สวนครัวรั้วกินได้อยู่บ้านเฒ่าพ่อ

[ชิงช้าชาลี]

กลับบ้านไปแต่งงานหลานสาว ได้มีโอกาสย่างรอบเฮือน ฮ่วยบ้านเฮากะมีผักนางอางหญ้าหลายคือกันตั่วเนี่ย แบบพอเพียงและเพียงพอ ก็เลยอยากจะเอามาฝากพี่ๆกันจ้า

เริ่มต้นที่ต้นแก้วมังกร พี่อ้ายเพิ่นปลูกไว้ กำลังออกดอก มี 2-3 ต้นเอง



เลยไปหลังห้องน้ำ สิมีต้นใบเตยเป็นกอๆ แต่บ่ค่อยเอามาใช้ประโยชน์ .. มีต้นอ้อยนำจ้า


ฟากต้นอ้อยกับใบเตยจะเป็นต้นผักขา อันนี้ของมักแกงใส่หน่อไม้สุดๆ เลย ...มีใบติ้วนำ


เลยเข้าไปหลังบ้านกะมีต้นข่า เพิ่นปลูกไว้หม่องน้ำไหลลง มีต้นหมากแข้งไว้กินกับป่นนำ

ต่อมาเป็นต้นยอ ใบยออวบๆ น่ากิน เอามาห่อหมกปลาค่อแซ่บหลาย แต่ทางบ้านเพิ่นบ่ค่อยเฮ็ดกินท่อได๋


ส่วนทางหน้าบ้านเพิ่นเน้นปลูกต้นไม้ประดับ ต้นหมากมี่ ต้นวาสนา ต้นลำไย กะมี แต่บ่เคยเป็นหน่วย คือเป็นฮ่มได้อย่างเดียว ต้องคอยตัดลงเพราะมันไปฮ่ะสายไฟเพิ่น ไฟดับบ่อยครั้ง



เมื่อยแล้วล่ะ ฮ่างอ้อมบ้านแค่นี้กะดาย ไปนอนก่อนดอกจ้า

[หนุ่มน้อยเมืองเพชร]

อุดม สมบูรณ์ หลายครับน้อง บักเขียบ
ต้นหมากมี่ กับ ต้นลำใย ถึงบ่เีคยออกหน่วยก้อใช้เป็น ฮ่มเงาได้ครับ ฮิฮิ:1-:1-

[แดงน้อย]

ชอบบรรยากาศบ้านสวนแนวนี่เลยค่ะ ร่มรื่นดี เป็นผักสวนครัวนำกะได่ สมัยนี้เริ่มหายาก ขอบคุณที่เอามาฝากจ้า

[บ่าวจีดส์]

โอ้น้อ..เว่าเป็นผู้เฒ่าเนาะ ย่างเลาะบ้านทอนี้ก้อเมื่อย แต่ก้อร่มรื่นดีอิหลีละน่าไปนอนคือยังเจ้าว่านั่นละ....

[คนพนมไพร]

สะออนหลายปลูกเอง เก็บเอง กินเอง สุขใดไหนท่อ

[หนอนชาเขียวโออิชิ]

ดินดีเน๊าะเอื้อยปลูกหยังกะงาม
ฝนตกมากะเย็นดี
บ่คือทางบ้านน้องดอกจ้ามีตะดินแดง
ฝนตกมากะบ่อุ้มน้ำ ปลูกหยังกะบ่งามเลย

[หนุ่มคำก้าว]

อยากไปเป็นเขยเด้บรรยากาศคือมาดีแท้เป็นตานอนเวนหลับดีเนอะ

[สาวทุ่งฝน]

กินได้เบิดซุอย่างสิแนวเนาะจ้า กินบ่ได้ตะฮั่วนะละเนาะจ้า คิคิ

[บ่าวกบินทร์]

เห็นใบยออ่อน แล้วคึดฮยากกินหมกหน่อไม้เด้ บาดนิ.......

[chudhancock]

ขอบใจหลานชิงช้า ชาลี มากๆเลย ที่นำเอาภาพสวยงามตามบ้านเฮามาให้เบิง
มีแต่แนวกินได้ทั้งนั่นเลย เบิงแล้วเห็นแล้วชื่นฉ่ำชุ่มชื่น เขียวขจี ดีแท้ เป็นตาไปอยู่นำบ้านเพินเนาะจ้า อิอิอิ