิ่งสภาพเอาโลดจ้า
    :l-







    นายแบบเริ่มหิวข้าวแล้วจ้า สูญเสียพลังงานไปหลายเติบ ลูกสาวหล่ากก (เป็นลูกกก แต่ลูกสาวเดียว) กะเลยได้หาข้าวสู่กินสาก่อน มาเด้อจ้าพี่น้องมากินข้าวนำกันจ้า ขอบคุณพื้นสำหรับโพสกระทู้ของบ้านมหาดอทคอมเฮาจ้า

    ปล. เอื้อยๆ อ้ายๆ ที่เข้ามากระทู้นี้ กะซ่อยให้คำตอบขามป้อมแหน่เด้อจ้า ว่าแต่ละท้องถิ่น แต่ละจังหวัดทางอีสานบ้านเฮา เอิ้นว่าจะได๋ ได้เอิ้น "กะป่อม" คือทางอุดรฯ บ้านขามป้อมบ่
    :l-

  3. #3
    ร่วมถ่ายทอดความรู้สู่สังคม สัญลักษณ์ของ บ่าวห้วยละโอง
    วันที่สมัคร
    Feb 2009
    กระทู้
    757
    หายากละเด้อคับผุสิมีฝีมือในการจักสานแนวนี่คับ เห็นแนวกินละหิวข้าวเด้

  4. #4
    ฝ่ายเทคนิคและโปรแกรม สัญลักษณ์ของ เต็มใจให้เธอ
    วันที่สมัคร
    Jul 2007
    ที่อยู่
    ดอกคูณ เสียงแคน ขอนแก่น
    กระทู้
    1,340
    บล็อก
    6
    อยู่ทางบ้านอ้าย บ่มีครับ มีแต่ข้องลอย กับข้องธรรมดาครับ
    แบบนี้บ่เคยเห็นครับ

    อยากกินข้าวโพดข้าวเหนียว

    แกงปลาดุกใส่หน่อไม่ส่มนำเนาะ เป็นตาแซบหลายๆๆ

  5. #5
    Moderators สัญลักษณ์ของ สหายพง
    วันที่สมัคร
    Mar 2009
    ที่อยู่
    ผมมากับรถผ้าป่า
    กระทู้
    1,558
    555อยู่บ้านเอิ้นกะทอ ขั่นเอาไปสานเชือกปิดปากใส่ปลากะเอิ้นกะซัง สรุปแล้วเป็นสายพันธุ์ผสม
    แบบนี้ต้องเอิ้น กะทอ-ซัง 5555 ซื่อปานดาราญี่ปุ่นีน้อ กะทอ-ซัง แหม่นบ่ขามเอ้ย

  6. #6
    แบ่งปันความรู้และประสบการณ์
    วันที่สมัคร
    May 2009
    กระทู้
    67
    แนวนี้ทางสตึก กะบ่เคยเห็นครับ เคยเห็นเคยใช้กะมีแต่ ข้อง ข้องลอยแล้วกะซังครับ...

  7. #7
    ดีเจ นักจัดรายการ สัญลักษณ์ของ ข้าวปาด
    วันที่สมัคร
    Oct 2006
    ที่อยู่
    finland
    กระทู้
    807
    บล็อก
    1
    เอื้ิอยบ่เคยเห็นแม่ะขามปอ้ม จักว่าเอิ้นจั่งดั่ยเด้อบาดนิ รุ้ตะว่า แกงปลาใส่หน่อไม้ส้ม เป็นแช่บ อิอิ

  8. #8
    แบ่งปันความรู้และประสบการณ์ สัญลักษณ์ของ ๛หนุ่มบ้านไกล๛
    วันที่สมัคร
    Apr 2009
    กระทู้
    849
    บล็อก
    8
    อืม................ ง่าย ๆ โลดคับ "ที่ใส่ปลา"

    อิอิ แถวบ้านมีแต่ข้อง

  9. #9
    แบ่งปันความรู้และประสบการณ์
    วันที่สมัคร
    Dec 2009
    กระทู้
    200
    ที่บ้านไม่มีใช้ค่ะแบบนี้ ไม่รู้ว่าเรีกยกว่าอะไร
    มีแต่ข้องอย่างที่เขาว่าแหละจ้า

  10. #10
    ศิลปิน นักแสดง สัญลักษณ์ของ kitty
    วันที่สมัคร
    Mar 2010
    ที่อยู่
    ลำลูกกา คลอง 2
    กระทู้
    1,193
    ขามป้อม เพิ่งเคยเห็นนี่แหละน้อง คนเฮ็ดเพิ่นคือเก่งแท้เนาะ

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •