ผญ่า ตายายถามหาหล่าน

[บ่าวธนา]

สาวเมืองยศเอ้ย...เจ้ายูก้ำเมืองซุมดินเย็น ให้คิดเห็นภูมิหลังหม่อมพะนางแนเด้อน้อง
ตายายจ้องมองทางเจ้าโค้งอวย ฝนตกฮ้วยฟ้ากะฮ้องปลาเต็มข่องคิดฮอดหล่าน....
**หล่าเอ้ยหล่า..มากินปลาคอใหญ่ ขังใส่ใหไว้ถ่าเจ้ายามใด๋หล่าสิตาวมา..น้อหล่า***
สองเฒ่าเว้ามือกะตาวฟายน้ำตา คิดเห็นหน้าหล่านฮักบ่จักทางสิไปซอก
เมืองบางกอกวานั่นจักวาเป็นแนวใด๋ ใหญ่กะใหญ่ ก้วงตอก้วง เทิงเป็นห่วงจนอุกใจ
อ่าวทองใสพูเพินขับแทคซี อ่าวทองเอ้ยเจ้าเห็นหน้าหล่านข่อยบ่ จอ มอ มัน
กะหายมิดจ้อย อิหล่าข่อยจักยูใส..อ่าวทอง..ฮือๆ...
**สาวเมืองยศเอ้ย..เบิงดู้หล่า เบิงสายตาพ่อใหญ่ แม่ใหญ่แน พากันแลลำจ้องคองเจ้าให้อวยคืนยูเด้หล่า....**

[บ่าวธนา]

...สายลำซีใหลโฮมต้อมลำมูลกะใหลลอง น้ำใจน้องนางหล่าใหลเลื่อยแมนทางใด๋
น้ำใจซายหยากใหลต้อมน้ำใจนางเบิงจักวาง ให้เป็นทางสายน้ำใหลเลื่อยบ่จากกัน..เบิงเด้..นางเอย ..