หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 11

หัวข้อ: ... ขอความสุขจงมีแก่พวกท่านทั้งหลาย ...

  1. #1
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    ... ขอความสุขจงมีแก่พวกท่านทั้งหลาย ...

    ... ขอความสุขจงมีแก่พวกท่านทั้งหลาย ...


    แต่ละปีที่ผ่านพ้น แต่ละฝนวนข้ามผ่าน ขมหรือหวานได้พบพ้อ สุขหรือท้อก็ผ่านกาย

    เกิดเป็นหลายขวบปีล้ำ กะย้ำชัดในวิถี เพิ่มดีกรีประสพการณ์ จากพบพานมาดนมื้อ

    ให้ยึดถือความดีไว้ ความสดใสสิเติมต่อ ชีวิตก๋อพ้อหม่องเศร้า ให้หมู่เจ้าได้ผ่านไป

    หากสิ่งได๋ยังเขินขาด ให้วาดต่อความพอเพียง เป็นเสบียงบำรุงจิต อย่าคิดเกินกำลังแท้

    ความผันแปลโลกานี้ ย่อนโลกีย์มันขึ้นข่ม วัตถุนิยมผสมล่อ ให้พาลพ้อแต่อบาย

    หม่องสุขหลายแม่นใจนี้ คือพอดีที่เป็นอยู่ บ่เลิศหรู บ่ฟู่ฟ่า โลกานี้สิซุ่มเย็น แม่นบ่ท่านทั้งหลาย




    กะว่าสิไปโพส นำปรมาจารย์ ศรีสะท้าน หมวด โสกา โลกียะ นำเผิ่นกะย่านบ่คือ เลยหลอยมาเปิดหัวข้อเองหนิหล่ะครับ วาสนาเขียนนำฮอยเผิ่นได้พอซ่ำนี้หล่ะ พี่น้องเอ๊ย

    .


  2. #2
    มิสบ้านมหา 2010
    ศิลปิน นักเขียน
    สัญลักษณ์ของ เขมราฐ
    วันที่สมัคร
    Sep 2008
    ที่อยู่
    กลางท่งเมืองเขมฯ
    กระทู้
    2,078
    อยากเว้าเป็นผญาแนวนี่ล่ะอ้าย ว่าดีใจที่พ้ออ้ายในบ้านมหา มื่อคล้ายวันเกิดของหลิน

    แต่เขียนบ่เป็น อ้ายเขียนให้แหน่ค่ะ ฮ่าๆๆๆๆๆ

    เอาแบบม่วนหยดย้อยเลยเด้อค่ะ

  3. #3
    ศึกษาหาความรู้ สัญลักษณ์ของ บ่าวน้ำโสม
    วันที่สมัคร
    Mar 2010
    ที่อยู่
    ไต้หวัน
    กระทู้
    241
    สุขกะยุนำใจ ทุกข์กะยุนำใจ...บ่มีไผ๋มากำหนดทุกข์สุขให้เฮาได้แมนคักเด้อครับอ้ายยยยย

  4. #4
    ดีเจ นักจัดรายการ สัญลักษณ์ของ peepoa007
    วันที่สมัคร
    Apr 2008
    กระทู้
    261

    พบปะพูดคุย

    เห็นว่ามีสุขแล้วผักตำนิลบ่อยากเบิ่ง
    เห็นว่ามีสุขแล้วบ่เหลียวแลพวกเพื่อน
    ในโลกนี้บ่ห่อนอยู่เดียวเป็น
    คันว่ามีผืนผ้าบ่หาแพรพาดบ่า
    คันได้กินต่อนซิ้นปลากั้งบ่อยากเหลียว
    คันบ่สุขอยู่เรื่อยสิเหลียวหน้าเบิ่งไผ
    อยู่แต่คนเดียวดายบ่ห่อนเป็นเมืองบ้าน
    สินุ่งแต่ผ้าไปได้จั่งใด๋


    ทังหลายเพิ่นแพงซิ้นปูปลายามอึดอยาก ความปากความเว้าบ่ได้ซื้อแพงไว้เฮ็ดอิหยัง
    หามาได้ท่อนิครับ อิอิ:l-

  5. #5
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773

    เข้ามายามใด๋ ม่วนยามนั้น

    เป็นคือควมท่านโจ่โล่เว้า หนักเบาเอาใจว่า
    สุขหรือทุกข์นั้นหนาอยู่ที่ใจเฮาพี้ ยึดมั่นหรือปล่อยวาง


    เข้ามายามใด๋อ่านแล้วกะซึ้งยามนั้นคำคมคายบ่าวโจ่โล่
    ผู้ถ่าอ่านมีมากล้นผญาท่านแม่นม่วนหลาย

  6. #6
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,940
    โอ้ ทั่นโจโลไปจั่งใด๋มาจั่งใด๋คือบ่ได้พ้อกันโดนแถะน้อ อ.ศรีสะท้าน เพิ่นสิมาด้นผญาสด ๆ ให้ พล พระยาแล ฟัง พรุ่งนี้ล่ะครับ อิอิ

  7. #7
    ฝ่ายเทคนิคและโปรแกรม สัญลักษณ์ของ ต่วง
    วันที่สมัคร
    Feb 2008
    กระทู้
    2,090
    คือสำนวนเพราะพริ้งดีแทะอาว มีความสามารถหลายด้านเนาะครับ

  8. #8
    ดีเจ นักจัดรายการ สัญลักษณ์ของ ข้าวปาด
    วันที่สมัคร
    Oct 2006
    ที่อยู่
    finland
    กระทู้
    807
    บล็อก
    1
    ม่วนคัก ผญาอ้ายโจ่โล่ มาแต่งให้น้องแน สิเอาไปฝากบ่าวนิแหม แต่งเองบ่เป็นเนาะ อิอิ อย่าสะมิดคักหลายเด้อ มาเว้านำน้องนุ่ง พอได้หัวร่อแน เหนว่ากะดาย

  9. #9
    เจ้าหน้าที่ประชาสัมพันธ์ สัญลักษณ์ของ ธิดายาเย็น
    วันที่สมัคร
    Feb 2008
    กระทู้
    1,756
    ม่วนหลายจ้าอ้ายบ่าวโจโล่..อยากแต่งเป็นแต่เรียบเรียงสำนวนแบบนี้บ่ได้..ขอสมัครเป็นศิษย์แนเด้อจ้าอ้าย..

  10. #10
    ศิลปิน นักร้อง นักแสดง สัญลักษณ์ของ คนพนมไพร
    วันที่สมัคร
    Jan 2009
    ที่อยู่
    สายไหม
    กระทู้
    625
    ข่วมไปมาซู่หนห้อง ของโลก กะบ่อไลลา ป๋าปล่อย มูลมังเก่าแก่ของบ้านเฮาเนาะ ให้น้องเจริญ ฮุ่งเฮือง เหลือง เหลื่อม ไปหน้าเด้อน้อง เฮ็ดแนวได๋กะให้คล่อง ให้งาม เครือหนามอย่ามากั้น

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •