หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 11

หัวข้อ: เอาหยังมาแลกกะบ่ยอม

  1. #1
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619

    เอาหยังมาแลกกะบ่ยอม

    อ้ายเอ๊ย....

    เจ้าผุพั้วดอกว่าน หมานเผิ่งมาตอมกลิ่น
    ใจถวิลนำบ่าวอ้าย บ่มายม้างห่างระเว
    เจ้าผุสะเลเตต้าง มันปลากะยอมอ่อน
    หลายแต่สาวผะสงค์ซ้อน ซมซู้อยู่บ่เซา
    อย่าสิตั๋วให้เบางิ้ว ลิวลมกลางอากาศ
    ย้านใจขาดสาแล้ว สะนู่แก้วที่บ่าวป๋า
    กลับคืนมาสาเด้ออ้าย เถิงอยู่ไกลนางถ่าพี่
    อย่าสิมีใหม่ซ้อน นอนกลิ้งกล่อมแต่เขา
    สาวบ้านเฮายังถ่าอ้าย บ่เคยวายใจส่วง
    ห่วงแต่นำญาอ้าย บ่วายเว้นหว่างคืน
    กลางเว็นนั่งสะอื้น กลางคืนได้ไห้ฮ่ำ
    คึดอ่ำหล่ำนำเจ้า คิงเพ้าบ่าวพี่ซาย
    เถิงบ่าวหลายมีเป็นฮ้อย นางยังคอยถ่าคุณพี่
    ใจประสงค์อ้ายนี้ บ่มีมื้อสิห่างเซา
    เถิงสิเอาเอราวัณซ้าง แสนงามาแลกพี่
    ดวงใจของนางนี้ บ่มีมื้อสิหน่ายลา
    เถิงสิเอาวลาหกม้า ผาสาทไวซะยน
    เอาแสนคนมาเทียม กะบ่เปียมปุนอ้าย
    เถิงเอาคำมาแสนไถ้ เอาเงินใส่มาหลายแสน
    ตัดสายแนนใจนาง กะบ่วางพะอวนเจ้า
    เถิงสิเอาเงินหลายล้าน เอามาวางต่างแจก
    เอามาแลกบ่าวอ้าย บ่มีได้ว่าสิเอา
    น้องนี้ฮักแต่เจ้า นางบ่เอาสัพพะสิ่ง
    ใจคะนิงนำแต่อ้าย บ่หมายซ้นฮ่วมไผ

    ( อ่านเล่นๆเด้อจร้า ชีวิตจริงนางเอาตั้งแต่ เขามาแลกขิกะบองพุ้นดอก อิอิ)
    แก้ไขครั้งสุดท้ายโดย หญ้านาง; 19-07-2010 at 23:57.

  2. #2
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    สุดยอดๆจ้าน้องหญ้านาง บ่ผิดหวังทุกครั้งที่อ่านผญาโตแม่ะน้องหล้า ม่วนได่ใจจบเจือคัก..ซวดๆๆ
    มองต่าง..อย่างปลง

  3. #3
    ฝ่ายเทคนิคและโปรแกรม สัญลักษณ์ของ ต่วง
    วันที่สมัคร
    Feb 2008
    กระทู้
    1,826
    เว้าผญาบ่เป็นครับร้องเพลงชาติได่บ่ครับ ฮ่า ๆ ๆ
    การที่จะประสบความสำเร็จได้ ต้องขึ้นอยู่กับความพยาม ความตั้งใจ สู้ฝ่าฟันอุปสรรคทุกอย่าง

  4. #4
    ร่วมถ่ายทอดความรู้สู่สังคม สัญลักษณ์ของ บ่าวห้วยละโอง
    วันที่สมัคร
    Feb 2009
    กระทู้
    717
    สุดยอดคับ แต่ว่ามาเว่าแนวหายากแท้น้องหล่า ขี้กะบองแถวห้วยยางกะบ่มีละเด้นั่น ว่าสิเอาไปแลกกะดาย 555555

  5. #5
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,883
    บล็อก
    1
    ไผคนนั่นคือมาคักแท้น้อ
    ส่ำอ้ายสิ่พอแลกคุได้บ่หล่า่55555
    หยอกน้องหนุ่งสื่อๆเด้อหล่าเอ้ย
    *****

    บ่ธรรมดาเด้น้องนางทางอำนาจก่ะดาย
    ติดตามมาอยู่ตลอดแต่หาหม่องขอบคุณบ่ได้
    น้องหล่าเอ๊ยเพชรแท้ที่รอแต่การเจียระนัย
    ภาษาจะเป็นวรรณศิลป์เมื่อศิลปินรังสรรค์
    แก้ไขครั้งสุดท้ายโดย pcalibration; 20-07-2010 at 13:26.

  6. #6
    แบ่งปันความรู้และประสบการณ์ สัญลักษณ์ของ ครูไทยไกลบ้าน
    วันที่สมัคร
    Jan 2010
    กระทู้
    103
    อยากเว่าคือกันนั่นหละครับ แต่หน้าตาบ่ให่

  7. #7
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    อ้ายแวะมาบอกว่า "สุดยอด" น้องหล่าคำแพงแก้มแดงหญ้านาง
    อ่านยามใด๋กะบ่อเคยเบื่อ อ้ายอยากให้แต่งหลายๆ พอได้อ่านแก้เหงา
    ถ้อยคำสำนวนผญาอีสานเฮามีความไพเราะ อาจารย์แต่ละท่านกะบ่อค่อยเห็น
    เข้ามาบอร์ดผญาปานใด๋ บางท่านกะหายไปสื่อๆ เช่นบ่าวโจ่โล่ น้องแพรจ้า ตะวันนา บ่าวก๋าคาม ส่วนอาจารย์ศรีลาวกะยังแวะเวียนมา
    เรื่อยอยู่ อ้ายพีกะบ่อค่อยได้เขียน บ่าววัฒน์กะบ่อเห็น
    ไก่น้อยกะหายไป อีกหลายท่านที่เอ่ยซื่อบ่อหมดกะขออภัยครับ
    อยากให้ท่านมาสร้างสีสันให้กับบอร์ดผญาครับ
    แก้ไขครั้งสุดท้ายโดย ทิดจ่อย; 20-07-2010 at 15:30.

  8. #8
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    หญ้านางน้อย มาตอยตื่ม เติมผญา
    รจนาเขียนกลอน เกิ่งดี เสมอเพี้ยง
    สรรพเสียงกลอนเกี้ยว เกินความ ผู้น้อยอ่อน
    ผู้ใดสอนสิ่งนี้ นอน้อย ซ่างม่วนหลาย 6 6 6
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  9. #9
    เจ้าหน้าที่ประชาสัมพันธ์ สัญลักษณ์ของ เซียงเหมี่ยงเมืองสุรินทร์
    วันที่สมัคร
    Dec 2008
    ที่อยู่
    สุรินทร์, ร้อยเอ็ด, และ สปป.ลาว
    กระทู้
    829
    แวะมาฟัง ผญา หญ้านาง กะบ่ผิดหวังคือเก่าล่ะครับ...

  10. #10
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    กระทู้ต้นฉบับโดยคุณ ต่วง
    เว้าผญาบ่เป็นครับร้องเพลงชาติได่บ่ครับ ฮ่า ๆ ๆ
    หืย เขาให้มาเว้าผญา เจ้าของซิใด๋มาฮ้องเพลงชาติ..ถ้าไปฮ้องยามแปดโมงเช้ากับหกโมงแลงพุ้น..ตาซังเนาะนางเนาะ ฮิ ฮิ ฮิ
    อย่าไปซาเด้อน้อง อันว่าซายซื่อป่วง โอ๊ะ ต่วง
    ย้านเลาลวงหลอกเจ้า ไปหาเว้าว่ามักแฮง ... อย่าไปเซื่อเด้อ ฮ่า ๆ ๆ
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •