หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 27

หัวข้อ: ย้อนรอย อีสานบ้านของเฮา

  1. #1
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,940

    บ้านมหาโพสต์ ย้อนรอย อีสานบ้านของเฮา


    ยามนี้เดือนหกเดือนเจ็ดทางอีสานบ้านเฮาแต่ก่อนฝนตกดีคักครับพี่น้อง น้ำห่งนำทงไฮทงนา กะพากันส่อนฮวก ส่อนปลาเข็งน่อย มีแมงระงำ มีแมงงอดน้ำ มีแมงข้าวสาร พอน้ำห่งโดน ๆ จักหน่อยกะมี ฮวกกบ ฮวกเขียด บ่อึดแต่แนวสิกิน

    ข่างฮั่วข่างสวนกะมีผักนางอางหญ่าเกิดเต็มไปเบิ๊ด บ่ว่าสิเป็นยอดผักไส่ ยอดผักตำนิน ยอดบักยม เอามาใส่หนึ่งปลา ฯลฯ ผู้คนหาบกะต่าไปนาได้วิทยุทรานซิสเตอร์ธานินทร์ ดังอ่อม ๆ ยุบ่ว่าไผกะดาย พากันติดละครยามกังเว็นคณะเกศทิพย์

    ยามตอนกลางเว็นกินข้าวสวยแล้ว กะพากันฟังรายการของเซียงคำพาผญาย่อยทางสถานีวิทยุกระจายเสียงจังหวัดขอนแก่น ยามมื่อแลงเอางัวเอาควายเข้าคอกตอนหัวค่ำกะเป็นนิทานพื้นบ้านสำราญม่วนซืน ของคณะเก้าสิบเก้าการละคร ของชัยกมล รุ่งเรืองเวช บ้านใด๋กะเปิดพากันติดหลาย และกะอีหยังอีกเกาะ มัจจุราชที่มองบ่เห็นโต บ่หือ


    ย้อนรอย  อีสานบ้านของเฮา

    (ขอบคุณเจ้าของภาพครับ)

    กลับมาฮอดบ้านพากันเฮ็ดแนวอยู่แนวกิน หอมกลิ่นปลาแดกจากบ้านนั้นบ้านนี้ นอกซานหันหน้าใส่กันกะเอิ้นกัน ได้หยังกินน้อ ๆ ๆ ได้อ่อมปลาซิว ทางพุ้นกะบอกว่าได้หมกฮวกพะนะ จักหน่อยหย่างเอามาส่งกัน ทางอ่อมปลาซิวกะได้กินหมกฮวก ทางหมกฮวกกะได้กินอ่อมปลาซิว กินแล้วกะพากันไปนอนเล่นเว่านัวหัวม่วนกัน ตอนนี้บรรยากาศแบบนั้นบ่ค่อยมีดอก มีแต่แนวได้ซื้อกันกิน กินแล้วกะปิดประตูบ้านมิดอิ่มสิ่มบ้านไผบ้านมัน


    ยามกลางคืนพากันไต้ตะเกียงม่อง ๆ พากันฮูดังดำเบิ๊ด ย่อนใช้น้ำมันก๊าซ บ่มีไฟฟ้าคือสมัยซูมื่อนี้ ใต้โดนกะบ่ได้ประหยัดน้ำมันหลาย ฟ้าวกินฟ้าวอาบน้ำแล้วกะเข้านอน

    บางเทือข่อยกับพี่ซายอยากอ่านหนังสือต้องเอาไม้ลำปอมาจุดอ่านเอา เปลี่ยนกันจุด โทรทัศน์กะบ่มีเบิ่ง ข่อนสิแจ้งไก่กะพากันขัน เอิ๊กอีเอ้กเอ้ก เสียงอีแม่ลุกหักไม้ลำปอกะพากันตื่นขึ้นมาโลด ตื่นมาแล้วกะไปส่องเบิ่งไข่เป็ดในเล้า ได้หน่วยเดียวกะเอามาต้มจ้ำกินสามสี่คนกะอิ่ม แล้วกะพากันไปโรงเรียน ได้เงินไปคนละบาท

    บ้านใกล้ ๆ กันได้ยินเสียงหักไม้ลำปอดังไฟกะตื่นขึ้นมา หย่างเอาไม้ลำปอไปต่อไฟนำกัน ซุมข่อยตื่นแต่เซ่า กะพากันไปเก็บเห็ดแทดมาหมกกิน บางเทือกะไปส่อนฮวก ส่อนปลาเข็งน้อยมาเฮ็ดกินก่อนไปโรงเรียน

    ยามหน้าดำนา เหลียวไปไสพี่น้องบ้านเฮาพากันก้ม ๆ เงย ๆ เต็มทุ่งไฮทุ่งนา จักหน่อยข้าวกะเขียวพรืดไปเบิ๊ดงามคักงามแน ช่วงออกพรรษาข้าวกะมานเบิ๊ดแล้ว ซุมเด็กน้อยจั่งพวกข่อยเวลาไปโรงเรียนกะพากันปอกกินข้าวมานเพิ่นจนว่าเบิ๊ด ยามข้าวเขียวยามกังเว็นกะพากันไปซิดเบ็ดปลาเข็ง ยามแลงกะพากันไปใส่เบ็ด จักปลาดุกปลาข่อ เบ็ดกบกะมี บ่อึดบ่อยาก อีสานบ้านเฮาแต่ก่อนอุดมสมบูรณ์คักหลาย ยามน้ำมากใส่ดางอยู่เดิ่นบ้านกะได้กินปลากะดาย
    แก้ไขครั้งสุดท้ายโดย พล พระยาแล; 04-07-2010 at 16:10.

  2. #2
    ครีเอทีพ โปรดิวเซอร์ สัญลักษณ์ของ บ่าวข้าวจี่
    วันที่สมัคร
    Dec 2008
    กระทู้
    1,172
    บล็อก
    7
    ป้าด...ย้อนรอยคักๆ...ตั๊วนี่ยาอ้าย.. หน้าทำนานี่...แลงๆกะบ่ค่อยได้ไปไส...กินข้าวแล้ว..ฟ้าวแต่นำรายการ มัจจุราชที่มองบ่เห็นโต...ฟังไปลุ้นตอนจบนำ...เทิงย้านย้อนยังเป็นเด็กน้อย

  3. #3
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    หลานพลจ๋า โอ้ย เว้ามาแล้ว ป้าได้อ่านแล้ว มันเฮ็ดให่ป้า คึดฮอด บ้านเฮาสมัยแต่กี้ แท้แท้เลยจ้า
    อีสานบ้านนา ของพวกเฮา เนาะ โอ้ยเว้ามาแล้ว แฮงคิด ฮ๊อดดดดดดดดดดดดดด คิดฮอด
    หมกซิว ได้จั๊กคำคือสิมีแฮงปากเนาะหลาน อิอิอิอิอิ

  4. #4
    ศิลปิน นักร้อง นักแสดง สัญลักษณ์ของ จ่าเหลือง
    วันที่สมัคร
    Mar 2010
    ที่อยู่
    กรุงเทพ
    กระทู้
    1,626
    มองเห็นภาพเลยอ้าย เมื่อ 30 ปีก่อน บ้านผมทางอุบลกะบ่มีไฟฟ้าคือกัน เฮ็ดเวียกแล้วฟ้าวกินฟ้าวนอนฟ้าวตื่นก่อนไก่ แตกต่างจากทุกมื้อนี้หลายเมื่อนาขี่รถไถ่ พกโทรศัพท์มือถือพุ้นตั๊ว เอาเอิ้นยุค "ม้าป่งเขาเสาออกดอก"..อิอิ

  5. #5
    เจ้าหน้าที่ประชาสัมพันธ์
    ช่างภาพอิสระ
    สัญลักษณ์ของ ฅนภูค่าว
    วันที่สมัคร
    Feb 2010
    ที่อยู่
    นครโคราช บ้านเกิดกาฬสินธุ์
    กระทู้
    1,368

    ย้อนฮอยอิสานบ้านเฮา

    ต่อภาคสองแนเด้อ.......ครับ

    สิไปเกี่ยวเข่านาผู่สาว เอาซิงไปห่างนกคุ่มลาบกินเวน

    หาบเข่ากับผู่สาว ตีเข่ายามเดียนหงายนาผู่สาวกินลาบเป็ดต้มไก่บ้าน.........ฯลฯ


    ย้อนฮอยอิสานบ้านเฮา

    ย้อนฮอยอิสานบ้านเฮา

    ย้อนฮอยอิสานบ้านเฮา

    ย้อนฮอยอิสานบ้านเฮา

  6. #6
    ฝ่ายกิจการพิเศษ สัญลักษณ์ของ กำพร้าผีน้อย
    วันที่สมัคร
    Apr 2009
    ที่อยู่
    รัตนาธิเบศร์..ใกล้แยกแคราย
    กระทู้
    2,330

    ..เฒ่าเติบแล้วเนาะอ้ายพล..

    ชนบทอีสานเฮาบ่ว่าหม่องได๋ บ่ค่อยแตกต่างกันครับสมัยก่อน

    เว่าแล้วกะคึดฮอดตอนเป็นเด็กน้อย ..

  7. #7
    แบ่งปันความรู้และประสบการณ์
    วันที่สมัคร
    Feb 2009
    ที่อยู่
    สวิส....พะนะ
    กระทู้
    608
    โอ๊ยยยยคึดฮอดสมัยเป็นเด็กน้อยเด้เนาะอ้ายพลเว่ามานี่คึดภาพย้อนไปคือจังมีควมสุขหลาย เว่าถึงไม้ลำปอกะคึดพ่อตอนไปไต้จิ๊โป่มยามมื่อคืนเนาะกะย่อนบ่อมีไฟฟ้ามันกะเลยบ่อมีหม้อแบตเตอรี่ อาศัยไม้ลำปอนี่แหล่วเป็นแนวไต้จิ๊โป่มขั่นเห็นมันฮ้องยุสีใกล้แนต้องค่อยย่างย่องๆเอาเสียมสับลัดฮูมันไว้เดี๋ยวมันสิลงฮูก่อน....เว่ามาแล้วบ่อมีไฟฟ้ากะดีไปอย่างเนาะยามเดือนหงายกะได้พากันมานั่งยุนอกชานเว่าเล่นเว่าหัวตามประสาพ่อแม่ลูก ทุกมื่อนี่หายากแล้วภาพแบบนี่

  8. #8
    ผู้ช่วยผู้ใหญ่บ้านมหา สัญลักษณ์ของ มั่วหน่าฮ่าน
    วันที่สมัคร
    Jan 2007
    กระทู้
    1,963
    เขาว่าถ้าไผเริ่มเฒ่าแล้วกะให้สังเกตุเบิ่งว่าถืกตามคำโบราณบ่ อาทิเช่น มักของขม ชมเด็กสาว เล่าความหลัง พะนะ...เข้าข่ายเด้นิอ้ายพลพระยาแหล่..เนี่ย อิอิ

  9. #9
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,728
    คิดเห็นภาพเลยครับ สมัยก่อนบ้านผมกะบ่อทันมีไฟฟ้า ไต้ตะเกียง ไต้กะบองอ่านหนังสือ บางมื่อกะซ่อยพ่อไพหญ้า บางมื่อกะซ่อยแม่ตำเข้า โรงสีมีอยู่แต่ว่าอยู่ไกลคนรอสีหลาย.....

  10. #10
    แบ่งปันความรู้และประสบการณ์ สัญลักษณ์ของ ลูกทุ่งคือสายเลือด
    วันที่สมัคร
    May 2008
    ที่อยู่
    บ้านฝาง อ.กระนวน จ.ขอนแก่น-เชียงใหม่
    กระทู้
    277
    คิดฮอดบรรยากาศ แบบนั้นเน๊าะ เดียวนิบ่ค่อยมีเด้คับ

    ถ้าบ่จ้างกะบ่มีไผ๋ ไปซ่อยใด๋ ย่ามดำนากะดาย ทุกมื้อนิคับ

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •