หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 16

หัวข้อ: ย้อนรอย ครกมอง

  1. #1
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,940

    ย้อนรอย ครกมอง


    พลเอ้ยพล เสียงครกมอง (อีสาน) หรือครกกระเดื่อง ดังโป๊ก ๆ ๆ มาทางบ้านป้าทองขัน ไผสิเฮ็ดข้าวปุ้นน้อ อีแมถามข่อย

    สมัยข่อยเป็นเด็กน้อย เวลาสิเฮ็ดข้าวปุ้น อีแมข่อยสิซวนข่อยไปตำแป้งข้าวปุ้นบ้านป้าทองขันพี่สาวของอีแม เอาแป้งข้าวปุ้นใส่กะต่า (ตระกร้า) ไป หนักพอสมควร ไปฮอดแล้วมีป้าแต๋วลูกสาวป้าทองขันมาตำซอย (ช่วย) เพราะว่าข่อยขึ้นแล้วครกมองบ่ยก จนเบิ๊ดแฮงซือ ๆ

    อีแม่เอามือไปคนแป้งข้าวปุ้นในครก คนตำกะตำไปจนเนื้อแป้งได้ที่กะเอากลับบ้าน มานวดแล้วเอามาบีบเป็นข้าวปุ้น ยามบีบข้าวปุ้นข่อยสิถ่ากินไก่บักจ้น (แป้งขนมจีนที่หล่นก้นหม้อคล้ายรูปไก่โต้ง) หน้าเทศกาลหย่างไปบ้านไผมีแต่ข้าวปุ้น บางบ้านบ่ได้เฮ็ดกะเอามาส่งกัน บรรยากาศอบอุ่นดีคัก

    ย้อนรอย ครกมอง

    ย้อนรอย ครกมอง

    (ขอขอบพระคุณเจ้าของภาพที่ใช้ประกอบกระทู้)

    นอกจากนี้ครกมองยังใช้ตำพริก ตำข้าวขั่ว (ข้าวคั่ว) เวลาสิตำมาแปลงปลาแดก สมัยซูมื่อนี้ครกมองบ่ค่อยมีปานใด๋ แต่ก่อนกะมีครกตำข้าว เพิ่นเอิ้นว่าข้าวซ้อมมือ มีคุณค่าทางอาหารหลาย ผุเถ่าผุแก่สมัยก่อนบ่ค่อยเป็นโรคเหน็บชากันปานใด๋ เพราะเพิ่นกินข้าวซ้อมมือ ซูมื่อนี่ไปสีข้าวยิ่งขาวยิ่งดี สรุปแล้วมีแต่แป้ง สารอาหารไปตกอยู่ในฮำ (รำ) เอาไปให้หมูกินหมูอ้วนเอา ๆ

    ซูมื่อนี้หายากแล้วครับครกมอง เพราะบ่ว่าสิเป็นขนมจีนหรือขนมที่ใช้ครกมองตำ เฮาสามารถซื้อสำเร็จมากินได้โลด เว่ามาแล่วคึดฮอดตอนสมัยเฮาเป็นเด็กน่อยน้อครับ
    แก้ไขครั้งสุดท้ายโดย พล พระยาแล; 19-07-2010 at 11:42.

  2. #2
    แบ่งปันความรู้และประสบการณ์ สัญลักษณ์ของ ครูไทยไกลบ้าน
    วันที่สมัคร
    Jan 2010
    กระทู้
    108
    ครกมองเพิ่นไปเที่ยวเหมิดแล้วครับ ฮอดยามบุญมีแต่ซื้อเอาโลดข้าวปุ้นนั่นหนะ

  3. #3
    ศิลปิน นักแต่งเพลง สัญลักษณ์ของ thedon
    วันที่สมัคร
    Aug 2007
    กระทู้
    1,507
    บล็อก
    1
    อั่นที่ใช้ตำ แม่นสากมองบ่ครับ หรือว่าคนละอย่างครับ

  4. #4
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,940
    เดอะดอน...ฮ่า ๆ โอ้ยน้อ อันที่ใช้ตำกะสากมองล่ะครับ แต่เอิ้นโดยรวมกะคือครกมองนั่นล่ะ มีแต่สากซือ ๆ จั๊กสิตำใส่หยังเนาะ ฮ่า ๆ ๆ

  5. #5
    ผู้ช่วยผู้ใหญ่บ้านมหา สัญลักษณ์ของ nuzing
    วันที่สมัคร
    May 2007
    ที่อยู่
    ตกฟากอยู่อุบล เป็นคนชราบางแคแล้ว
    กระทู้
    2,549
    บล็อก
    5
    นี่หละ กระทู้ที่ยายรอคอย "สากมอง"..ยามแลงผูบ่าว/ส่าวส่ำน้อยตำข้าวส่อยกันบ่เมื่อยพอน้อย..(ไคกั่วสิไปหาลี่คุยกันทางอื่น..นัดกันหม่องหางครกมองนี่หละ )ตำข้าวเม่านำ หอมห่วยๆ อีผ่ออีแหม่กะบ่หว่าดอกถ่าคุยบ่าวแล้วได้เวียก อิอิ

  6. #6
    ร่วมถ่ายทอดความรู้สู่สังคม
    ช่างภาพอิสระ
    สัญลักษณ์ของ ดอกมันปลา
    วันที่สมัคร
    Sep 2008
    ที่อยู่
    Roi Et City
    กระทู้
    318
    เคยตำแป้งเฮ็ดข้าวปุ้นจากครกมองอยู่จ้า ม่วนหลายจ้าตำช่วยกันหลายๆๆคนจ้า
    เห็นเพิ่นเฮ็ดจ้าหลายมื้อคักจ้ากว่าสิได้กินข้าวปุ้น แต่พอเฮ็ดแล้วๆๆกะแซบหลายจ้า
    ย้อนว่ากินฝีมือกะของเฮ็ดเองจ้า แต่ตอนนี้ครกมองอยู่บ้านเพิ่นกะรื้อออกแล้วจ้าคือสิบ่ได้เฮ็ดอีกแล้วจ้า

  7. #7
    ครีเอทีพ โปรดิวเซอร์ สัญลักษณ์ของ บ่าวข้าวจี่
    วันที่สมัคร
    Dec 2008
    กระทู้
    1,172
    บล็อก
    7
    คิดพ้อ....บักหำน้อยกับบักหลอดไปหลอยเอาแป้งข้าวปุ้นมาจี่เด้....หอมสุดยอด...มันๆเปรี้ยวๆ.....เว้ามาแล้วส้มปาก

  8. #8
    ศิลปิน นักแสดง สัญลักษณ์ของ kitty
    วันที่สมัคร
    Mar 2010
    ที่อยู่
    ลำลูกกา คลอง 2
    กระทู้
    1,193
    ยายหนูซิง
    ม่องนัดกันแหมะหางครกมองนี่ละว่าติ อิอิ
    เคยเห็นอิแม่ตำยุแต่น้อย ๆ พุ้น ไปยืนขี่ยุหางครกมอง ยามเพิ่นตำแหมะ ม่วนดี

  9. #9
    ฝ่ายกิจการพิเศษ สัญลักษณ์ของ กำพร้าผีน้อย
    วันที่สมัคร
    Apr 2009
    ที่อยู่
    รัตนาธิเบศร์..ใกล้แยกแคราย
    กระทู้
    2,330
    พล พระยาแล/ยามบีบข้าวปุ้นข่อยสิถ่ากินไก่บักจ้น

    บ้านผมเอิ้นว่าหัวอีโอก...เป็นต่อนใหญ่ๆแบบที่อ้ายว่านี่หละ...

  10. #10
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    ครกมอง หรือว่ากระเหดี่ยง ป้าจือได้ ตอนเป็นเด็กน้อย แม่ให้ตำข้าว ซ่อยสุมื่อ ปวดขาจนสิหล่อยอิอิอิอิ เว้าเรื่องเฮ็ดข้าวปุ้น กับตำแป้งข้าวปุ้น ยามได๋ ป้าสิถ่ากินแป้งหมกสั้นดอกหลาน อิอิอิอิ แซบดี
    เว้าเรื่อง ครกมอง แล้ว แนวตำสุอย่างแมนเบิ๊ดเนาะจ้า อย่างเช่น ตำข้าวโป่ง ข้าวเขียบ ดันจนว่าหลัก
    สิถอนขึ้นมา เมื่อยขาแฮง เว้ามาแล้วคิดฮอดแต่กี้แท้เนาะหลานลางเทือเทิ้งตำเทิ้งให่ อิอิอิอิ

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •