หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 16

หัวข้อ: คิดฮอดบรรยากาศเก่าๆๆ

  1. #1
    ดูแลตรวจสอบเนื้อหา สัญลักษณ์ของ สาวส่าเมืองอุดร
    วันที่สมัคร
    Dec 2007
    ที่อยู่
    Hattiesburg, MS , USA
    กระทู้
    1,287

    ดวงดาว The Star คิดฮอดบรรยากาศเก่าๆๆ


    อันดับแรกต้องขอบคุณเว็บมาสเตอร์ คนเก่ง ที่เฮ็ดให้ สาวส่าเมืองอุดร คนนี้ได้มารู้จักเวป์ที่ดีแบบนี้ ที่มีทั้งสาระความรู้ดีๆๆ จากที่เคยไม่รู้เรื่องอะไรเลย ทุกวันนี้สาวส่ามีความรู้ขึ้นมาบ้างนิดหน่อย พูดไปแล้วก็ย้อนให้คิดฮอดบรรยากาศเก่ามื้อครั้งสาวส่าคนนี้เข้ามาเล่นในห้องแชตสีฟ้า ถึงแม้นจะเข้ายากนิดหน่อย สำหรับคนอินเตอร์เน็ตต่ำอย่างสาวส่า แต่กะภูมิใจเพราะเมื่อเข้าไปแล้วจะได้รับความสุขนั้นกลับมาพร้อมหลังจากนั้นบ่โดน เวป์บ้านมหาของเรามีกล่องขอเพลงเพิ่มขึ้นมา เมื่อตอนแรกนี้ สาวส่าเข้าบ่ได้เลย เพราะล็อกอินบ่ผ่าน แต่ก็ยังดีที่ได้การแน่นำจาก ฅนภูไท บอกวิธีการเข้ามาได้ ได้เข้ามาเว้านำพี่น้อง ได้เข้ามาแนะนำผลงานเพลง
    จากมีกล่องขอเพลง ก็เฮ็ดให้สาวส่าได้มารู้จักเพื่อนที่แสนดีสองคน แม้จะอยู่ไกลกันคนหล่ะฟากโลก แต่ก็ได้มาพูดคุย ให้กำลังใจซึ้งกันและกัน คนแรกที่สาวส่ารู้จักนั้น ก็คือ ลูซี้แห่ง ฟินแลนด์คนงามหรือ ดีเจข้าวปาดคนงาม ฮิ้วๆๆๆ และอีกคนนั้นก็ทั้งสวยทั้งงาม สาวผู้ฮ้าย หรึอีกนามหนึ่ง ดีเจแฟนฉัน เอิ้กๆๆ คนนี้ที่รู้จักกันย้อนเพิ่นว่าหลงเข้ามา สาวส่ากะเลยต้อนให้มาเป็นมุสะเลย กะเลยได้เป็นมุกันมาแต่พุ้น จากมื้อนั้นจนฮอดมื้อนี้กะเข้ามาปีที่3แล้วที่ได้รู้จักกัน จากที่ได้พูดคุยกันก็จนได้พบพ้อกันกับพีเจแฟนฉันก่อน ส่วน พีเจข้าวปาดนั้น สวนกันไปมาบ่ทันได้พ้อกันยุ แต่อีกบ่นานเกินรอคาดว่าจะได้ กระทบไหล่กับพีเจข้าวปาดแน่ๆๆ:l-
    จากเวลาหลายปีได้พูดคุยกันในกล่องขอเพลงตั้งแตสมัยแรกๆๆที่เริ่มมีกล่องขอเพลง เมื่อได้นั่งคิดเห็นอดีตเก่าๆๆก็ยิ้มสนุกคิดถึงคำพูด คำคุย เก่าที่เคยพูดคุยกะเพื่อนเก่าๆๆที่เคยแวะเวียนเข้ามาเล่นมาขอเพลงฟัง ยอมรับตรงๆๆว่า การแชตเมื่อตอนแรกเริ่มที่มีกล่องขอเพลงขึ้นมาแรกๆๆกับช่วงระยะหลังมานี้แตกต่างกันมากๆๆ เมื่อก่อนเวลาพูดคุยกันจะตอบโต้กันสนุกๆๆ แต่มาทุกวันนี้ มันบ่แม่น พูดอะไรออกไปบางครั้งกับเป็นผิด คนอ่านตีความหมายไปอีกอย่าง บางครั้งมีการโต้เถียงกัน ว่าให้กันจนคนอ่านอายแทนคนถึกว่าให้ บ่แม่น สาวส่าบ่เคยต่อว่าคน แต่สิว่าให้คนก็ต่อเมื่อคุณมาเล่นแล้วทำผิดกฏระเบียบ หรือ อาจจะดูแล้วมันเกินจริงเลยเกิดอาการหมั่นไส้นิดๆๆกะเลยเบรคบ้างประมาณนั้น 555555 หรือห้ามแล้วไม่ฟังก็ต้องตักเตือนกันบ้าง อันนั้นกะว่ากันไป

    กระทู้นี้ แค่คิดถึงเว้าถึงบรรยายกาศเก่าๆๆที่เป็นมิตรกันมากกว่า เวป์บ้านมหาเรา มีคนเข้าออกมากมาย บางคนเขาไม่มาแชต แต่มาฟังเพลง แล้วอ่าน กลัวเขาว่าเวป์บ้านมหาของเฮาเว้ากันบ่ม่วน แต่กะคือว่าหล่ะ มันกะขึ้นอยู่กับ วิจารณายาณของการอ่าน การใช้คำเว้า นำ คือจั้ง สาวส่ากะเพื่อนสาวส่ายามเว้ากันคนมาเห็นกะรับบ่ได้คือกันอาจเป็นเพราะว่า สาวส่ากะ พีเจทั้งสองเป้นคนเว้าตรงเกินไปหรือเปล่าก็บ่รู้ อิอิ พี่น้องพากันเว้าอยู่ดีๆๆ พอแก๊งสามคนนี้เข้าไปพี่น้องหายเบิด5555 ครั้ง
    สามคนนี้อาจจะเว้ากันออกไปทางทะลึ้งนิดๆๆแบบน่ารักสิได๋ดอกพี่น้องเลยตกใจ ทะลึ้งในทางสวยงามนั้นน๊า แต่กะยังว่าน้อจ้า บางคนอาจจะว่าบ่ดี
    มื้อนั้น ว่าจะเข้าไปจะแชตม่วนๆๆ กะจนถอยคือกัน ไปพ้อพี่น้องเผิ่นว่าให้กัน เฮาคนอ่านกะจนอายแทน บางครั้งเว้ากันอยู่ดีๆๆ คนจอบอ่านอยู่ออกมาเว้าขัด เว้าให้กันกะมี แต่สุมื้อนี้ สาวส่าเมืองอุดร ขออำลาวงการแชตแล้วหล่ะ บ่อยากไปพ้อแล้ว สุมื้อนี้ ปลงวางแล้ว บ่แม่นยังดอกย้านเห้นแล้ว สิอดฮ้ายบ่ได้สั้นเด เลยขออยู่เงียบๆๆในมุมมืดดีกว่า จะขอเข้าไปบ้างเป็นบางเวลากะพอหล่ะยามคิดฮอดพี่น้อง :l-
    ส่วนเรื่องการฟังเพลง ขอเพลง อาจมีบ้างที่ดีเจอาจจะเปิดเพลง ล้อแหลม แน่ แต่ถ้า แฟนเพลงบ่ขอ ดีเจก็คงบ่เปิดดอกเนาะแม่นบ่จ้า แต่สาวส่าฟังเพลงแนวนี้ยามใด๋ก็ม่วนดี ตลกมากกว่า สะออนคนแต่งเพลง มาซ่างแต่งได้เพลงแนวนี้ ฟังยามใด๋อยากลุกย้อนใส่พุ้นแล้ว แฟนเพลงคนใด๋บ่มักเพลงแนวล้อแหลมกะอาจจะว่าผิดจารีตประเพณีไทยเฮาแน่กะได้บ่ว่ากันเพราะเราบ่สามารถห้ามความคิดของคนได้
    ซ่อยกันเด้อจ้า ซ่อยกันดูแลรักษาเวป์บ้านมหาของเฮา หม่องใด๋พัง หม่องใด๋ฮ้างกะซ่อยกันดูแดเด้อจ้า อย่าพากันทำลาย อะพากันจอบแต่สิเว้าสิว่าให้กัน ให้ฮักกันแพงกันเด้อจ้า
    ขอบคุณเวป์มาสเตอร์ที่เฮ้ดให้ สาวส่ามารู้จักเพื่อนสาวทั้งสอง และอีกหนึ่งคนพี่สาวที่น่ารัก ธิดายาเย็น พี่สาวคนสวยของสาวส่าเมืองอุดร

    สุดท้ายนี้อยากตะโกนดังๆๆว่าc06: คิดฮอดพี่เจข้าวปาด พีเจแฟนฉัน แล้วกะเอื้อยแจงหลายๆๆเด้อจ้า รักนะจุ๊บๆๆ:l-
    แก้ไขครั้งสุดท้ายโดย สาวส่าเมืองอุดร; 23-07-2010 at 07:29. เหตุผล: เพิ่มเติมข้อความ

  2. #2
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    10,172
    บล็อก
    9
    อำลาวงการห้องแชทติ้จอย มะซางว่าแท่ะ ฮ่าาาา

    ดีใจนำเด้อใกล้จะกลับ้านเฮาแล่ว มีแต่คนกลับบ้านเนาะจ้าเที่ยวม่วนๆเผื่อนำเด้อ

  3. #3
    ผู้ช่วยผู้ใหญ่บ้านมหา สัญลักษณ์ของ ฅนภูไท
    วันที่สมัคร
    Apr 2007
    กระทู้
    2,458
    บล็อก
    1

    ความเยือกเย็น

    ถ้าเว้าถึงห้องแชท ฅนภูไทเองกะถือได้ว่าเป็นสาวกห้องแชทโตยงเลยกะว่าได้ เอาเป็นว่าสิเล่าสู่ฟังเน๊าะ แรกเริ่มเดิมที่ ห้องแชทบ้านมหากะเป็นห้องน้อยๆบ่แน่ใจว่าเป็น C-box บ่ บ่มีไผเข้าไปแชทเลย มีตะพากันปั่นกระทู้กันอย่างเดียว ปั่นกันม่วนกรุ๊ปจนเว็ปล่มเหอๆ อ้ายบ่าวกะเลยขอร้องให้ไปคุยกันในห้องแชท แต่กะบ่ได้รับความนิยม พอดีฅนภูไทไปเห็นของเว็บอุดร เลยแนะนำให้อ้ายบ่าวคนเดิมเอาคือของคะเจ้ามาใช้ กะได้รับความอนุเคราะห์จากเจ๊ปุ้ย เพิ่นเป็นธุระจัดการให้ แรกๆกะบ่ค่อยมีคนเงียบคัก ฅนภูไทกับตุ๊กตาไล่ฝนเลยคุยกันพากันโปรโมทห้องแชทพากันรณรงค์ให้สมาชิกบ้านมหามาคุยกันในห้องแชท กะได้ผลพอสมควร เริ่มมีสมาชิกหลายขึ้น แต่กะบ่หลายดอก มีบ่ถึงสิบ สูงสุดกะสิบปลายๆ สาวกห้องแชทที่นับได้กะมีบ่กี่คน บรรยากาศค่อนข้างเป็นกันเอง คุยนัวหัวม่วนหยอกกันตามประสาคนน้อยเน๊าะเลยเฮ็ดให้สนิทสนมกัน บรรยากาศกะอบอุ่นคุยกันเหมื่อนพี่เหมื่อนน้องมีหยังกะเว้าสู่กันฟัง มีหยังกะซ่อยเหลือกัน ฅนภูไทเองกะคิดฮอดบรรยากาศเก่าๆ คิดฮอดเพื่อนๆพี่ๆน้องๆเก่า เวลาและวารีบ่เคยย้อนกลับฉันใดกะฉันนั้น
    เฮากะได้แต่เพียงเก็บความทรงจำความรู้สึกดีๆนั้นไว้ คิดฮอดยามได๋คิดพ้อยามได๋กะได้แต่ยิ้มอย่างมีความสุข บ่อยครั้งที่ฅนภูไทมักไปอ่านกระทู้ " มาเบิ่งบรรยากาศในห้องแชทครับ" http://www.baanmaha.com/community/thread7804.html เวลาอ่านกะคิดฮอดบรรยากาศเก่าๆ คือนางจ่อยเพื่อนเลิฟว่านั่นหละ

    ส่วนปัจจุบันฅนภูไทกะยังคงอยู่กับยห้องแชทคือเก่า เพียงแต่ว่าได้แต่จอบอ่าน เหอๆ สิแสดงโตตะยามแฟนเพลงหรือสมาชิก เพิ่นมีปัญหา ต้องการความช่วยเหลือ อีกอย่างคำเว้าคำจาฅนภูไทกะบ่ค่อยเข้าหูไผส่วนหลายสิมักเว้ากวนตามประสาปอบ ถ้าถามว่าฅนภูไทสิล้างมือหรืออำลาวงการแชทบ่ อันนี้ฅนภูไทบอกได้เต็มปากเลยว่าคือสิบ่ล้างมือ คือสิเลิกบ่ได้ แต่อาจสิห่างหายไปบ้างอันนี้กะอีกเรื่องน้อครับ บ้านมหาอยู่ในสายเลือดอยู่ในเลือดของฅนภูไทแล้ว ถ้าตราบใดยังมีเว็บบ้านมหา ตราบใดที่ยังมีห้องแชท ตราบนั้นกะยังคงมีฅนภูไทหรือว่าปอบอยู่ในบ้านมหา

    ปล. ส่วนเรื่องการเปิดเพลง หรือการขอเพลง อันนี้บ่ขอออกความคิดเห็น ได้แต่บอกว่า ภาษาและศิลปะวัฒนธรรมประเพณี สิเอา เรื่องศีลธรรมมาเป็นบรรทัดฐานบ่ได้ ให้ดูที่เจตนาเป็นหลัก แต่ทั้งนี้ทั้งนั้นกะต้องอยู่ในกรอบของศิลธรรมอันดีงามนำ ขึ้นอยู่ที่วิจารณญาณของแต่ละบุคคลที่สิมองในด้านใด
    แก้ไขครั้งสุดท้ายโดย ฅนภูไท; 23-07-2010 at 06:16.

  4. #4
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23
    ส่วนตัวแล้ว มองห้องแชทว่าเป็นแหล่งบันเทิงหลักของบ้านมหาเลยค่ะ สุคนต้องการเข้ามาหาหม่องสำราญใจ บ่ว่าสิเป็นการ มาสนทนากับดีเจ เว่าจาหัวม่วนกัน ฟังเพลง ขอเพลง .. และสิ่งหนึ่งที่เฮาปฎิเสธบ่ได่กะคือเนื้อหาของเพลงและหมอลำบ้านเฮาพื้นเพมากะมีเรื่องทะลึ่งตึงตังปะปนอยู่ ซึ่งเจตนาที่แท้จริงของหมอลำดั้งเดิมกะคือเป็นการก่อให้เกิดความรื่นเริง ขบขัน และชวนสนุกสนาน เฮฮาแก่ผู้ฟังควบคู่กันมาดนแล้ว บ่ว่าสิเป็นหมอลำซิ่ง หือลำล่องของอาจารย์ครูเก่าๆหลายๆท่านเนาะค่ะ ฉะนั้นบางครั้งมันกะแยกยากระหว่างเรื่องทะลึ่งลามกเพื่อสร้างความเฮฮากับศีลธรรมจรรยาเนาะจ้า คั่นอยู่ระหว่างพอดีๆ และเจตนามุ่งหมายในทางเว่านัวหัวม่วน บ่ได่ส่อเสียดหือให้ร้ายกัน มันกะน่าพออภัยและทำความเข้าใจกันได้..เพราะว่าทุกคนที่เข้ามาใช้เนทกะคิดว่าน่าสิบรรลุนิติภาวะกันสุคนแล้วเนาะจ้า ..แต่ทั้งนี้ทั้งนั้นเพลงสมัยใหม่ ที่มีเนื้อหาออกแนวทางต่อว่า เสียดสี ให้ร้าย หือสองแง่สองง่าม อันนี้กะคนละกรณีย์เนาะค่ะ ต้องขึ้นอยู่กับการใช้พิจารณาของแต่ละบุคคลเอาคือว่าล่ะ..

    กะน่าเห็นใจทั้งดีเจอาสา และคนฟังที่อยากเข้ามาใช้ห้องแชทไปในทางที่สร้างสรรค์แต่กะต้องมาเจอเรื่องบ่ควรค่ะ อยากให้ถ้อยทีถ้อยอาศัยกัน เพราะเฮามีส่วนต่อการเกื้อกูลกันและกันอยู่แล้วเนาะจ้า .. และทางที่ดีเฮาคนดีๆกะควรร่วมกันเข้ามาใช้และอยู่นำกันให้หลายๆไว้ แล้วกะพยายามปัดเป่าสิ่งที่บ่ดีให้ออกไป หือเหลือน้อยที่สุด ดีกว่าสิพากันหันหลังให้ซะเลยเนาะค่ะ สังคมยังมีคนดีอีกเยอะค่ะ เพียงแต่บ่มีคนกล้าแสดงออกมาซือๆท่อนั้น..
    ปล. เป็นความเห็นส่วนตัวดอกจ้า


  5. #5
    ฝ่ายบริหารระดับสูง สัญลักษณ์ของ ตรี ศรีเมืองใหม่
    วันที่สมัคร
    Apr 2006
    ที่อยู่
    หนุ่มอุบล คนศรีเมืองใหม่
    กระทู้
    4,876
    ไปเรื่อยๆคือรถขายโอ่งครับ เป็นดีที่สุดให้ถือคติว่า "ผิดใจโตสาไค ให้ถูกใจทางพู้น" ทุกชุมชน ทุกสังคมย่อมมีความคิดเห็นแตกต่าง เป็นเรื่องธรรมดา สังคมบ้านมหามีการเปลี่ยนแปลงไปมากมาย จากการเข้าชมวันละ 4-5 คน ก้าวกระโดดไปหลักหมื่นต่อวัน สมาชิกและผู้เข้าชมมีมากมาย จนทําให้ความห่างเหินเกิดขึ้น คนเก่าๆเข้ามา เจอคนใหม่ที่บ่อรู้จักก็บ่ออยากเข้า สําหรับห้องแชท ก็เตือนๆกันไป ผู้ที่ถูกเตือนก้ต้องเปิดใจกว้างรับฟังคนอื่นบ้าง สําหรับบ่าวเซียงน้อยเอง ก็เข้าจัดเพลงยามเจอดีเจออโต้ และสังเกตุการณ์อยู่ แต่ก็บ่อเจอคนที่เว้าบ่อดี เจอแต่แฟนเพลงน่ารักทั้งนั้น

    .... ฉะนั้นแล้วผมเองในนามอาวุโสคนหนึ่ง จึงขอฝากให้ทีมงานดีเจ และสมาชิกสามัคคีกัน ผิดนิดผิดหน่อยก็อย่าหัวซากัน.... อย่าลืมคํา คํา หนึ่งที่เวบมาสเตอร์เผิ่นเคยเว้าใว้ และเป็นแนวทาง ว่า "เวบนี้สามาถปิดตัวลงได้ทุกเมื่อ" ถ้าถึงวันนั้น พวกเฮาและสมาชิก ก็คงเศร้าใจกว่าที่เป็นอยู่ ครับ

  6. #6
    ผู้ช่วยผู้ใหญ่บ้านมหา สัญลักษณ์ของ ฅนภูไท
    วันที่สมัคร
    Apr 2007
    กระทู้
    2,458
    บล็อก
    1
    เอ้า อ้ายบ่าวเซียงน้อยกะเปิดเพลงติ อ๋อยฅนภูไทคือตกข่าวน้อครับ ว่างกะมาแจมกับดีเจปอบเด้อครับ ช่วงของดีเจปอบ มีช่วงของดีเจรับเชิญนำเปิดโอกาสให้แฟนเพลงได้พบปะพูดคุยกับดีเจที่บ่มีเวลาในตารางได้ร่วมสนุก ตั้งแต่สามทุ่มฮอดเที่ยงคืน วันจันทร์ฮอดวันพฤหัส หากอ้ายบ่าวเซียงน้อยมีเวลาว่างกะขอเรียนเชิญเด้อครับ หรือหากต้องการสิจัดประจำเลยกะกระซิบมาเลยครับ
    หากบ่ยึดติด เปิดใจกว้างอีกนิด หนักนิดเบาหน่อยกะให้อภัยกัน มีหยังเปิดอกคุยกัน มีหยังปรึกษาหารือกัน ปัญหาทุกอย่างกะสิลุล่วงไปด้วยดี ปัญหาคือบททดสอบ กำลังใจคือยาชูกำลัง ความสามัคคีคือพลังที่สิฝ่าฝันอุปสรรคให้บ้านมหาก้าวเดินต่อไปข้างหน้า

  7. #7
    ดีเจ นักจัดรายการ สัญลักษณ์ของ ข้าวปาด
    วันที่สมัคร
    Oct 2006
    ที่อยู่
    finland
    กระทู้
    807
    บล็อก
    1
    แม่นคืออ้ายเซียงน้อยว่า ยามข้าวปาดจัดเพลง กะบ่เคยเจอเหตุการณ์หยัง แบบร้ายแรงพอสิเกิดปัญหาหยัง เพลงกะเปิดตะเพลงที่พี่น้องขอมา เพลงประเภทผัวๆๆเมียๆๆกะ พี่น้องขอมาบ่เปิดกะบ่คือเพิ่นกะเข้ามาฟังเพลงเนาะ อีกอย่างเพลงประเภทนี้คำร้องทำนองกะบ่เห็นว่าสิเสียหายหยัง บางเพลงฟังๆๆไปตลกดว้ยซ้ำไป ได้หัวย้อน ซอ่ยไห้คลายเครียดไปอีก

    กล่าวถึงเจ้าของกระทู้กอ่นบาดนิ อิอิ...

    ขอบใจเด้อเพื่อน ที่มอบความจริงใจไห้ คือเพื่อนจอยบอกนะละ สุมื้อนี้หอ้งแชท หรือกล่องขอเพลงเปลี่ยนไปหลาย ข้าวปาดกะอยุ่บ้านมหา สี่ปี่แล้ว เหนความเปลี่ยนแปลงตลอด คิดฮอดเพื่อนเก่าๆๆที่เคยเว้าเคยจากันอยุ่เนาะสาวส่า เว้ามาละกะดาย เพื่อนใหม่ๆๆกะคิดฮอดอยุ่เด้อจ้า อิอิ

    สว่นคำเว้าคำจากันในหอ้งแชท หรือว่า ในกล่องขอเพลง อาจสิมีหยอกกันแบบทะลึ่งตึงตังแน แต่กะแค่เว้าหยอกกันเนาะจ้า อย่าสะคึดหยังหลาย อีกอย่างพี่น้องที่เข้ามาแชทกะเป็นผุใหญ่กันเมิดทุกคนแล้ว เพิ่นกะสิแยกแยะออกอยุ่มั้งเนาะ อันได๋เว้าหยอกอันได๋เว้าอิหลี คั่นเฮาบ่ซีเรียจนำเกินไป อิหยังๆๆกะ บ่เป็นปัญหาค่ะพี่น้อง

    รักนะ..จุ๊บๆๆ เจ้าของกระทู้ คริ คริ
    แก้ไขครั้งสุดท้ายโดย ข้าวปาด; 23-07-2010 at 08:43.

  8. #8
    Banned

    วันที่สมัคร
    Jul 2008
    ที่อยู่
    Oil Field เพชรบูรณ์/กำแพงแสน
    กระทู้
    524
    ไม่ค่อยได้ไปเล่นเลยห้องแชทส่วนมากจะไปทักทาย สมาชิกขอเพลงและกะฟังเพลงซ่ะมากกว่า
    นานๆสิได้เข้าไปทีหนึ่ง....ถ้าทุกคนถือคติว่า รู้เขารู้เรา/เอาใจเพิ่นมาไส่ใจเฮา ทุกอย่างน่าจะไปได้สวยเนอะ

  9. #9
    ดีเจ นักจัดรายการ สัญลักษณ์ของ บักขามป้อม
    วันที่สมัคร
    Jun 2009
    ที่อยู่
    อิสานบ้านเฮา
    กระทู้
    667
    บล็อก
    5

    ความเยือกเย็น คิดฮอดคือกัน อิอิ

    จุฟ มาดามเจ้าของกระทู้ก่อนเป็นอันดับแรกจ้า ขามป้อมเข้ามาบ่ทันบรรยากาศห้องแชทเก่าๆ นั้นดอกจ้า เข้ามากะพ้อ C-box บ้านมหาเลย เข้ามาตอนนั้นกะเพราะว่าเห็นอ้ายพี หนุ่มเหงาคนไกลบ้าน อ้ายฮักนี่ล่ะจ้า เป็นผู้เดียวที่ฮู้จักตอนนั้น แล้วต่อมาได้หมู่ 3 คนจ้า เพ็นนี นู๋น้อย แล้วกะนิ่ม จ้า ได้พี่สาวอีก 3 คน คือสาวส่าเมืองอุดร เอื้อยหน่อยสิราณี แล้วกะญาแม่สาวไร่อ้อย ในตอนนั้น บรรยากาศตอนนั้นกะม่วนและอบอุ่นดีจ้า เฝ้าห้องแชทจนว่า งานการบ่เดินพุ่นล่ะ 5555

    คึดฮอดอยู่จ้า แต่กะเข้าใจว่า ทุกอย่างย่อมมีการเปลี่ยนแปลง แล้วกะมาถึงจุดอิ่มโตของมันเอง คือต่างคนกะต่างมีหน้าที่และภาระของตะของเอง อาจเฮ็ดให้ห่างหายกันออกไป แต่ว่า ความรู้สึกดีๆ ที่มีให้กันกะยังมีคือเก่า ถึงบ่ค่อยได้เข้าห้องแชท พี่น้องซู่คนกะยังคงฮักและผูกพันธ์และกะยังวนเวียนอยู่ในบ้านมหาเฮาอยู่ แต่บ่ค่อยปรากฎโต อิอิ

    สำหรับหน้าที่การเป็นดีเจอาสาฯ นั้น ช่วงยามเช้าๆ ที่ขามป้อมจัด กะบ่ค่อยพ้อกรณีใช้คำหยาบคายอิหยังดอกจ้า มีตะคนน่าฮักๆ จ้า สะมีแหน่กะแต่ ตัดพ้อต่อว่าดีเจ ว่าเป็นหยัง คือนานได้ฟังเพลงที่ขอแท้ คิวเพลงยาวแท้ ออกอาการประมาณงอนๆ ดีเจ แล้วบอกว่า สะบ่เข้ามาฟังอีกกะมี แต่กะเข้ามาอีกคือเก่า 555 สงสัยอดคึดฮอดดีเจบ่ได้

    ส่วนแนวเพลงในการเปิด ช่วงรายการของขามป้อมเองกะสะจัดตามคำขอล่ะจ้า ทุกๆ แนวเพลง ตั้งแต่ สตริง สากล ลูกทุ่งเพื่อชีวิต เพื่อชีวิต ลูกทุ่ง หมอลำ ส่วนเพลงที่มีเนื้อหาล่อแหลม ดนๆ ค่อยมีคนขอเข้ามาจ้า เช่น เพลง แตงสังหารสาว อิหยังประมาณนี้ ขามป้อมกะสะเลี่ยงไปว่าบ่มีเพลง 555 ใช้แบบประนีประนอมเอาจ้า แล้วกะบ่มีอะหลีจ้า บ่ได้หามาไว้

    ส่วนเรื่องสไตล์การเปิด การเว้า การจัดเพลงนั้น ขามป้อมบ่ขอก้าวก่ายดีเจท่านอื่นจ้า แล้วแต่ไผสะเปิดแบบได๋จ้า เฮ็ดหน้าที่เจ้าของให้ดีที่สุดกะพอ แล้วกะต้องอยู่ใต้กฎ กติกา มารยาท ของเว็บร่วมกันจ้า บ่ได้คึดว่า เขาคึดบ่คือเฮา คึดต่างจากเฮา เขาสิเป็นคนเลว คนบ่ดี ถึงขั้นต้องใช้คำเว้าหักหาญน้ำใจกัน เว้าให้อีกคนเสียกำลังใจ อิหยัง เพราะแต่ละคนกะบ่ได้รู้จักกันมาก่อนอยู่แล้ว ต่างกะมาพ้อกันในบ้านมหาแล้วกะสานต่อมิตรภาพดีๆ กันทั้งนั้น

    ดีเจอาสาฯ แต่ละท่าน กะมาจากต่างพ่อต่างแม่ ต่างพี่ต่างน้อง ต่างสังคมกัน แนวคิดและมุมมอง กะอาจสะแตกต่างกันได้ แต่ว่าลึกๆ ในใจของทุกคนแล้ว กะคือมีเจตนาดีต่อเว็บบ้านมหาของเฮาทั้งนั้นจ้า อาจสะมีขัดแย้ง หรือคิดต่างกันได้ แต่กะขออย่าให้แตกแยกกันเลยจ้า อยากให้พากันละทิฐิในใจ แล้วกะมองปัญหาทุกๆ อย่างแบบกลางๆ จ้า ค่อยๆ หาทางแก้ไขกันไป ถอยกันคนละก้าว การที่คนเฮาสะเฮ็ดหยังแต่ละอย่าง กะบ่สามารถ ที่สะถึกใจคนได้เบิดซู่คนดอกจ้า

    ท้ายนี้กะขอขอบคุณเว็บมาสเตอร์จ้าที่สร้างสรรค์เว็บดีๆ แบบนี้ขึ้นมา สร้างสถานีออนไลน์ขึ้นมา เฮ็ดให้พี่น้องคนอีสานเฮาได้มาพ้อกัน เกิดมิตรภาพดีๆ จากโลกไซเบอร์นี้ขึ้นมาจ้า ขอบคุณพี่น้องบ้านมหาทุกๆ ท่านที่เป็นกำลังแรงใจให้ทีมงานดีเจอาสาฯ ด้วยดีตลอดมาจ้า :l-




  10. #10
    แบ่งปันความรู้และประสบการณ์ สัญลักษณ์ของ ระพินทร์
    วันที่สมัคร
    Apr 2009
    ที่อยู่
    thai
    กระทู้
    145
    ส่วนโตกระผมเข้ามาเทื่อแรกๆกะมีน้องสาวส่าเป็นเพื่อนนี้ละ...55555กะยอกกะเว่าเล่นนำน้องสาวผุนี้ละเลากะเว่านำผมแบบบ่ให้เขิน555เทื่อแรกๆกะมึนตึบทั้งอ่านทั้งแปล บ่เข้าใจกะถามเลา...เข้าห้องตั้งกระทู้บ่ได้น้องสาวส่ากะแกล้งระบบให้กระผมน้องเลาน่ารักน่ารักอิหลีเด้อ บ้านมหาเป็นอีกบทบาทหนึ่งที่ดีในระบบสังคมออนไลท์น้อ..หาได้ทั้งข้อมูลทางอีสาน+ความเพลิดเพลิน มักและชื่นชมผุคนที่รวมกันสร้างสรรค์เด้อครับเด้อ...

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •