หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 16

หัวข้อ: ย้อนรอย หน้าแล้งที่อีสาน

  1. #1
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,430

    บ้านมหาโพสต์ ย้อนรอย หน้าแล้งที่อีสาน

    ยามหน้าแล้งแต่ก่อนอาหารอึดอยากคัก บ่ค่อยมีตลาดตะลีคือสมัยซูมื่อนี้ปานใด๋ หมู่บ้านหนึ่งสิมีร้านค้าอยู่ร้านเดียว อาหารหลักกะสิมีปลาขี้โกะ ปลาอีฮือ ปลากระป๋อง

    ย่อนบ่มีเงินซื้อเพิ่นกิน บางเทือกะแบกเสียมไปหาขัวะบักหอยนำแจคันแท บางเทือกะไปหาโกยดินทรายหาเขียดตะนามาหมกกิน บางเทือพ้อกองขี้ควายกะเอาไม้ลำปอสักจองไว้ ให้ฮู้ว่ามีเจ้าของแล้ว สองสามมื่อไปส่องเบิ่งกองขี้ควายแห้งแล้ว มีฮอยกุดจี่หม่น ได้คุน้อยใส่น้ำกับเสียมกะไปขัวะมาขังไว้ให้ขี่ควายที่มันกินออกเบิ๊ดก่อนจั่งค่อยขั่วกิน

    หนองน้ำยามแล้งน้ำกะเหลือหน่อย ยามมื่อแลงกะเอาไม้ลำปอจุดไฟไปหาไต้เขียดอยู่นำสระน้ำ ตอนหัวค่ำเขียดอีโม้และเขียดต่าง ๆ ยามมื่อแลงตอนหัวค่ำประมาณทุ่มสองทุ่มมันกะสิลงมากินน้ำพะนะผุเถ่าเพิ่นว่ากะดาย ยามกลางเว็นมันสิไปหม่นนำแจคันแท มันฮ่อนมัน นำคูสระมีเขียดเต็มไปเบิ๊ดไล่คุบนำกะบ่ทัน

    ได้มาแล้วกะเอามาฟักขั่วกิน หรือสิป่นกะแล้วแต่ เหลือจากนั้นกะเอาไปตากแห้งไว้ถ่ากินโดน ๆ อีแม่ข่อยกะจำกัดห้ามกินปิ้งเขียดเกินคนละสามโตพะนะ ฮ่า ๆ ๆ ตากแห้ง ๆ ปิ้งแล้วกินกับข้าวเหนียวฮ้อน ๆ กะพอแล่วอยู่เด้ล่ะ หยอมกินเอา

    ยามกังเว็นซุมตูข่อยกับหมู่ได้หนังกะติ๊กกับถุงย่ามใส่ลูกหินกะไปหายิงขี้กาปอมซั่นแหล่ว ได้มาแล้วตอนเที่ยงกะเอามาลอกหนังฟัก ๆ ๆ และกะขั่วใส่ผักอีตู่ไทย เอาติบข้าวมากินนำกันแซบหลาย กินอิ่มแล้วกะกินส้มบักม่วงต่อแล้วกะนอนเล่น แยกย้ายไปบ้านไผบ้านมัน

    ยามมื่อแลงช่วงสิเข้าหน้าฝน สิมักมีพายุฤดูร้อนเด้น้อบ้านเฮา งัวควายพากันแลนเข้าบ้าน มันย่านลมหลาย ซุมข่อยกะพากันไปเก็บบักม่วงแก่นหล่อน (กะล่อน) บักม่วงสุก หล่นตุ๊บตั๊บ ๆ พากันยาดกัน เอามากินกับข้าว เหลือกะกวนเอาไว้กินโดน ๆ

    พอฝนตกมาต้นไม้กะสิโป่งใบอ่อน ตอนนี้กะสิมีอาหารชั้นสูงขึ้นมาอีกกะคือแมงจี่นูน มันสิมากินใบไม้อ่อน เช่น ใบบักขามอ่อน ใบสนกะมีคือกัน ดังไฟไว้ใต้ต้นไม้ เอาน้ำใส่คุ ใส่กะละมัง แล้วกะสั่นต้นไม้ เอามาขังไว้จักมื่อพอให้มันขี่ออก จั่งค่อยขั่ว

    หย่างไปนำโคกนำป่ากะสิมียอดผักหวาน มีคนเด็ดจนห่วนเบิ๊ดได้มากำเดียวแกงใส่น้ำหลาย ๆ เอาย่านบ่อิ่ม ตอนนี้ผักหวานนำตลาดหลายคัก แต่ก่อนขนาดขุดมาปลูกบำรุงอย่างดีกะบ่ยังต้นผักหวานกะดาย แกงใส่ไข่มดแดงถืกกันคักเด้ล่ะ

    หม่องหาปลากะแม่น้ำชี น้ำก่ำ พากันถีบจักรยานไปหาปลา ปลากะหลาย ๆ ไผไปกะได้มากินซูคน

    น้ำใช้ยามหน้าแล้ว ถ้าหนองน้ำใหญ่ภายในหมู่บ้านแห้งกะต้องเอารถยู่ (รถไส) หย่างไปเอาน้ำอยู่สระน้ำอำเภอ ห่างจากหมู่บ้าน 5 กิโลเมตร ยู่มาจั่งซั่นล่ะ ตอนนี้มีระบบประปาในหมู่บ้านแล้ว สะดวกสบายคัก

    น้ำกินกะขุดน้ำส่าง (น้ำบ่อ) กินเอา ไปถ่าน้ำส่างยามเดือนหงายได้แต่งงานกันหลายคู่แล้วเด้บ้านข่อย น้ำส่างกะสิมีตาน้ำ ไหลออกมาแฮงหรือค่อยแล้วแต่ตาน้ำใหญ่หรือน้อย บางเทือกะฟ้าวตื่นแต่ตี 1 ตี 2 ฟ้าวไปตักก่อนบ้านก่อนเมืองเพิ่น สิได้น้ำใส เอามาใส่โอ่งดินไว้กิน

    หน้าแล้งซุมหมู่เจ้าพากันหาแนวอยู่แนวกินจั่งใด๋แนน้อครับ เว่าสู่ข่อยฟังแนเด้อ ถ้าบ่มีแนวกินอีหลีข่อยกะจกปลาแดกในไหนั่นล่ะมาตำกินเป็นอาหารหลัก ยามกังเว็นกะตำบักหุ่ง ๆ ๆ ซูมื่อ ฮ่า ๆ ๆ
    แก้ไขครั้งสุดท้ายโดย พล พระยาแล; 02-07-2010 at 07:54.

  2. #2
    ศิลปิน นักร้อง นักแสดง สัญลักษณ์ของ จ่าเหลือง
    วันที่สมัคร
    Mar 2010
    ที่อยู่
    กรุงเทพ
    กระทู้
    1,538
    ป้าด...มื้อนี้มามีแต่ย้อนรอยแท้อ้าย บ่แม่นเฒ่าแล้วตี้
    หน้าแล้งมาเด็กน้อยทางอิสานบ้านเฮาคือสิบ่แตกต่างกันปานได่หรอกอ้าย ผมเองกะออกหากะปอม หาติดจักจั่น และไล่ตีตั๊กแตน แต่ก่อนแฮงดีแล่นตีตั๊กแตนข้ามท่องนาสบายๆ เดี่ยวนี้เฒ่าคือว่านั้นละอ้ายเบิดแฮง แฮงสิปีนข้ามหมอนข้างกะสิบ่ไหวแล้ว อิอิอิ

  3. #3
    ศิลปิน นักแต่งเพลง สัญลักษณ์ของ thedon
    วันที่สมัคร
    Aug 2007
    กระทู้
    1,421
    บล็อก
    1
    ผมกะพาหมู่เฮ็ดแนวไล่คุบจับตั๊กแตน ปาทั้งก้า ครับ มันจะบินอยู่กลางท่ง ปีกแดงๆโตใหญ่ๆ เอามาทอดแซ่บคัก หน้าดำหน้าแดงเบิดครับ แต่ว่ากะม่วนหลาย คึดแล้วอยากกลับไป 14 อีกครั้ง อิอิๆ

  4. #4
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,430
    ปีนหมอนข้างบ่ไหว บ่แมนหมอนข้างยัดนุ่นไว้หลายโพดบ่จ่าเหลือง เลยหน่วยใหญ่ปีนบ่ไหว
    ฮ่า ๆ ๆ หมอนข้างทางใด๋ล่ะจ่า

  5. #5
    แบ่งปันความรู้และประสบการณ์
    วันที่สมัคร
    Feb 2009
    ที่อยู่
    สวิส....พะนะ
    กระทู้
    563
    หน้าแล้งกะขวยกุ๊ดจี่ก่นอิปูไปสั่นแหล่วดวงดีแนกะได้กบไงอิอิอิดวงบ่อดีกะได้กบหลังแข็ง(อิปู)555โอ๊ยยยคึดฮอดบ้าน...อ้ายพลแมะซ่างมาเว่าไห่ใจสหวีวี่วีแท้น้อบาดนี่

  6. #6
    หาแล้งกะลักไปเล่นน้ำมาศ(น้ำห้วย)แล้วกะทำท่างมบักหอยจูบมานำ พอบ่ถืกตีจ้า
    เมื่อความจนผลักไส ดิ้นรนเท่าไรยิ่งไกลบ้าน

  7. #7
    แบ่งปันความรู้และประสบการณ์ สัญลักษณ์ของ บ่าวต้นฅนมุกดาหาร
    วันที่สมัคร
    Sep 2008
    ที่อยู่
    ..."มุกดาหาร"...
    กระทู้
    761
    ที่อ้ายอ้ายพลเว้ามา ผมคิดว่าผมโชคดีแล้วที่ได้เกิดมาเป็นคนอีสาน ได้โอกาสได้สัมผัสกับชีวิตที่หาไสบ่อีกแล้ว...แต่มาสุมื้อนี้หายากแล้วครับชีวิตแบบนี้

  8. #8
    แบ่งปันความรู้และประสบการณ์ สัญลักษณ์ของ aobab1980
    วันที่สมัคร
    Oct 2008
    กระทู้
    111
    ฮ่าๆๆๆๆๆๆๆๆๆๆๆๆๆๆๆๆๆๆๆๆๆๆๆ อ้ายพล มักหลายตอนเอาไม้ลำปอสักจองกองขี้ควายไว้นิล่ะ
    จะแม่นคือกันแฮงจ้าอ้าย เว่าแล้วกะคิดฮอดบ้านเฮาเนาะ

  9. #9
    ฝ่ายเทคนิคและโปรแกรม สัญลักษณ์ของ ต่วง
    วันที่สมัคร
    Feb 2008
    กระทู้
    1,826
    ครับอีสานบ้านเฮาบ่แล้งกะท่วมครับสมัยผมเป็นเด็กน้อยจำควมได่ตอนอยู่ ป.1 ครับผมเคยไปกับยาย ยายเอาปลา - เอาปลาแดกไปหาแลกเข่าครับ รถกะค่อยมีสมัยก่อนต้องหาบย่างเป็น 10 กว่าโลครับเพื่อที่จะเอาปลา ที่หาได่ไปแลกเข่าเพราะว่าที่บ้านน้ำท่วมเข่าตายเบิดครับ
    การที่จะประสบความสำเร็จได้ ต้องขึ้นอยู่กับความพยาม ความตั้งใจ สู้ฝ่าฟันอุปสรรคทุกอย่าง

  10. #10
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,430
    สมัยเฮาเป็นเด็กน้อยกะยังปานนี้ แล้วตั้งแต่ปุแต่ปู้ ซุมพ่อซุมแม่เฮาเพิ่นคือสิลำบากคักเนาะครับ

    อีแม่เลาว่าตะเกียงกะบ่มีจุดไต้เอาพะนะ บ่ต้องเว่าฮอดพัดลม โทรทัศน์ดอกเนาะ

    แต่วิทยุสมัยก่อนใหญ่ปานโทรทัศน์ซั่นเลาว่า อยากฟังเลขต้องไปฟังบ้านผู้ใหญ่บ้าน พุ่นแหล่ว

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •