อาทิตย์สุดท้ายก่อนสิ้นเดือน นับว่าเป็นโค้งสุดท้ายของมนุษย์เงินเดือนจั่งข่อย หย่างไปซื้อกับข้าวตลาดนัด ได้แกงหน่อไม้ 1 ถุง กับหมกปลาซิว 1 หมก นับเบิ่งเงินในมือเหลือ 15 บาท ฮ่วย เฮ็ดจั่งใด๋น้อบาดเนี่ยจั่งสิได้กินผลไม้ อยากกินผลไม้กะมีแต่แนวแพง ๆ
เหลียวไปเห็นบักเขียบหนังหน่วยบักใหญ่กะคึดอยากอยู่ดอก แต่เงินบ่พอ ผ่านไปก่อน หย่างไปพ้อบักเขียบกองละ 10 บาท กะบักเขียบคือกันละเนาะ
แม่ใหญ่อันหนึ่งบอกว่า สิเอาไปโยนให้เป็ดแหบพะนะ เพิ่นซื้อไปสามกอง ข่อยกะบอกว่าข่อยกะสิซื้อไปให้เป็ดอยู่บ้านแหบคือกันล่ะ มีเป็ดผู้ 1 โต กับเป็ดแม่ 1 โต ส่วนเป็ดน้อยไปอยู่บ้านชัยภูมิ ฮ่า ๆ ๆ
บักเขียบกองละ 10 บาท
พอมีเนื้ออยู่เด้ล่ะเนาะ กินกับข้าวเหนียวก่อนน๊า
กินกับข้าว ตามประสาผุเถ่า งวดก่อนกินกับบ่ายบักขามบ่อยู่ท้องปานใด๋
เออะ ๆ หย่ำถึกไน ไนคือหลายคักแถะล่ะหือ
เบิ๊ดไปหลายหน่วยกะยังบ่อิ่มอยู่
จ่งไว้ให้ผู้กำลังเล่นแชตก่อน จักสองหน่วย หน่วยที่คิดว่าดีที่สุด
Bookmarks