คอยทางนางคืน

[วัฒนชัย หาริโร]

น้องสาวเอย...วันเดือนปีหลายเดือนคอย บ่เห็นฮอยเจ้าคืนถิ่น

ฝนหลั่งรินหลายเทื่อได้ บ่เห็นเจ้านั้นอ่วยมา

จากสาวนาได้ลาบ้าน ไกลเฮือนซานบ่โค้งต่าว

บอกบ่คราวสิอ่วยบ้าน เป็นหยังเจ้าบ่จื่อคำ

อ้ายยังจำสัญญามั่น สิฮักกันให้มั่นแก่น

คำว่าแฟนสิจื่อไว้ ในใจนี้บ่ไล่ลืม

ยามได๋ฟ้ามืดครึ้ม อ้ายนั้งซึมน้ำตาหลั่ง

คึดความหลังแต่ว่าไว้ หัวใจอ้ายแฮ่งทุกข์แฮง

ผ่านจากฝนจนว่าแล้ง เจ้าแก้มแดงเฮ็ดหยังอยุ่

สิคืนมาอ่วยบ้าน เฮาบ้างแหน่บ่น้อ...คนงามเอย

หากยังฮักกันอยู่กะคืนเมือบ้านหาเขาบ้างแหน่เด้อผุสาวที่มาไกลบ้านกะดาย
คนคอยทางนะมันทรมานแท้เด้อ

[kitty]

น้องหล่า เขียนเก่งแท้ เป็นกำลังใจให้เด้อ...เอื้อยกำลังคิดฮอดซัมวันยุพอดีเลยแหมะ ...:l-

[กาฬสินธุ์ถิ่นไดโน]

:l-ตอนนี้คือสิทุกข์ใจหลายน้อน้อง
ย่อนว่าคิดฮอดเขา การสิลืมไผจั๊กคนหนึ่งมันเฮ็ดยากอีหลีตั๋วน้อง
จังได๋กะให้กำลังใจเด้อ บ่แน่เขาอาจสิหวนกลับมากะได่
ม่วนหลายเศร้าพร้อม:l-

[sompoi]

แต่งมาฟังดู่ๆเด้อน้องหล้า อะสุฟ่าวท้อหากบางเทือบอร์ดสิเงียบๆไปบ้าง ย่อนพวกพี่ๆเพิ่นอาจมีเวียกติดพันเด้อจ้า หย่าวๆโลดหล้า