กำลังแสดงผล 1 ถึง 1 จากทั้งหมด 1

หัวข้อ: ผญา หนุ่ม-สาว

  1. #1
    แบ่งปันความรู้และประสบการณ์ สัญลักษณ์ของ ลูกทุ่งคือสายเลือด
    วันที่สมัคร
    May 2008
    ที่อยู่
    บ้านฝาง อ.กระนวน จ.ขอนแก่น-เชียงใหม่
    กระทู้
    277

    พบปะพูดคุย ผญา หนุ่ม-สาว

    ผู้สาวนั่งเข็นฝ้ายชายกะนั่งเคียงกัน
    พรรณนาคำกลอนเกี้ยวคำผญาเว้า
    สาวกะเอาคำโต้โยเยให้ฮู้ท่า
    ส่วนว่าบาบ่าวท้าวกะเพียรเว้าว่าฮักหลาย
    สาวกะบอกว่าอ้ายอย่าสิหล่ายแต่คำตั๋ว
    น้องนี่กลัวคำลวง อย่าล่วงวาจาดื้อ
    คันบ่คือคำเว้าอย่าสิเอามาเว้าว่า
    สิมาต้มผู้ข้าปะเดี๋ยวฟ้าสิผ่าเอา....สาเด๋
    บัดนี่ชายกะเว้าเอามือยกสาบาน
    ขานเป็นวาจาไขว่าดั่งใจคำเว้า
    คันข้าเอาคำต้มเป็นคารมย์เว้าหล่าย...สาแหล๋ว
    ขอให้ฟ้าผ่าอ้ายให้ตายแท้ขั่นบ่จริง
    สาวกะนั่งเงียบนิ่งครุ่นคิดอยู่ในใจ
    แล้วจั่งไขวาจาตอบบาพี่ชายท้าว
    อ้ายสิเอาจริงแท้บ่มีแปลซั่นบ้อพี่
    คันคิดดีแท้แท้ให้ถามแม่เบิ่งก่อนนา
    ตกลงกันแล้วน่ากะจั่งว่าได้มาขอ
    กะจั่งขอยอยกขันหมากมาเพียงพร้อม
    จั่งได้ดอมชมชื่นเข้าพาขวัญป้อนไข่หน่วย
    นี่จั่งสมครบด้วย บทเบื้องสิแต่งงาน ...นี่แหล่ว
    นี่จั่งแม่นแบบบ้านของเก่าโบราณเดิม
    เติมขึ้นมาทีหลังหากบ่คือแนวนี่
    อันแนวดีมันเบิดสิ้นมีแต่กินแล้วจั่งแต่ง
    สาวกะห่าวแข้งแข้งแซงหน้าบ่ว่ากัน ฯ

    ที่มาhttp://www.tidso.com/board_3/view.php?id=3350


    c06:
    ทุกมื้อนี้สาวกะซิ่งบ่าวกะห่าว พากันย่าวอยู่หน้าฮ้าน
    เวียกบ่การงานบ่สร้าง ตกแลงมาออกหาเที่ยว
    พ่อแม่บอกบ่แลเลียว .......................?
    แก้ไขครั้งสุดท้ายโดย ลูกทุ่งคือสายเลือด; 26-06-2010 at 21:38.


Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •