ไก่น้อยพาเที่ยว อุทยานแห่งชาติไทรทอง

[ไก่น้อย]

ยากเวียกหลายพี่น้องเอ้ย เทื่อสิว่างมาโพสต์กะทู้เที่ยว ( ฮ่าๆๆ เที่ยวเมิดปีขะน้อย) อีกสถานที่หนึ่งที่ประทับใจหลาย อยากนำเสนอ คือสิเป็นกะทู้สุดท้ายสำหรับเที่ยวชัยภุมิทริปนี้เนาะจ้า ประทับใจหลายกับบรรยากาศ ที่อุทยานแห่งชาติไทรทอง ภูมิศาสตร์แถวนั้นสิเป็นป่าเต็ง ป่าเพ็ก เป็นตาหาเห็ดหมานคือหยัง ฮ่าๆๆ ตามไก่น้อยมาเลยจ้า :l-
อันดับแรกพาพี่น้องลุยออฟโรดสะก่อนเนาะจ้า (งานนี้น้องขาวเลยต้องจอด 55+) หม่องนี้เป็นน้ำตกไทรทอง น้ำบ่หลาย พาพี่น้องมาเบิ่งผีเสื้อ ง๊ามงามหลายขนาดจ้า



เส้นทางนี้ เป็นเส้นทางไปทุ่งดอกกะเจียวขาว แล้วกะไปเที่ยวที่ผาหำหด อันลือชื่อของไทชัยภุมิเพิ่นจ้า

สาวๆสนุกกับผีเสื่อหลากสี งามอิหลีจ่า บ่ย้านคนนำ จับกะได่แมะจ้า



สีน้ำที่นำตกไทรทองบ่เป็นตาเล่นปานได่ กะเลยพากันบ่ได้เล่นจ้อย



พากันสะออนแมงกะเบี้ย บ่ได้ไปไส ฮ่าๆๆ :l-



พากันหาหม่องกินข้าวเอาแฮงก่อนจ้า ช่างภาพคนสวยของทริปนี้ หอบอุปกรณ์พะลุงพลัง ไปเมิดเอาโลด



มาฮอดแล้วจ้า ผาหำหด ที่ลือชื่อในความหวาดเสียว จนหด พะนะ ไก่น้อยอยากลองไปยืนเบิ่งแม่นสิบ่มีแนวหด ฮ่าๆๆ สมใจอยากยุพี่น้อง ขาสั่นพลับๆ บ่กล้ายืนพุ้นหละ ฮิ้วว ...ไผอยากทดสอบกะเชิญได่เด้อจ้า กับความสุง 860เมตรจากระดับน้ำทะเล

พื้นที่ข้างล่างเป็นเขตรอยต่อ 3จังหวัด 3ภาค เชื่อมภาคเหนือเพชรบูรณ์ ภาคกลางลพบุรี กะอิสานชัยภูมิจ้า


เทื่อสิย่างลงบันได่ไปฮอดกะเมื่อยคือกันเนาะพี่น้อง ขนาดยังบ่เฒ่า ฮ่าๆๆ (อุ๊บ )


น้าน มาฮอดแล้ว ขอนางแบบถ่ายรูปจักแอ๊กก่อน 555+



เริ่ดคร๊า... ฮิ้วว :l-


บ่กล้าเหลียวลงข้างล่างเด้อพี่น้อง ย้านเป็นลม ฮ่าๆๆ


ไก่น้อยบ่ได้เดินป่าดอกกะเจียว เนื่องจากเจ้าหน้าที่เพิ่นบอกว่า ดอกกะเจียวออกแค่ประมาณ10 %ว่าส่าน ดอกกะเจียวขาวสิออกช้ากว่าดอกกะเจียวชมพู ต้องถ่าประมาณเดือนสิงหาค่อยสิออกเต็มที่ ไก่น้อยกะเลยบ่ไป อดใจไว้เดือนสิงหาสิมายามใหม่ ประกอบกับต้องเข้าไปในเมืองชัยภูมิ ไปยามเพื่อนสาวพร้อมกะเลยบ่ได้เที่ยวต่อจ้า

ก่อนออกจากไทรทอง ไก่น้อยแวะถ่ายรูปบรรยากาศเลาะจุดกางเต้นท์ มาฝากนำจ้า ตอนเช้าหมอกสิลงจัด เจ้าหน้าที่ว่าสวยม๊กมาก ขนาดไก่น้อยไปยามเที่ยงแล้ว อากาศกะเย็นสบายยุจ้า



มีฮอดลิงกะโดด ยุปายไม้ 555+



ปิดท้ายทริปนี้ที่ในเมืองชัยภูมิ ขับรถผ่านแวะไหว้(ในใจ ) สิ่งศักดิ์สิทธิ์คู่บ้าน คู่เมืองเพิ่น เจ้าพ่อพระยาแล (ขุนภักดีชุมพล ) ภายหลัง ได้รับพระราชทานเลื่อนบรราดาศักดิ์เป็น "พระยาภักดีชุมพล"



และกะอาบน้ำตกตาดโตนนำกันจ้า (หนีบไปนำตลอดนางแบบว่างงาน 555+)


เสร็จสมบูรณ์แล้ว สำหรับชัยภูมิทริปนี้ เทิงเมื่อยเทิงม่วนจ้า ไปเทียวหน้ากะว่าสิไปย่างอุทยานแห่งชาติไทรทองหม่องเดียว ประมาณเดือนสิงหาเด้อจ้า ไผสิไปกะ ฟ้าวๆเตรียมโต เคียร์งาน กะบะท้ายรถขะน้อยยังว่าง ฮ่าๆๆ เจอกันใหม่เด้อจ้า :l-

[เเมงสะดิ้ง]

นางแบบมีต่ะผู้ตะฮักเนาะ
ขอบคุณที่พาเที่ยวจ้าเอื้อยไก่น้อย

[nuzing]

ภูมิทัศน์สวยงาม เทพีแมงกะเบี้ยกะคัก คำบรรยายไก่น้อยอ่านแล้วมันมันส์ได้อรรถรสหลายจ้าแต่ย่านหม่อง"ผาหำหด"นั่นหละยายคือสิบ่พาแฟนหนุ่มยายไปดอกย่าน..แห่งแต่เป็นไส้เลื่อนยุ ฮ่าๆๆๆ
ปล.ปุ่มขอบคุณมันกะหดเด้อหล่ายายหาบ่ผ้อจ้า

[สะใภ้อิสาน]

สุขใจได้เที่ยวไทยกับน้องไก่น้อย งานหน้าจะพาไแไหนจ้า

[บุรุษไร้ใจ]

เป็นตาหำหด อยู่ดอก ฝากะเด้ย

งามครับ ไร้ที่ติ

[chutimol]

อ๋อยยยย เป็นตาเสียวเน๊าะจ้า รูปที่เอื้อยไก่ถ่ายตอนอยู่หน้าผา แต่บรรยากาศงามสุดๆขอบอก

[บ่าวอิง]

เลี้ยงซ้ายม่องทางเข้าน้ำตกกะเป็น มอหินขาว ไปอีกหน่อยหนึ่งกะเป็นบ้านผมคับ

[ปีใหม่]

นางแบบสวยๆๆทุกคนเลยจ้า บรรยากาศกะสุดยอดเนาะ
อยากเบิ่งดอกกะเจียวขาวเนาะไว้รอเบิ่งยามพี่ไก่ไปอีกรอบเนาะ อิอิ

[sompoi]

ม่วนๆ ม่วนนำอยู่ดอกไก่น้อย ขอบคุณสำหรับภาพงามๆเด้อน้องหล้า ได่แต่อิดสาล่ะนางเอ้ยย

[หล่อร้อยเมตร]

เฒ่าๆเจ้านี่บ่มีเวียกมีงานน้อ หาเที่ยวยุเบิ่ดปีถ่าว่างคักอิหลี กะมาไถนาฮุดส่อยข่อยพี้เด้อ อิอิ