ย้อนรอย ครกมอง

[พล พระยาแล]

พลเอ้ยพล เสียงครกมอง (อีสาน) หรือครกกระเดื่อง ดังโป๊ก ๆ ๆ มาทางบ้านป้าทองขัน ไผสิเฮ็ดข้าวปุ้นน้อ อีแมถามข่อย

สมัยข่อยเป็นเด็กน้อย เวลาสิเฮ็ดข้าวปุ้น อีแมข่อยสิซวนข่อยไปตำแป้งข้าวปุ้นบ้านป้าทองขันพี่สาวของอีแม เอาแป้งข้าวปุ้นใส่กะต่า (ตระกร้า) ไป หนักพอสมควร ไปฮอดแล้วมีป้าแต๋วลูกสาวป้าทองขันมาตำซอย (ช่วย) เพราะว่าข่อยขึ้นแล้วครกมองบ่ยก จนเบิ๊ดแฮงซือ ๆ

อีแม่เอามือไปคนแป้งข้าวปุ้นในครก คนตำกะตำไปจนเนื้อแป้งได้ที่กะเอากลับบ้าน มานวดแล้วเอามาบีบเป็นข้าวปุ้น ยามบีบข้าวปุ้นข่อยสิถ่ากินไก่บักจ้น (แป้งขนมจีนที่หล่นก้นหม้อคล้ายรูปไก่โต้ง) หน้าเทศกาลหย่างไปบ้านไผมีแต่ข้าวปุ้น บางบ้านบ่ได้เฮ็ดกะเอามาส่งกัน บรรยากาศอบอุ่นดีคัก

(ขอขอบพระคุณเจ้าของภาพที่ใช้ประกอบกระทู้)

นอกจากนี้ครกมองยังใช้ตำพริก ตำข้าวขั่ว (ข้าวคั่ว) เวลาสิตำมาแปลงปลาแดก สมัยซูมื่อนี้ครกมองบ่ค่อยมีปานใด๋ แต่ก่อนกะมีครกตำข้าว เพิ่นเอิ้นว่าข้าวซ้อมมือ มีคุณค่าทางอาหารหลาย ผุเถ่าผุแก่สมัยก่อนบ่ค่อยเป็นโรคเหน็บชากันปานใด๋ เพราะเพิ่นกินข้าวซ้อมมือ ซูมื่อนี่ไปสีข้าวยิ่งขาวยิ่งดี สรุปแล้วมีแต่แป้ง สารอาหารไปตกอยู่ในฮำ (รำ) เอาไปให้หมูกินหมูอ้วนเอา ๆ

ซูมื่อนี้หายากแล้วครับครกมอง เพราะบ่ว่าสิเป็นขนมจีนหรือขนมที่ใช้ครกมองตำ เฮาสามารถซื้อสำเร็จมากินได้โลด เว่ามาแล่วคึดฮอดตอนสมัยเฮาเป็นเด็กน่อยน้อครับ

[ครูไทยไกลบ้าน]

ครกมองเพิ่นไปเที่ยวเหมิดแล้วครับ ฮอดยามบุญมีแต่ซื้อเอาโลดข้าวปุ้นนั่นหนะ

[thedon]

อั่นที่ใช้ตำ แม่นสากมองบ่ครับ หรือว่าคนละอย่างครับ

[พล พระยาแล]

เดอะดอน...ฮ่า ๆ โอ้ยน้อ อันที่ใช้ตำกะสากมองล่ะครับ แต่เอิ้นโดยรวมกะคือครกมองนั่นล่ะ มีแต่สากซือ ๆ จั๊กสิตำใส่หยังเนาะ ฮ่า ๆ ๆ

[nuzing]

นี่หละ กระทู้ที่ยายรอคอย "สากมอง"..ยามแลงผูบ่าว/ส่าวส่ำน้อยตำข้าวส่อยกันบ่เมื่อยพอน้อย..(ไคกั่วสิไปหาลี่คุยกันทางอื่น..นัดกันหม่องหางครกมองนี่หละ )ตำข้าวเม่านำ หอมห่วยๆ อีผ่ออีแหม่กะบ่หว่าดอกถ่าคุยบ่าวแล้วได้เวียก อิอิ

[ดอกมันปลา]

เคยตำแป้งเฮ็ดข้าวปุ้นจากครกมองอยู่จ้า ม่วนหลายจ้าตำช่วยกันหลายๆๆคนจ้า
เห็นเพิ่นเฮ็ดจ้าหลายมื้อคักจ้ากว่าสิได้กินข้าวปุ้น แต่พอเฮ็ดแล้วๆๆกะแซบหลายจ้า
ย้อนว่ากินฝีมือกะของเฮ็ดเองจ้า แต่ตอนนี้ครกมองอยู่บ้านเพิ่นกะรื้อออกแล้วจ้าคือสิบ่ได้เฮ็ดอีกแล้วจ้า

[บ่าวข้าวจี่]

คิดพ้อ....บักหำน้อยกับบักหลอดไปหลอยเอาแป้งข้าวปุ้นมาจี่เด้....หอมสุดยอด...มันๆเปรี้ยวๆ.....เว้ามาแล้วส้มปาก

[kitty]

ยายหนูซิง
ม่องนัดกันแหมะหางครกมองนี่ละว่าติ อิอิ
เคยเห็นอิแม่ตำยุแต่น้อย ๆ พุ้น ไปยืนขี่ยุหางครกมอง ยามเพิ่นตำแหมะ ม่วนดี

[กำพร้าผีน้อย]

พล พระยาแล/ยามบีบข้าวปุ้นข่อยสิถ่ากินไก่บักจ้น

บ้านผมเอิ้นว่าหัวอีโอก...เป็นต่อนใหญ่ๆแบบที่อ้ายว่านี่หละ...

[chudhancock]

ครกมอง หรือว่ากระเหดี่ยง ป้าจือได้ ตอนเป็นเด็กน้อย แม่ให้ตำข้าว ซ่อยสุมื่อ ปวดขาจนสิหล่อยอิอิอิอิ เว้าเรื่องเฮ็ดข้าวปุ้น กับตำแป้งข้าวปุ้น ยามได๋ ป้าสิถ่ากินแป้งหมกสั้นดอกหลาน อิอิอิอิ แซบดี
เว้าเรื่อง ครกมอง แล้ว แนวตำสุอย่างแมนเบิ๊ดเนาะจ้า อย่างเช่น ตำข้าวโป่ง ข้าวเขียบ ดันจนว่าหลัก
สิถอนขึ้นมา เมื่อยขาแฮง เว้ามาแล้วคิดฮอดแต่กี้แท้เนาะหลานลางเทือเทิ้งตำเทิ้งให่ อิอิอิอิ