หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 22

หัวข้อ: บ่าวจอบบ้อนถืกยิง

  1. #1
    แบ่งปันความรู้และประสบการณ์ สัญลักษณ์ของ บ่าวจอบบ้อน
    วันที่สมัคร
    Oct 2009
    กระทู้
    336

    พบปะพูดคุย บ่าวจอบบ้อนถืกยิง


    โชคดีที่บ่าวจอบบ้อนมีโอกาสมาเว่ามาคุยให้พี่ให้น้องฟัง ขอบคุณที่เทวดายังหลูโตนซาดอยู่ พี่น้องครับตั้งแต่เกิดได่ใหญ่มา บ่าวจอบบ้อนกะบ่เคยมีเรื่องกับไผเลย เป็นคนบ่มักความรุนแรงมีแต่มักม่วนเฮฮา แต่กะบ่วายต้องมาเจอเหตุการณ์แบบนี้ ทีแรกว่าสิบ่บอกไผดอกแต่อยากแชร์ประสบการณ์ครั้งนี้ให้พี่ให้น้องได้ฟังกันครับ

    เริ่มเลยเด้อครับ คืนวันเสาร์ที่ 3 เดือนกรกฏาคมที่ผ่านมา หลังจากที่บ่าวจอบบ้อนได่นอนไปสักพัก กะมีคนมาเอิ้นกะเลยขานรับ แล่วกะบอกเพิ่นว่าบ่ได่ล็อกห้องเข้ามาโลดกำลังเพลียนอนอยู่บ่ได่ลุกไปเปิดให้ดอก เข้ามาโลด บ่าวจอบบ้อนกะเอิ้นบอกเพิ่นตามที่ว่าฮั่นหล่ะ

    จากนั่นชายคนนั้นกะเข้ามาพอเห็นบ่าวจอบบ้อนนอนอยู่ฮู้ตำแหน่งอย่างแน่ชัดแล่วเพิ่นกะบ่เว่าหยังจักคำ จกปืนที่พกใว่ข้างเอวแล่วเล็งมาที่บ่าวจักร แล่วกะลั่นไกยิงมาที่กลางอกเสียงปืนดัง ปั้ง ปั้ง ปั้ง 3 นัด ขณะที่เพิ่นยิงบ่าวจอบบ้อนว่าเฮาผิดอีหยังเพิ่นคือมายิงเฮา ขณะนั้นกะบ่คิดดอกว่าถืกยิงเพราะว่าบ่มีความฮู้สึกเจ็บแม้แต่น้อย เมื่อสิ้นเสียงปืนดัง 3 นัด คนที่เข้ามายิงบ่าวจอบบ้อนกะออกจากห้องไปอย่างหน้าตาเฉย บ่าวจักรคิดในใจว่าบ่แม่นเรื่องจริงคงเป็นแค่ฝัน ขณะนั้นบ่าวจอบบ้อนกะเลยเอามือไปจับหม่องที่คิดว่าถืกยิง ปรากฏว่ามีรูที่กลางอกอยู่1รูกะเลยเอามือแหย่หม่องถืกยิง กะคิดในใจว่าเฮาถืกยิงอีหลีตั๊วะนี่แหม๊

    ทันใดนั้นมือกะมีน้ำติดกะเลยเอานิ้วโป้ถูกับนี้วชี้และนิ้วกลางแล้วเอามาเบิ่งปรากฏว่าเป็นเลือดติดมือ กะเลยมั่นใจแล่วว่าเฮาถืกยิงอีหลีแน่นอน กะยังคิดไปอีกว่าคนมายิงคือแม่นแท้ยิง 3 นัดเข้าป่องเดี่ยวเลย ในใจกะยังคิดว่าเฮาคงฝันไปๆๆ ช่วงขณะที่ลมหายใจสิแผ่วลงช่วงนั้นภาพ พ่อ แม่พี่น้อง คนฮู้จักลอยมาเต็มไปเหมิ๊ดภาพเก่าในอดีตตั้งแต่เด็กน้อยจนใหญ่ฉายมาในความทรงจำ คิดในใจว่าสิมีคนมาเห็นศพบ่น้อแฮ่งมาอยู่ผู้เดียว บ่าวจอบบ้อนเริ่มขยับโตบ่ได่ทันใดนั่นเลือดกะเปียกซอดออกด้านหลังเปื้อนที่นอนเต็มไปหมด และแล่วลมหายใจกะเริ่มแผ่วลง ช้าๆ

    ขณะที่บ่าวจอบบ้อนสิสิ้นลมเฮือกสุดท้ายนั้นกะสะดุ้งตื่นขึ้นมา เหงื่อแตกเต็มโตไปเหมิ๊ดเลยพี่น้อง ลุกขึ้นมาแนมเบิ่งห้องเจ้าของอย่าง งงๆ แล่วกะเอ่ยขึ้นเบา ๆ ว่าฮ่วยเฮาฝันไปตั๊วะนี่แหม๊ ว่าแต่เรื่องจริง บัดได๋ฝันพี่น้องเอ้ยยยยยตกใจเหมิ๊ด5555+++
    แก้ไขครั้งสุดท้ายโดย พล พระยาแล; 16-07-2010 at 08:57. เหตุผล: แก้คำผิด

  2. #2
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8
    53 เด้อบ่าว งวดนิ บ่พลาดแน่นอน มีนาขายนา มีเมียขายเมีย ฮิ้ววว

  3. #3
    แบ่งปันความรู้และประสบการณ์ สัญลักษณ์ของ บ่าวจอบบ้อน
    วันที่สมัคร
    Oct 2009
    กระทู้
    336
    พะนะ บ่ฮู้คือกันดอกครับเรื่องเลขเรื่องเบอร์ แต่กะฝันคักขนาดว่าแม่นเรื่องจริง กะเลยเอามาให้พี่น้องผู้มักตีเลขแม่นๆเอาไปเสี่ยงดวงลองเบิ่ง โตขะน้อยบ่ถนัดปานได๋ครับ

  4. #4
    ศิลปิน นักร้อง นักแสดง สัญลักษณ์ของ พงศ์น้อย ส กสิน
    วันที่สมัคร
    Jan 2007
    ที่อยู่
    ผมไม่รู้ ผมนอนนา
    กระทู้
    1,171
    บล็อก
    5
    53 ว่าติเอื้อยไก่ ฮ่าๆๆๆ สิลองเบิ่ง ว่าอยู่มันคือสิยิงแม่นแท้ครับ สามนัดรูเดียว อิอิ

  5. #5
    Membership renewed สัญลักษณ์ของ siranee
    วันที่สมัคร
    Jul 2008
    ที่อยู่
    ลาดกระบัง54(วัดศรีวารีน้อย)
    กระทู้
    986
    เอาล่ะบาดนิผู้ฝันกะฝันคั่กฝันแน่ เอื้อยไก่กะใบ้โตมั่กพอดีๆ
    สิได้ขายนามาลองเบิ่งมื้อนี้ล่ะน้องพงศ์เอ้ยจั่งถ่าลุ้น

  6. #6
    ฝ่ายเทคนิคและโปรแกรม สัญลักษณ์ของ ต่วง
    วันที่สมัคร
    Feb 2008
    กระทู้
    2,090
    โอ้ยเนาะผมอ่านมาตั้งดนผมกะคิดว่าแม่นเรื่องจริงซั่นดอก ฮ่า ๆ ๆ ฝันร้ายกลายเป็นดีโบราณว่า

  7. #7
    มิสบ้านมหา 2010
    ศิลปิน นักเขียน
    สัญลักษณ์ของ เขมราฐ
    วันที่สมัคร
    Sep 2008
    ที่อยู่
    กลางท่งเมืองเขมฯ
    กระทู้
    2,078
    53 ติค่ะเอื้อยไก่ ขายนาจักแถว ลองเบิ่งกะน้า.........

  8. #8
    ศิลปิน นักแสดง สัญลักษณ์ของ kitty
    วันที่สมัคร
    Mar 2010
    ที่อยู่
    ลำลูกกา คลอง 2
    กระทู้
    1,193
    ป๊าดดคือฝันคักฝันแหน่อิหลีเนาะ อิอิ ย่านแม่นเพิ่นถูกหวยยุงวดนี่แหมะ อ่านจนว่าจบตกใจไปนำ..... โชคดีเด้อค่ะงวดนี้แหมะ

  9. #9
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,940
    ข่อยว่าแล่วว่าเจ้าต้องออกมาแนวนี้ เพราะข่อยเคยเฮ็ดมาก่อนเจ้า ฮ่า ๆ ๆ

    ป๊าด แสดงว่ายิงสองคนตั๊วะนี่แมะ ทั้งบ่าวจักร ทั้งบ่าวจอบบ้อน ฮ่า ๆ ๆ ๆ

    มาเด้อขวัญเอ้ยยยยยยยยยยยยยยย

  10. #10
    ศิลปิน นักแต่งเพลง สัญลักษณ์ของ thedon
    วันที่สมัคร
    Aug 2007
    กระทู้
    1,507
    บล็อก
    1
    อ้ายพลครับ แสดงว่า บ่าวจอบบ้อน กับ บ่าวจักร สองคนต้องมีหยังกันแน่นอนครับ สงสัยถืกยิงย้อนเรื่องความหึงหวง อิอิๆ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •