หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 20

หัวข้อ: ไก่น้อยพาเที่ยว อุทยานแห่งชาติไทรทอง

  1. #1
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8

    ไก่น้อยพาเที่ยว อุทยานแห่งชาติไทรทอง


    ยากเวียกหลายพี่น้องเอ้ย เทื่อสิว่างมาโพสต์กะทู้เที่ยว ( ฮ่าๆๆ เที่ยวเมิดปีขะน้อย) อีกสถานที่หนึ่งที่ประทับใจหลาย อยากนำเสนอ คือสิเป็นกะทู้สุดท้ายสำหรับเที่ยวชัยภุมิทริปนี้เนาะจ้า ประทับใจหลายกับบรรยากาศ ที่อุทยานแห่งชาติไทรทอง ภูมิศาสตร์แถวนั้นสิเป็นป่าเต็ง ป่าเพ็ก เป็นตาหาเห็ดหมานคือหยัง ฮ่าๆๆ ตามไก่น้อยมาเลยจ้า :l-
    อันดับแรกพาพี่น้องลุยออฟโรดสะก่อนเนาะจ้า (งานนี้น้องขาวเลยต้องจอด 55+) หม่องนี้เป็นน้ำตกไทรทอง น้ำบ่หลาย พาพี่น้องมาเบิ่งผีเสื้อ ง๊ามงามหลายขนาดจ้า

    ไก่น้อยพาเที่ยว อุทยานแห่งชาติไทรทอง

    เส้นทางนี้ เป็นเส้นทางไปทุ่งดอกกะเจียวขาว แล้วกะไปเที่ยวที่ผาหำหด อันลือชื่อของไทชัยภุมิเพิ่นจ้า

    สาวๆสนุกกับผีเสื่อหลากสี งามอิหลีจ่า บ่ย้านคนนำ จับกะได่แมะจ้า

    ไก่น้อยพาเที่ยว อุทยานแห่งชาติไทรทอง

    สีน้ำที่นำตกไทรทองบ่เป็นตาเล่นปานได่ กะเลยพากันบ่ได้เล่นจ้อย

    ไก่น้อยพาเที่ยว อุทยานแห่งชาติไทรทอง

    พากันสะออนแมงกะเบี้ย บ่ได้ไปไส ฮ่าๆๆ :l-

    ไก่น้อยพาเที่ยว อุทยานแห่งชาติไทรทอง

    พากันหาหม่องกินข้าวเอาแฮงก่อนจ้า ช่างภาพคนสวยของทริปนี้ หอบอุปกรณ์พะลุงพลัง ไปเมิดเอาโลด

    ไก่น้อยพาเที่ยว อุทยานแห่งชาติไทรทอง

    มาฮอดแล้วจ้า ผาหำหด ที่ลือชื่อในความหวาดเสียว จนหด พะนะ ไก่น้อยอยากลองไปยืนเบิ่งแม่นสิบ่มีแนวหด ฮ่าๆๆ สมใจอยากยุพี่น้อง ขาสั่นพลับๆ บ่กล้ายืนพุ้นหละ ฮิ้วว ...ไผอยากทดสอบกะเชิญได่เด้อจ้า กับความสุง 860เมตรจากระดับน้ำทะเล

    พื้นที่ข้างล่างเป็นเขตรอยต่อ 3จังหวัด 3ภาค เชื่อมภาคเหนือเพชรบูรณ์ ภาคกลางลพบุรี กะอิสานชัยภูมิจ้า
    ไก่น้อยพาเที่ยว อุทยานแห่งชาติไทรทอง

    เทื่อสิย่างลงบันได่ไปฮอดกะเมื่อยคือกันเนาะพี่น้อง ขนาดยังบ่เฒ่า ฮ่าๆๆ (อุ๊บ )
    ไก่น้อยพาเที่ยว อุทยานแห่งชาติไทรทอง

    น้าน มาฮอดแล้ว ขอนางแบบถ่ายรูปจักแอ๊กก่อน 555+

    ไก่น้อยพาเที่ยว อุทยานแห่งชาติไทรทอง

    เริ่ดคร๊า... ฮิ้วว :l-
    ไก่น้อยพาเที่ยว อุทยานแห่งชาติไทรทอง

    บ่กล้าเหลียวลงข้างล่างเด้อพี่น้อง ย้านเป็นลม ฮ่าๆๆ
    ไก่น้อยพาเที่ยว อุทยานแห่งชาติไทรทอง

    ไก่น้อยบ่ได้เดินป่าดอกกะเจียว เนื่องจากเจ้าหน้าที่เพิ่นบอกว่า ดอกกะเจียวออกแค่ประมาณ10 %ว่าส่าน ดอกกะเจียวขาวสิออกช้ากว่าดอกกะเจียวชมพู ต้องถ่าประมาณเดือนสิงหาค่อยสิออกเต็มที่ ไก่น้อยกะเลยบ่ไป อดใจไว้เดือนสิงหาสิมายามใหม่ ประกอบกับต้องเข้าไปในเมืองชัยภูมิ ไปยามเพื่อนสาวพร้อมกะเลยบ่ได้เที่ยวต่อจ้า

    ก่อนออกจากไทรทอง ไก่น้อยแวะถ่ายรูปบรรยากาศเลาะจุดกางเต้นท์ มาฝากนำจ้า ตอนเช้าหมอกสิลงจัด เจ้าหน้าที่ว่าสวยม๊กมาก ขนาดไก่น้อยไปยามเที่ยงแล้ว อากาศกะเย็นสบายยุจ้า

    ไก่น้อยพาเที่ยว อุทยานแห่งชาติไทรทอง

    มีฮอดลิงกะโดด ยุปายไม้ 555+

    ไก่น้อยพาเที่ยว อุทยานแห่งชาติไทรทอง

    ปิดท้ายทริปนี้ที่ในเมืองชัยภูมิ ขับรถผ่านแวะไหว้(ในใจ ) สิ่งศักดิ์สิทธิ์คู่บ้าน คู่เมืองเพิ่น เจ้าพ่อพระยาแล (ขุนภักดีชุมพล ) ภายหลัง ได้รับพระราชทานเลื่อนบรราดาศักดิ์เป็น "พระยาภักดีชุมพล"

    ไก่น้อยพาเที่ยว อุทยานแห่งชาติไทรทอง

    และกะอาบน้ำตกตาดโตนนำกันจ้า (หนีบไปนำตลอดนางแบบว่างงาน 555+)
    ไก่น้อยพาเที่ยว อุทยานแห่งชาติไทรทอง

    เสร็จสมบูรณ์แล้ว สำหรับชัยภูมิทริปนี้ เทิงเมื่อยเทิงม่วนจ้า ไปเทียวหน้ากะว่าสิไปย่างอุทยานแห่งชาติไทรทองหม่องเดียว ประมาณเดือนสิงหาเด้อจ้า ไผสิไปกะ ฟ้าวๆเตรียมโต เคียร์งาน กะบะท้ายรถขะน้อยยังว่าง ฮ่าๆๆ เจอกันใหม่เด้อจ้า :l-

  2. #2
    เจ้าหน้าที่ประชาสัมพันธ์ สัญลักษณ์ของ เเมงสะดิ้ง
    วันที่สมัคร
    Oct 2008
    ที่อยู่
    ที่ชอบ
    กระทู้
    1,050
    บล็อก
    24
    นางแบบมีต่ะผู้ตะฮักเนาะ
    ขอบคุณที่พาเที่ยวจ้าเอื้อยไก่น้อย

  3. #3
    ผู้ช่วยผู้ใหญ่บ้านมหา สัญลักษณ์ของ nuzing
    วันที่สมัคร
    May 2007
    ที่อยู่
    ตกฟากอยู่อุบล เป็นคนชราบางแคแล้ว
    กระทู้
    2,549
    บล็อก
    5
    ภูมิทัศน์สวยงาม เทพีแมงกะเบี้ยกะคัก คำบรรยายไก่น้อยอ่านแล้วมันมันส์ได้อรรถรสหลายจ้าแต่ย่านหม่อง"ผาหำหด"นั่นหละยายคือสิบ่พาแฟนหนุ่มยายไปดอกย่าน..แห่งแต่เป็นไส้เลื่อนยุ ฮ่าๆๆๆ
    ปล.ปุ่มขอบคุณมันกะหดเด้อหล่ายายหาบ่ผ้อจ้า

  4. #4
    สุขใจได้เที่ยวไทยกับน้องไก่น้อย งานหน้าจะพาไแไหนจ้า

  5. #5
    เป็นตาหำหด อยู่ดอก ฝากะเด้ย

    งามครับ ไร้ที่ติ

  6. #6
    ศิลปิน นักแสดง
    นางไหขวัญใจบ้านมหา
    สัญลักษณ์ของ chutimol
    วันที่สมัคร
    May 2009
    กระทู้
    210
    อ๋อยยยย เป็นตาเสียวเน๊าะจ้า รูปที่เอื้อยไก่ถ่ายตอนอยู่หน้าผา แต่บรรยากาศงามสุดๆขอบอก

  7. #7
    ร่วมถ่ายทอดความรู้สู่สังคม สัญลักษณ์ของ บ่าวอิง
    วันที่สมัคร
    Aug 2007
    กระทู้
    926
    เลี้ยงซ้ายม่องทางเข้าน้ำตกกะเป็น มอหินขาว ไปอีกหน่อยหนึ่งกะเป็นบ้านผมคับ

  8. #8
    เจ้าหน้าที่ประชาสัมพันธ์ สัญลักษณ์ของ ปีใหม่
    วันที่สมัคร
    Dec 2007
    ที่อยู่
    เมืองกรุงเก่า
    กระทู้
    569
    นางแบบสวยๆๆทุกคนเลยจ้า บรรยากาศกะสุดยอดเนาะ
    อยากเบิ่งดอกกะเจียวขาวเนาะไว้รอเบิ่งยามพี่ไก่ไปอีกรอบเนาะ อิอิ

  9. #9
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23
    ม่วนๆ ม่วนนำอยู่ดอกไก่น้อย ขอบคุณสำหรับภาพงามๆเด้อน้องหล้า ได่แต่อิดสาล่ะนางเอ้ยย

  10. #10
    เจ้าหน้าที่ประชาสัมพันธ์ สัญลักษณ์ของ หล่อร้อยเมตร
    วันที่สมัคร
    Feb 2007
    กระทู้
    1,944
    เฒ่าๆเจ้านี่บ่มีเวียกมีงานน้อ หาเที่ยวยุเบิ่ดปีถ่าว่างคักอิหลี กะมาไถนาฮุดส่อยข่อยพี้เด้อ อิอิ

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •