หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 16

หัวข้อ: ชมสวน..ชมสาว

  1. #1

    ชมสวน..ชมสาว

    ออนซอนเด้.. ออนซอนมะลิเกี้ยว จังกรแกมดู่
    พันธคู้ก่ายก้าน แกมเป้าป่าดวน
    คันธเสนซ้วน หวนหอมฮังแกมดอกข่อย
    สมั่งเมินก่ายก้าน แกมแก้วกาบมณี
    มีทั้งอัญชัญซ้อน แซมกอดอกก่อ
    กาหลงลมปิ่นเปลื้อง ปลิวซ้อนดอกซอน
    สุดสะออนมาลัยล้น จำปีปลายเปลี่ยว
    เหลียวหมู่มันปาซ้อน แซมก้านกลิ่นไกล
    มีทั้งอินทะหวาหว้า พวงพะยอมแกมกิ่ง
    หลิงดูภุมเรศดั้น ดมไซ้ซอกละออง
    ดุจดั่งนงนารถน้อง ดวงหอมสิบานดายแล้งป่าว เป็นฤา
    ความคึดแมงภู่มีท่อฟ้า สิหมายเมี้ยนกระดูกดอม
    แนวว่ามาลาไม้ ดวงหอมฮดฮ่วง
    ไผผู้เซาฮ่มได้ ดมแล้วบ่อยากหนี
    เจ้าผุจบผุงามจั่งซี้ เหมิดปฐพีพื้นแผ่น
    แสนผุสาวในหลุ่มฟ้า หาบ่เปรียบหม่อมพะนาง
    อ้ายสิทำบุญสร้าง ศีลทานโปรยหว่าน หยังน้อ
    จั่งสิมีบุญพอ ได้มาเกาะเกี่ยวข้าง นางน้องอุ่นมโน...พี่แหล่ว..


  2. #2
    ร่วมถ่ายทอดความรู้สู่สังคม สัญลักษณ์ของ สาวเมืองกะสิน
    วันที่สมัคร
    Sep 2007
    กระทู้
    616
    ป๊าดดดดเห็นชื่อกระทู้แล้ว ฟ้าวแล่นมาอ่านเลยจ้า ตั้งชื่อกระทู้ได้ม่วนจ้า
    บัดอ่านแล้ว กะป๊าดดดดดดดดมาคือแต่งได่ม่วนแท้น้อ บ่กล้าแต่งตอบเลยจ้า
    ย้านบ่สมกลอนเพิ่นเน๊าะ ม่วนจ้า อ่านไปกะแอบคิดไปนำ ว่าเป็นผู้สาวในสวน...ว่าซ่านนนนน

    เยี่ยมๆๆจ้า เอาอีกๆๆๆ

  3. #3
    ฝ่ายเทคนิค และถ่ายทอดสด สัญลักษณ์ของ อาวอ้วนเมืองยศ
    วันที่สมัคร
    Apr 2010
    ที่อยู่
    เมืองบั้งไฟ
    กระทู้
    1,597
    จะแม่นเพิ่นแต่งได้ม่วนคักน้อครับน้อ โฮๆๆ จั่งได๋คือสิได้คือเพิ่นน้อ

  4. #4
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    สุดยอดครับบ่าว สละสลวยแฮง ไพเราะเพราะพริ้ง
    ทั้งการเล่นคำเล่นเสียง พรรณณาโวหาร อุปมาอุปมัย
    ขอคารวะ หนึ่งจอก เป็นบทกวีที่เยี่ยมมากๆ เลยครับ

  5. #5
    ร่วมถ่ายทอดความรู้สู่สังคม สัญลักษณ์ของ จำปา
    วันที่สมัคร
    Nov 2009
    กระทู้
    1,492
    ดอกจำปาผลาหน่อย ได้แต่คอยภูมรินบินมาผ่าน
    ออกดอกบานหอมกลิ่นกลั้ว พองตูมน้อยออกซองแซม
    ผู้เคยแนมนางนาดน้อย ผ่านไปจ้อยบ่ตาวหา..แท่น้อ


    อ้ายลืมดอกจำปาแล้วติค่ะ คือบ่เห็นมีดอกจำปาเลย อิอิอิอิ
    เว้าเล่นเด้อค่ะ เห็นกลอนผญาม่วนกะเลยแวะมาเว้านำค่ะ

  6. #6
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,991
    บล็อก
    1
    ชวนชมไม้มาลาดวงดอก สัพพะยอกกอดเกี้ยว
    เทียวต้อยปล่อยละออง ยามเมียงมองมุบม่าย
    หอมหลายผกาก่อง สองพักตร์พริมอิ่มแก้ม
    งามแย้มอิ่มละมุน หยาดพิรุณอุ่นหล้า
    เพ-ลาแจ้งสว่าง สวยสอางค์อิ่นอ้อย งามย้อยหยาดระริน
    แก้ไขครั้งสุดท้ายโดย pcalibration; 25-06-2010 at 10:14.

  7. #7
    ขอบคุณ พี่น้อง ทุกๆคอมเมนท์ ขอบคุณกำลังใจทุกๆกำลังใจขอรับ..



    ธุจ้าธุจ้าธุจ้า

  8. #8
    นงพะนวลนางน้อง
    คิ้วก่องบ่สมสวน
    บ่าวพะอวนพี่ชาย
    จั่งบ่มายมาแลน้อง
    วาสนาหญ้านางน้อย
    เครือเถาสิเกี้ยวก่อ
    คงบ่ท่อบุปผาไม้
    ซุมอ้มกลิ่นจันทน์
    อดสาเด้อบ่าวต่างบ้าน
    ไผสงสารให้เหลียวส่อง
    บ่าวก๋าคามเผิ่นบ่มอง
    บ่าวผุได่เห็นคุณค่า
    มาชมน้องผุบ่งาม
    .....แหน่เป็นหยัง (อิอิ)

  9. #9
    ฮ่าๆๆๆๆๆๆๆๆๆๆๆ ฮิ้วๆๆๆๆๆๆๆๆๆๆๆ หญ้านางแมะ คักๆหล่า มาม่วนนำกัน....



    หญ้านางเอ้ย..
    นับแต่มื้อพ้อเจ้า โสมเสลาศรีสะอาด
    พอปานหยาดแต่ฟ้า สีหน้ากะผ่องใส
    เจ้าผุสายใจหล่า หญ้านาง..มาซ่างกล่าว
    ว่าทางบ่าวอ้ายพี่ หนีหน้าหน่ายสะอาง แท้นอ
    ฮู้อยู่บ่..ว่าทางอ้าย คณึงหลายหวนหาหม่อม
    คึดฮอดจอมนาถน้อง จนหมองม้อยเมื่อยมโน
    มีตะโสกีเศร้า ความเหงาเข้ามาผ่า
    คิดหาตั้งแต่น้อง มองหาตั้งแต่เจ้า แลงเซ้าส่องแต่ทาง
    บ่หาญวางคำเว้า กะย่อนบ่าวเป็นคนจน
    ได้แต่เจียมใจทน ทุกข์ทวีทะวายฮ้อน
    ย่านแต่มอนบ่สมม้อน ย่านแต่เถียงนาดอน บ่สมซ้อนเฮือนหลังใหญ่
    อุปมัยคือดั่งหนองบวกน้อย กุ้งซิวสร้อยบ่ซื่นซม
    กะเลยจมแต่กับเศร้า เหงาบ่มีมื้อสิหว่าง
    กะคิดฮอดแต่นำนาง บ่เบยบางห่างได้ พ่องนอนไห้ย่อนคิดถึง..พุ้นตัวะ.
    .



    เอิ๊กๆๆๆ มาเด้อ ผุบ่าวกะดาย อ้ายทิดจ่อย อ้ายพีฯ น้องวัฒน์ มาซ่อยบ่าวแน่ ซงสิบ่รอดแล้ว ฮ่าๆๆๆๆ

  10. #10
    สังสิตีแถลงฟ้า
    บ่ย้านผ่ากลางฝน....สั่นบ๊อ
    สังสิตีลมนาง
    บาดสิบินขึ้นฟ้า
    ปลาบ่มีสังสิเว้า
    หนองเทาเผิ่นสิว่า
    กาได้กินเหยื่อแล้ว
    แหลวสิเจ้ยเจิดลา.....บ่น้อ
    ย้านแต่พ้อแล้วได้ฮ้าง
    สาวนางสิได้ไห้
    ย้านบ่าวพ้อกอไม้
    เครือหญ้า(นาง)บ่ห่วงนำ
    .....แท้น้ออ้ายบ่าว อิอิ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •