กำลังแสดงผล 1 ถึง 4 จากทั้งหมด 4

หัวข้อ: 12 สิงหาใกล้จ้อ อยากหลบเมือไปยามแหม่

  1. #1
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773

    12 สิงหาใกล้จ้อ อยากหลบเมือไปยามแหม่

    สุระทินที่สิบสองไกล้สิเถิงบ่อนบั้น เวียนบรรจบครบถ้วน สิงหาคม(มะ)มาส
    ขออภิวาทนอบน้อมมาตาไท้ใ่ส่มะโน
    สรรพสิ่งอยู่ในโลกากว้าง บ่อมีแนวสิมาเปรียบ
    บ่อห่อนหาเทียบได้พระคุณท่านนั้นใหญ่หลวง
    ฮักทั้งปวงในโลกล้วนหยังสิคือฮักของแหม่
    บ่อเคยแวแวะเลี้ยวใจเสี่ยวเป็นอื่นไป
    แหม่ยอมตายแทนลูกได้บ่อวางใจถิ่มป่อย
    สองมือแหม่น้อยๆ ถนอมเลี้ยงลูกใหญ่มา
    เก้าเดือนลูกได้คาอยู่ท้อง แหม่ประคองค่อยลุกนั่ง
    ระมัดระวังย้านลูกน้อยในท้องกระทบเทือน
    ผ่านเก้าเดือนแม่ได้ทนเพียรสู้ เจ็บแปะตายน้ำตาหลั่ง
    บ่อตายกะจั่งยังยามแหม่คลอดลูกน้อย น้ำตาย้อยเลือดหลั่งไหล
    ยามเมื่อคลอดลูกได้ทนอยู่ไฟเจ็ดมื้อ น้ำเย็นๆ บ่อเคยผ่าน
    ของคาวหวานอดคะลำย้านแสลงลูกน้อยทางท้องบ่อสบาย
    เลือดในกายเป็นสายน้ำ เกษียรธารให้ลูกดื่ม
    ทุกข์ทางกายแต่ใจแหม่สุดปลาบปลื้ม
    แค่ได้เห็นหน้าเจ้า บุตตาน้อยกะซื่นใจ
    เหนื่อยปานใด๋บ่อเคยปะป่อยถิ่มถนอมเพียรเลี้ยงลูกอ่อน
    แหม่เคยย้ำข้าวหมก แหม่เคยจกข้าวป้อน
    สอนวิชาให้เจ้าเก่งการ
    สู้เวียกงานถึงสิอดอิ่มบ้างขอเพียงลูกได้อยู่ดี
    สุีดที่บรรยายได้คุณหลวงหลายคณานับ
    อดตาหลับขับตานอน ยามลูกเจ็บป่วยไข้ บ่อมีได้อยู่่สบาย
    แหม่เอ้ย....ลูกขอน้อมกายพร้อมทั้งใจดวงน้อย
    ฝากนำลมไปกราบบุญพระคุณแหม่ ก่อนเด้อ
    ขอบารมีแผ่คุ้ม นำ้ส่อยป้อง บุตตาน้อยผู้ห่างไกล

    ทิดจ่อย
    15 ก.ค. 2553
    แก้ไขครั้งสุดท้ายโดย ทิดจ่อย; 19-07-2010 at 09:24.


  2. #2
    ฝ่ายเทคนิคและโปรแกรม สัญลักษณ์ของ ต่วง
    วันที่สมัคร
    Feb 2008
    กระทู้
    2,090
    อยากไปยามแม่ อยากไปไหว้แม่อยู่ครับ แต่ยากหลาย ซิโทรศัพท์ไปไหว้แม่ดอกครับ

  3. #3
    เจ้าหน้าที่ประชาสัมพันธ์
    ขวัญใจบ้านมหา 2012
    สัญลักษณ์ของ สาวมุก
    วันที่สมัคร
    Mar 2010
    ที่อยู่
    มุกดาหาร
    กระทู้
    683
    ขอบคุณอ้ายทิดจ่อยที่นำผญามาฝากให้ตามคำเรียกร้อง

    รักใดไหนเท่า รักเจ้าดวงใจคนนี้.....


  4. #4
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    สิบมหาสมุทรแม่น้ำ ทะเลหลวงอันกว้างใหญ่
    สิบแสนไกลจักรวาลชั้นฟ้า ยังมีน้อยกว่าพระคุณ
    บุญแม่หนุนจุนเจือค้ำ นำทางลูกเทียวท่อง
    หากินกุ้มปากท้อง บารมีท่านได้ส่องทาง
    บ่อมีหยังมากล่าวอ้าง เสมอดั่งมาตา
    สุดที่พรรณณาเถิง แห่งพระคุณมารดาเจ้า
    ลูกยอมือสุดศอกเหนือหัวเกล้าเกศ
    สิ่งอาเพทอย่าต้อง ให้มารดาเจ้าอยู่สบาย
    น้อมเอากายใจพร้อมขึ้นพนมก้มกราบแม่
    สิบนิ้วแบกราบก้ม พนมน้อมระลึกคุณ
    ธุจ้า

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •