กำลังแสดงผล 1 ถึง 10 จากทั้งหมด 10

หัวข้อ: ลำนำ..ถามข่าวสาวอุดร

  1. #1
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,991
    บล็อก
    1

    ลำนำ..ถามข่าวสาวอุดร

    เสียงพิณดังทั่วแคว้น เสียงแคนดังทั่วถิ่น ยามได้ยินแล้วโอ้ ใจอ้อนอ่อนระทวย
    เจ้าผุ่สวยเลิศล่ำ เซ่าค่ำคะนึงหา สาวบ้านนาเคยแนม ไปสวยแจ่มอยู่ไสจ้า
    เป็นจั่งได๋น้อหล่า "สาวส่าเมืองอุดร" ยังเป็นห่วงงามงอน ยามเจ้าจรไกลบ้าน
    "สาวหนองหาน"คือมิดจ้อย เอียงหูคอยยังมิดหมี่ แนวหว่าคนอยู่พี้ จนไฮ้เฮ็ดแต่นา ก่นแต่ดินฟันหญ่า
    ปลูกยูคาจนจ่อย เฮ็ดไฮ่มันไฮ่อ้อย ตั้งแต่น้อยก่ะบ่รวย ไปได้สวยคือน้อง มีเงินทองสนุกแต่ง
    ทองคำแท่งเงินดอลลาร์ เอามาต้อนแม่แหน่เด๋อ อย่าให่เบิ๋ดเท่อเล่อ แหงนเบิ่งเทิงนภา ยามฝนมาฮวยฮำ
    อ้ายก่ะทำนาแล้ว เสียงแซวแซวเคยคุ้น เมืองญี่ปุ่นซากุระ หนาวหิมะบ่น้อคำ อ้ายคิดนำอยู่เด้อน้อง
    หรือ"MIKAZE"มีสองซ้อน ยามนอนอบอุ่น อ้ายผุ่ซูนแต่พร่ำ คำน้อยได้แค่จา ฮู้จักมาแต่ต้น
    คนออนไลน์ได้คิดฮ่ำ ยังคิดฮอดอยู่อ๊ำหล่ำ คำเว้าเจ้าบ่ลืม มื้อได๋ฟ้ามืดครื้ม
    ฝนตื่มยังคะนึง ย้อนคิดถึงคนไค ผุ่อยู่ไกลอยากเห็นหน่า ข่าวเรื่องยากูซ่า อุทัยแดนแสนเปลี่ยว
    ย้านเขาไปเว้าเกี้ยว เทียวล่อสิบ่คือ เลยขอถือโอกาสย้ำ อย่าลืมคำหว่าเป็นห่วง หลวงประจักษ์ฮักษาเจ้า
    อย่ามีเศร่าหม่นหมอง ขอให่นวลนารถน้อง สดสื่นยืนยง องศ์ปู่ศรีสุทโธ จงเหลี่ยมคลุมงุมกั้ง
    ขอฝากฝังสุดท้าย อย่าลืมชายไปก่อน สาวอุดรอย่าใจฮ้าย ลืมอ้ายผุ่เหนี่ยววอน
    จ้อนสิ่นแหล่น แฟนแฟนเอ๋ย......
    แก้ไขครั้งสุดท้ายโดย pcalibration; 18-09-2014 at 11:48.


  2. #2
    เจ้าหน้าที่ประชาสัมพันธ์ สัญลักษณ์ของ ธิดายาเย็น
    วันที่สมัคร
    Feb 2008
    กระทู้
    1,756
    จอยๆๆๆเอ๊ยยยย..มาเบิ่งเด้อมีผุบ่าวเพิ่นเอิ้นหาแมะ..ปานนี้สาวส่าเพิ่นคึสินอนน้ำลายไหลลลลลเปียกหมอนเมินล่ะๆ..ฮ่าๆๆๆๆ..แต่งได้ม่วนดีจ้า..c06:

  3. #3
    ศิลปิน นักแต่งเพลง สัญลักษณ์ของ thedon
    วันที่สมัคร
    Aug 2007
    กระทู้
    1,507
    บล็อก
    1
    "สาวอุดรอย่าใจฮ้าย ลืมอ้ายผุ่เหนี่ยววอน จ้อนสิ่นแหล่น แฟนแฟนเอ๋ย " มักจ้อนสิ่นแล่นนี่หล่ะครับ

  4. #4
    เจ้าหน้าที่ประชาสัมพันธ์
    ขวัญใจบ้านมหา 2012
    สัญลักษณ์ของ สาวมุก
    วันที่สมัคร
    Mar 2010
    ที่อยู่
    มุกดาหาร
    กระทู้
    683
    เพิ่นคือแต่งได้ม่วนแท้เนาะ...อิจฉาเอื้อยเพิ่นเด้ มีคนแต่งกลอนให้
    อีกยามใด๋น้อ..สิมีคนตาบอดหลงมา แต่งให้สาวมุกแนวนี่แน..สิมีอยู่บ้อเนาะ....

  5. #5
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    อ้ายพีลาวกว้างขวางน้อครับ ฮู้จักผู้สาวตั้งหลายจังหวัด
    เขียนลำนำได้ไพเราะคักแหน่


    อ้างถึง กระทู้สาวมุก
    เพิ่นคือแต่งได้ม่วนแท้เนาะ...อิจฉาเอื้อยเพิ่นเด้ มีคนแต่งกลอนให้
    อีกยามใด๋น้อ..สิมีคนตาบอดหลงมา แต่งให้สาวมุกแนวนี่แน..สิมีอยู่บ้อเนาะ....


    ลำนำสาวมุกดาหาร

    มุกดาหารถิ่นแคว้น แดนสาวงามสมส่า เป็นบุญตาที่ได้พ้อน้อเจ้าจั่งแม่นงาม
    เมืองหอแก้วสูงเสียดฟ้า ผาเทิบแก่งกระเบา แปดเผ่าชนพื้นเมือง
    ลือเลื่องมะขามหวาน กลองโบราณล้ำเลิศ ถิ่นกำเนิดลำผญา
    ตระการตาชายโขง เชื่อมโยงอินโดจีน

    อุทยานแห่งชาติภูผาเทิบอำเภอเมืองที่เลื่องซื่อ
    สาวคำชะอีนั้นหรือมีแต่ผู้โก้ๆ หนองสูงนั้นกะแห่งงาม สาวนิคมคำสร้อย
    ผู้บ่าวงอยโพนกั้งโกบส่อง งามหลายแท้น้องดอนตาลนั้นบ่อแพ้กัน
    หว้านใหญ่ว่านั้นทั้งดงหลวงบ่อแพ้หมู่ มีแต่ผู้งามเลิศล้ำลำนำอ้ายหากแหม่นจริง
    บ่อได้ติงตั่วล่ออยากเป็นหลายเดน้อ ลูกเขยก้ำมุกดาฯ เผิ่น
    เปิ่นเวิ่นแก้ม "สาวมุก" น้อง นางว่างแหน่บ่อน้อ อิ อิ อิ


    อย่าซาเด้อหล่า "สาวมุก" มาให้กำลังใจซั่นดอกว้า 555
    แก้ไขครั้งสุดท้ายโดย ทิดจ่อย; 24-06-2010 at 20:53.

  6. #6
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23
    ฮ่าๆๆๆ โอ้ยยน้อ ว่าแม่นอ้ายพีหาเลาะอุดรฯจนไปหลงอยู่ฝั่งซ้ายแล้วซั่นดอกแม่ะ ถ่าอ่านดนจนลืมแล้วจ้า ม่วนๆจ้าอ้าย ฝากไว่ก่อนเด้อจ้า สิมาแต่งตอบดอกอ้าย สาวอุดรทั้งหลายจ้อนสิ่นแล่นมาทางพี้เด้อ..ฮิ้ววววว

  7. #7
    บ่จ้อนสิ่นแหล่นจังใด๋อ้ายกะหาเว้า นุ่งยาวๆยามฟ้าวๆกะหลงเหยียบตีนสิ่นเจ้าของ...สิ่นขี่ทอนั่นตั๊ว อิอิอิ...

  8. #8
    Miss Papaya
    ศิลปิน นักแสดง
    แม่ครัวบ้านมหา
    สัญลักษณ์ของ สาวผู้ฮ้าย
    วันที่สมัคร
    Jun 2008
    กระทู้
    1,332
    เอิ้นเฮ็ดหยัง มาแล้วสาวอุดร ให้จ้อนสิ่นแล่นนำแน

    มาสะออนแท้ เสียงเอิ้นนั้นแม้ จ้า
    แก้ไขครั้งสุดท้ายโดย สาวผู้ฮ้าย; 05-08-2010 at 20:56.

  9. #9
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,991
    บล็อก
    1
    ขอบคุณทุกกำลังแรงใจและขออภัยสำหรับผุ่ที่บ่ได้
    เอ่ยถึงแต่ก่ะเป็นสาวเมืองอุดรคือกันน้อครับ
    อยากถามแหน่ครับคำหว่า"สาวอุดรจ้อนสิ่นแหล่น"
    มันมีที่มาที่ไปจั่งได๋พี่น้องอุดรมาเว้าให่ฟังแหน่ครับ
    เพราะเกิดมาผมก่ะได้ยินเผิ่นเว้ามาจั่งซี่
    ธุจ้าธุจ้าธุจ้า

  10. #10
    ฝ่ายเทคนิค และถ่ายทอดสด สัญลักษณ์ของ อาวอ้วนเมืองยศ
    วันที่สมัคร
    Apr 2010
    ที่อยู่
    เมืองบั้งไฟ
    กระทู้
    1,597
    มาทางเมืองยศแน่เด้อครับอ้ายพี่เด้อ ฮ่า สาวเมืองยโสก่บ่แม่นหลายยุตี้แถวนี่
    ฮาเพิ่นอยากฟังอ้ายนำนั่นหนา ซางมาเป็นคนกว้างขวางรอบรู้เนาะครับอ้ายพีแมะ
    แต่งลำนำ แต่งผญากะม่วนครับ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •