นี่คือสถานีวิทยุออนไลน์ของดีเจคู่ขวัญ ที่พี่น้องเกือบร้อยกว่าชีวิตจากทั่วทุกมุมโลกเคยไปเยี่ยมสถานีมาแล้ว เป็นเครื่องมือแปด ซื้อมาจากพันธุ์ทิพย์ราคาสี่พันบาทยังใช้ได้ดีครับ
ถามบ่าวคนเดิมว่าฮาร์ตดิสก์ 40 กิ๊ก แรม 256 พอสิลากไหวบ่ครับ เพิ่นบอกว่าลองเบิ่ง ๆ ทั่น สิบ่พอแล่วอยู่บ่ แล้ว ๆ มีไมค์แล่วตี้ล่ะ ......บ่แหล่ว ดีเจเต็มสิซื้อให้อยู่ซั่นดอก
คอมฮ่างอีเถ่าโตนี้เวลาซอกหาเพลงให้พี่น้อง พี่น้องกะจ่มว่าเพลงสะดุดพะนะ สะดุดกะสะดุดรักดอก เปิดห้องแชตเล่นกะบ่ได้ หมุนติ้ว ๆ อยู่ จัดเพลงได้อย่างเดียว อิอิ
ดีเจเต็มเพิ่นส่งไมค์มาให้ เสียงดีคัก อาบน้ำในห้องน้ำกะได้ยินอ้ายเอ้ยพะนะ เจ้าอย่าเบ่งแฮงเด้อสิเข้าไมค์พะนะ เวลาดีเจเด็กน้อยเว่าไมค์ข่อยสิหย่ำกระดูกหมูอ่อนกะบ่ได้ ย่านเลาด่า ไมค์เสียงดีคัก เฮ็ดหยังกะเข้าไปเบิ๊ด มื่อหนึ่งลืมปิดไมค์ จั๊กว่าป้อยว่าจั่งใด๋ จนแฟนเพลงบอกว่าให้ปิดไมค์แน ๆ ๆ ฮ่า ๆ ๆ
เปลี่ยนไมค์ไปเป็นโหลครับ ทั้งสายขาด ทั้งลำโพงดังข้างเดียว ดึงกันไปกันมา ย่อนยาดกันเว่า จั่งได้แบ่งช่วงเวลากันนั้นล่ะ คือหายสงสัยแล้วน้อบาดเนี่ย ว่าดีเจคู่ขวัญคือบ่จัดพร้อมกัน ....ฮ่า ๆ ๆ
จัดรายการไปพร้อมเอาข้าวเหนียวจ้ำต่อนปลาแดกไปพร้อม ย่านพี่น้องขอเพลงแล่วบ่เห็น สิว่าบ่จัดเพลงให้อีกล่ะ ปานนั้นกะบ่ทัน พี่น้องมาหลายโพด
นี่กะฮาร์ตดิสก์ของบ่าวกันต์เพิ่นสงเคราะห์มา เห็นจ่มว่าบ่มีเพลงเพิ่นหลูโตน สามร้อยกิ๊กอัดเพลงไว้ในนี่หลายร้อยเพลง แต่เวลาแฟนเพลงขอมา ซอกหาบ่พ้อ จั๊กไปลี่อยู่ไส
ขอบพระคุณผู้มีอุปการะคุณหลาย ๆ เด้อครับเด้อ ที่สงเคราะห์อุปกรณ์มา พอได้ชื่อว่าได้เป็นดีเจนำเพิ่น
ธุจ้าธุจ้า
Bookmarks