กำลังแสดงผล 1 ถึง 9 จากทั้งหมด 9

หัวข้อ: เปิดงานก่อนครับผญาจาก อ. วีนะพงษ์ สิงหบัญชา

  1. #1
    นักการภารโรง สัญลักษณ์ของ บ่าวคนเดิม
    วันที่สมัคร
    Jan 2006
    ที่อยู่
    Amphoe Det Udom
    กระทู้
    3,148

    เปิดงานก่อนครับผญาจาก อ. วีนะพงษ์ สิงหบัญชา

    เปิดงานก่อนครับผญาจาก อ. วีนะพงษ์  สิงหบัญชา
    - คันได้กินลาบซิ้นอย่าลืมแจ่วแพวผัก คันได้กินพาเงินพาคำ อย่าสุลืมกระแบนฮ่าง

    - คันเจ้าได้อยู่ยอดฟ้าผาสาทประดับมุข อย่าซะลืมคนทุกข์ผู้ขี่ควายคอนกล้า

    - ตกตาว่าได้เว้าบ่หวังวางให้ฮ่างเปล่า เอาให้เขาได้เอิ้นพ่อบักน้อย แม่บักน้อยสาแล้วจั่งสิเซา

    - ตกตาว่าได้ลงมือคั้นงมปลาหาเต่า เอาให้เหมือนสู่ซังลงให้เหมิดสู่ด้านสาแล้วจังสิเซา

    - ตกตาว่าได้ลงลายม้วนบ่เป็นบุงกะสีให้เป็นเต่า บ่เป็นกระเซ่าสะสีให้เป็นข่องใส่ห้อย

    - ตกตาว่าได้จับคันโซลงหนองสาสาด สิฝาดให้แห้งเอาปลาต้มไซงาย

    - ใจประสงค์สร้างกลางดงกะว่าทง ใจขี่คร้านกลางบ้านกะว่าดง

    - ใจบ่โสดาด้วยเว้าแมนกะเป็นผิด ใจบ่โสดาดอมเว้าดีกะเป็นฮ้าย

    - อย่าซะลีมคุณเฒ่าแมวบักคำโตเกิดก่อน ถุงไหมหนูบ่หย่ำคราวนั้น กะคอบแมว

    - กินแกงให้เจ้าซอมดูก้างคาคอสีจิ้มยาก ดูกหมูมันสิไปอยู่ค้างกินน้ำสิบ่ลง

    - กินปลาอย่าได้กินไส้ตับไตปอดหยอ คันว่ากินฮอดท้องสิหนาวจ้อยจอยโซ ให้กินแล้วโต

    โซ่โหล่ตับโตไว้ผู้ใหญ่ ผู้ใหญ่นั้นกินได้ซู่อัน

    - ของกินนี้ให้ซอมดูดมดูด คันหากเป็นโทษแล้ววางทิ้มอย่ากิน

    - ของบ่เป็นตาจ้ำอย่าจุ่มลงคัก ของบ่เป็นตากัดอย่ากินพวนท้อง ของบ่เป็นตาส้ม

    อย่างมกินสิส้มปาก มันสิยากคอบท้องเที่ยวขี้หยังคืน

    - คันสิเอาอ่อมจ่ำอย่าได้ใส่น้ำหลาย มันสีใสเจงเลงเลยบ่เป็นตาจ้ำ

    - คันหากมีสองซ้อนบ่กลัวไผอย่าฟ้าว่า บาดห่าเป็นแม่ฮ้างสิมาโอ้ใส่เขา

    - คันได้เป็นเป็นใหญ่แล้วอย่าลืมคุณพวกไพร่ คันหากไพร่บ่พร้อมสีหน้าบ่ฮุ่งเฮีอง

    - คันสิไปทางหน้าให้เหลียวหลังเบิ่งก่อน คันมะลูดทูดเท้าเซาถ่อนอย่าไป

    - คันบ่ออกจากบ้านบ่เห็นด่านแดนไหล คันบ่ไปหาเฮียนกะบ่มีความฮู้

    - คันแม่นมีความฮู้พาโตเฮ้ดบ่แมน ความรู้ท่อแผ่นฟ้า เป็นบ้าท่อแผนดิน

    - คันแม่นมีความฮู้เต็มพุงเพียงปาก โตสอนโตบ่ได้ไผสิย่องว่าดี

    - คำปากพ่อแม่นี้หนักเกิ่งธรณี ไผผู้ยำเกรงนบหากสิเฮืองเมือหน้า

    - จอมปลวกอ้นขุดก่นเป็นโพน แมนสิเป็นโพนสูงซั่วไกลเห็นแจ้ง ค้นบ่มีสาขาไม้

    ใบเขียวปกท่อก็บ่ดูอาจแท้โพนนั้นเป่าแปน

    - ใจบ่ใสต่อน้ำแงงเงากะบ่ส่อง กบบ่เตื้องต่อเทื้อมเห็นถ้ำกะว่าโพน

    - ใจประสงค์ชิ้นปูปลาสิหาซอย ใจประสงค์น้ำอ้อยเฮียนข่อยห้าอีออย

    - ซาตาคาดแห้งฝนตกรินกะบ่ซุ่ม ซาตาคาดแล้งแสนสิท้วมกะไงผง

    - ชื่อว่าแนวกำพร้าหมูหมามันกะหน่าย กลายหน้าใกล้ชาวบ้านถ่มน้ำลาย

    - ซื่อว่าแนวความฮู้ในเฮือนหายาก คันบ่ออกจากบ้านบ่อมีได้ทอใย

    - เซื้อชาติอ้อยบ่ห่อนเกิดเป็นเสา แซงตาเปาบ่ห่อนเป็นก่อได้

    - ชื่อว่าแนวเด็กน้อยตากอความคัดมอ ได้กอข่อหล่อความเว้าพ่นอยู่ดาว

    - แนวหมากต้องบ่หอนหล่นไหลกก แนวผมดกบ่หอนเป็นหัวล้าน เนี้ยคักบ่

    - ทำดีเห็นฮอยไว้ บ่ว่าดีกะตามซาง ทำซั่วซูซอยไว้ไผสิย่องกะซางตาม ท่านเอ๊ย

    ผู้รวบรวม อ. วีนะพงษ์ สิงหบัญชา ข้าราชการบำนาญ
    ขอบพระคุณสมาชิกและทีมงานที่เคารพรักทุกท่าน

  2. #2
    khan
    Guest

    Re: เปิดงานก่อนครับผญาจาก อ. วีนะพงษ์ สิงหบัญชา

    Re: เปิดงานก่อนครับผญาจาก อ. วีนะพงษ์  สิงหบัญชา

    อ่านแล้วให้คุณค่าทางจิตใจมากอ่ะท่าน

  3. #3
    คนศรีเมืองใหม่ในกรุง
    Guest

    Re: เปิดงานก่อนครับผญาจาก อ. วีนะพงษ์ สิงหบัญชา

    ฮ่วย..ฮ่วย..ฮ่วย..ดีเจขาล//รูปอีนางน้อยเต้นอยู่นั่นเจ้าเฮ็ดใด้จั่งใด๋ ข้อยละติดใจแฮงๆเจ้าบอกวิธีเฮ็ดอย่างย่อแหน่ครับ ////ปรึกษาบ่าวมหากับดีเจขาลอีก..ผญานี้มันเป็นแนวทางคติสอนใจ ถ้าแม่นเฮาเอามารวมกันกับคําสอยฃึ่งเน้นไปทางม่วนชื่น มันสิคือบ๊อละ ผมเห็นผญาแต่ละกลอนข้างบนมีแต่ดีๆ ผมละบ่อกล้าสอยกวนหน้าดาง

  4. #4
    khan
    Guest

    Re: เปิดงานก่อนครับผญาจาก อ. วีนะพงษ์ สิงหบัญชา

    วีธี หย่อๆ บ่ ท่าน ผมบ่ได้เฮ็ดเองดอก ไปหา กอปปี้เผิ่นมา ครับ

    เอาโลด มีห้องสอย แยกกันแล้ว

  5. #5
    คนศรีเมืองใหม่ในกรุง
    Guest

    Re: เปิดงานก่อนครับผญาจาก อ. วีนะพงษ์ สิงหบัญชา

    ผมก็สินําผญามาฝากมื้อละกลอนครับ///////// อยากทุกข์ให้เป็นนายคน อยากสาละวนให้เอาเมียน้อย อยากให้เขาป้อยให้ขี้ใส่หนทาง /////////

  6. #6
    khan
    Guest

    Re: เปิดงานก่อนครับผญาจาก อ. วีนะพงษ์ สิงหบัญชา

    โอ้ย บ่าวเซียง เอ้ย ตอนนี้ ข่อยอยากสาละวน แฮง หลายเด้อ

    ก๊ากๆๆๆๆ

  7. #7
    คนศรีเมืองใหม่ในกรุง
    Guest

    Re: เปิดงานก่อนครับผญาจาก อ. วีนะพงษ์ สิงหบัญชา

    เป็นจั่งได๋น๊อ ท่านดีเจขาล เผิ่นว่าอยากสาละวน ตอนนี้คือสิสาละวนอยู่นําแม่ออกป่วยอยู่นอครับ อยากสาละวนเรื่อง 60 ข.เดี่ยวบ่าวเฃียงน้อยสิจัดให้ อิอิๆๆ

  8. #8
    บ่าวสายฟ้า
    Guest

    Re: เปิดงานก่อนครับผญาจาก อ. วีนะพงษ์ สิงหบัญชา

    Re: เปิดงานก่อนครับผญาจาก อ. วีนะพงษ์  สิงหบัญชา กระทู้ต้นฉบับโดยคุณ คนศรีเมืองใหม่ในกรุง
    ผมก็สินําผญามาฝากมื้อละกลอนครับ///////// อยากทุกข์ให้เป็นนายคน อยากสาละวนให้เอาเมียน้อย อยากให้เขาป้อยให้ขี้ใส่หนทาง /////////
    คักแล้วท่านบาดที่นิ....

  9. #9
    ศึกษาหาความรู้
    วันที่สมัคร
    May 2006
    กระทู้
    31

    Re: เปิดงานก่อนครับผญาจาก อ. วีนะพงษ์ สิงหบัญชา

    เป็นตาสาละวนนำอยู่ดอกครับท่านๆ

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •