หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 16

หัวข้อ: ลาบปลาดุกย่าง...ยามไกลบ้าน

  1. #1

    ลาบปลาดุกย่าง...ยามไกลบ้าน


    เป็นอาหารอีสานจานสุดท้ายก่อนกลับไทยแล้วจ้าพี่น้อง แม่ครัวคือสิหายไปหลายมื้อเติบอยู่บาดทีหนี่
    เริ่มหยุดงานแต่มื้อนี่หละจ้า แต่เดินทางกลับบ้านวันเสาร์ ทำความสะอาดบ้าน ซักผ้าตามประสา
    ไปตลาดหาซื้อของจำเป็นที่สิเอากลับบ้าน โอ้ยยยยากเติบ...อิอิ
    อาหารแมวอีกต้องเตรียมไว้ให้เพื่อนบ้าน ผู้เพิ่นสิมาดูแลไว้ถ่า...
    ส่วนลูกชายอีกโต หมาลูแคสด์ มื้ออื่นกะสิได้เอาไปส่งหม่องรับฝากเลี้ยงหมาจ้าพี่น้อง
    เสียเงินค่าจ้างมื้อละ700บาท โพดสาแม่นติ๋มยากแต่นำลูกชายทั้ง2 ยามสิไปไสมาไส....

    ลาบปลาดุกย่าง...ยามไกลบ้าน

    เอาหละบ่เว้าอิหยังหลาย เครื่องปรุงลาบปลาดุกย่างจ้า
    ปลาดุกย่างลอกหนัง ขูดเอาแต่เนื้อ1ตัว
    ข่าอ่อน3-4แว่น
    พริกป่น+ข้าวคั่ว
    น้ำปลา+น้ำปลาแดก+ผงนัวนิดหน่อยไว้ปรุงรส
    น้ำมะนาว
    หอมแดงซอย,ผักชี+ต้นหอมซอย ใบสะระแหน่
    หาได้ทอนี่หละจ้าเครื่องปรุง ผักสดต่างๆปลูกเองในสวนหลังบ้านจ้า
    ภาพแอบมัว แมวบักลายดมกล้องลืมเช็ด อิอิอิ...

    ลาบปลาดุกย่าง...ยามไกลบ้าน

    ลงมือสับเนื้อปลาดุกใส่ข่าอ่อน พอแหลกใส่ชามสำหรับคนลาบ บีบหมากนาวลงไป
    ใส่น้ำปลา+น้ำปลาแดก+ผงนัว ห้ามใส่หลาย เค็มใด๋ ใส่หอมแดง ข้าวคั่ว พริกป่น
    คนๆให้เข้ากันชิมเบิ่ง คั่นรสดีแล้วกะใส่ต้นหอม+ผักชี คนๆ2-3เทือพอ ตักใส่จาน
    โรยด้วยสะระแหน่ กินกับข้าวเหนียวฮ้อนๆ แซบๆจ้าพี่น้อง(อ้วนได้อีก อิอิอิ ลาบปลาดุกย่าง...ยามไกลบ้าน)

    ลาบปลาดุกย่าง...ยามไกลบ้าน

    พาลูกชายมายาม บักลายอายุ3ปี ตอนแล้วจ้า ดับแนวเรียบร้อย อิอิ

    ลาบปลาดุกย่าง...ยามไกลบ้าน

    ลูกชายอีกโต ลูแคสด์อายุ1ปี...กลับจากไทยจังสิเอาไปตอน...คั่นมันดื้อ พะนะ
    แก้ไขครั้งสุดท้ายโดย ติ๋ม เปอร์โย; 25-06-2010 at 02:00.

  2. #2
    แบ่งปันความรู้และประสบการณ์ สัญลักษณ์ของ ๛หนุ่มบ้านไกล๛
    วันที่สมัคร
    Apr 2009
    กระทู้
    849
    บล็อก
    8
    พ่วนนา มาเปิด ยามตี 2 เห็นแล้ว กะหิวข้าว อีกแล้วเด้อ บาทเนี้ย อิอิ


  3. #3
    :l- ขอบคุณจ้า สำหรับสูตร บ่ได้กินนานแล้วจ้าลาบปลา
    พายกล่องข้าวมานำแล้วจ้า กินนำเด้อจ้ามื้อนี้พี่ติ๋ม ตะแซบแฮงจ้า
    เดินทางกลับบ้าน ก็ขอให้ปลอดภัยทั้งไปและกลับ มีความสุขกับการพักร้อนเด้อจ้าพี่ติ๋ม
    แก้ไขครั้งสุดท้ายโดย สาวทองแพง; 25-06-2010 at 19:32. เหตุผล: เพิ่มเติม

  4. #4
    ผู้ช่วยผู้ใหญ่บ้านมหา สัญลักษณ์ของ มั่วหน่าฮ่าน
    วันที่สมัคร
    Jan 2007
    กระทู้
    1,963
    เบิ่งหน้าหมาบ่เป็นตาไว้ใจ..เป็นตาย่าน...กึ๋ย ๆ

  5. #5
    แบ่งปันความรู้และประสบการณ์
    วันที่สมัคร
    Mar 2009
    กระทู้
    267
    ลาบปลาดุกเฮ็ดเป็นตะแซบเนาะครับ งึดแต่ว่่าเลี้ยงหมากับแมวไว้นำกันได้บ้านผมเลี้ยงแต่หมาเห็นแมว
    เป็นบ่ได้ไล่ยองไล่กัดจนตาย

  6. #6
    ร่วมถ่ายทอดความรู้สู่สังคม สัญลักษณ์ของ บ่าวอิง
    วันที่สมัคร
    Aug 2007
    กระทู้
    926
    อันเมืองนอกมีปลาดุกย่างยุติ คับจั่งแม่นมีขายเนาะ เอาให้น้องลายกินนำแหน่เด้ออันดุกนะ

  7. #7
    ร่วมถ่ายทอดความรู้สู่สังคม
    วันที่สมัคร
    Mar 2007
    กระทู้
    1,273
    ยินดีฮับต้อน กลับสู่ เมืองไทยเด้อ พี่นางเอ๊ย

    เดินทางปลอดภัยครับ

  8. #8
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    10,172
    บล็อก
    9
    ลาบปลาดุกแซบๆๆ ของมักปุ้ยเด้นิ

    เดินทางกลับบ้านโดยสวัสดิภาพเด้อจ้า ก็ขอให้ม่วนๆ เที่ยวเผื่อนำเด้อ

  9. #9
    ขอบใจหลายๆจ้าน้องแพง อาวเซียงสี...
    ขอบคุณหลายๆจ้าเจ๊ที่รัก....

    หมากับแมวติ๋มกะบ่ถืกกันจ้า แต่บ่สู้กันจนถึงตาย คั่นเห็นหน้ากันกะเถียงกัน ขู่กัน แต่บ่กัดกันจ้า
    แต่ผู้เป็นเจ้าของอยากไล่หูคัก หมาออกจะย่านๆแมวซ้ำ เพราะแมวมาอยู่ก่อน....

  10. #10
    เจ้าหน้าที่ประชาสัมพันธ์ สัญลักษณ์ของ ธิดายาเย็น
    วันที่สมัคร
    Feb 2008
    กระทู้
    1,756
    เป็นตะแซ่บแท้จ้า..แต่ว่าสองโตที่นั่งเฝ้าน่ะคึเป็นตะฮักแท้จ้า..

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •