กำลังแสดงผล 1 ถึง 3 จากทั้งหมด 3

หัวข้อ: ฮักเขาหลายอยากอายเว้า

  1. #1
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    ฮักเขาหลายอยากอายเว้า

    ฮักเขาหลาย อยากอายเว้า ซ่างลูโตนโตเฮา คิดนำเขาอยู่อ้ำล่ำ
    เจ้ากะมาซ่างทำ เห็นเป็นคนรักง่าย ว่าชายโง่แท้บ่นาง
    บ่เหลือโตนกันบ้าง เทิดทูญรักเต็มอุรา คือจั่งผงบังตา เขามาตั๋วบ่เห็นจ้อย
    มีแต่คอยตามใจเจ้า ผู้ได๋เว้าอ้ายบ่ว่า บ่เคยคิดหัวซา เขาอิจฉาแท้ ๆ ซังซ้ำว่าบ่ดี
    เหลือแต่ความป่นปี้ ลวงพี่ให้เวียนหัว เห็นกรงจักรเป็นคือบัว ย่อนเชื่อคำเจ้าลวงล่อ

    ฮักเขาหลายอยากอายเว้า


  2. #2
    ดูแลตรวจสอบเนื้อหา สัญลักษณ์ของ ตะวันนา
    วันที่สมัคร
    Aug 2006
    กระทู้
    1,612

    Re: ฮักเขาหลายอยากอายเว้า


    นั่งรถเมล์สาย25..........นั่งข้างหน้าริมหน้าต่าง
    สายตาทอดริมทาง.......แต่ใจนางคิดก้ำ...ฮ่ำฮอนอ้ายผู้อยู่ไกล

    นั่งรถเมล์เกือบสุดสาย...ปลุกหัวใจให้ฟ้าวตื่น
    หัวใจนางสะอื้น....ตื่นจากฝันถึงอ้าย..บัดลงป้าย..กะแม่นหลง...ซั่นแหล่วววว

    เป็นปานนั้นน๊อใจนี้.....จากเคยดีเป็นบ้าป่วง
    ย้อนว่าคิดฮอดห่วง.......เถิงคำเว่าของอ้าย...ลงผิดป้ายอายเจ้าของ...เด๊น๊อ.....

    อยากอายหลายเด๊นางหล่า...ย้านเพิ่นว่าเป็นบ้าหลาย
    ย้อนความคิดฮอดชาย...เฮ็ดอันได๋กะคิดพ้อ....บ่เคยจ้อไปบ่อนได๋

    เป็นจั่งได๋น๊อทางนั้น.....คิดถึงฉันอยู่หรือบ่
    หรือว่าเพิ่นไปนั่งจ่อ..จ้อสาวได๋อยู่ล่ะอ้าย...บ่เห็นม่ายแม่นมาหา......



  3. #3
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    Re: ฮักเขาหลายอยากอายเว้า

    นั่งรถเมล์ไปไสหล้า สายยี่สิบห้าไปไสน่อ
    เห็นเจ้านั่งค้อม้อ ใจลอยล่องล่วงละเมอ
    ย่านเจ้าเผลอหลงป้าย แนวพี่ชายอยากถามเบิ่ง
    หรือว่าบ่ทันเถิง ไปสะกิดสิว่าบ้า "ฉันรู้น่า ไม่ต้องแซว"
    กะบ่ฮู้นำแหล่ว จักลงไส อยากไปส่ง แล่นสุดสายหัวลำโพง
    กะสุดป้ายท่อนี้ เห็นทีข่อย สิสั่งลา ท่อนแหลว....ไปต่อรถไฟก่อนเด้อ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •