บ่าวข้าวจี่ต้องขออนุญาติ นักแต่งผญารุ่นเอื้อยอ้ายผู้มีความชำนาญหลายกว่า..หัวแต่หัดแต่งครับ ผิดถูกกะต้องขออภัยมณี..ครับ
กลอนงึด.
งึดเด้..งึดไทบ้านมหานี้ มีดีคักแน
งึดกลอนผญาถามแก้ คนหย่องคักหลาย
งึดนำพวกเอื้อยอ้าย อยู่ไสกะบ่ลืน
งึดนำวิถีขี้พื้น มาเว้าสู่ฟัง
งึดหลายเด้มื้อนี้ งึดอีหลีเด้แม่ใหญ่(nuzing)
งึดนำสาวผู้ฮ้าย บัดได๋แท้แม่นผู้งาม..ฮ่า
งึดนำแต่ผู้เฝ้า เนาว์เฮือนบ่มีห่าง
งึด มีแต่ผู้ฮวมสร้าง ผู้สิม้างกะบ่มี
งึด..เด้ งึดนำเสียงเพลงพุ้นคนหนุนกันยกใหญ่
งึดเรียงกันซ่ายล่าย หาหม่องซื้อ บัดบ่มี...ฮ่า
งึดนำแต่ของกิน เมนูโปรดน้ำลายไหล
งึดเพิ่นเอามาใว้ ยังสิใด้ว่าเฮ็ดกิน
งึดคักหลายเด้มื้อนี้ งึดอีหลีงึดคักแน
งึดพ้อว้อ แพ้แว้ หาแนวแก้..บัดบ่มี....ฮ่า
ขอบคุณครับ
Bookmarks