กำลังแสดงผล 1 ถึง 3 จากทั้งหมด 3

หัวข้อ: เสียงครวญจากสาว

  1. #1
    Maximum learning
    ศิลปิน นักเขียน
    สัญลักษณ์ของ khonsurin
    วันที่สมัคร
    Apr 2008
    ที่อยู่
    ท่าตูม สุรินทร์
    กระทู้
    9,605
    บล็อก
    197

    เสียงครวญจากสาว

    เสียงครวญจากสาว



    อ้ายเอย…หัวอกนารถ นางไห่ปวดใจ
    ฮักและอาลัย ใฝ่ปองแต่อ้าย
    ใจเอ๋ยช้ำ ใจเอ๋ยอุกอั่ง
    ฮักแต่อ้าย แต่อ้ายผู่ดียว ... ชายเอย

    ลมฮักเอย...อกนารถน้อง อนงค์นารถอาลัย
    โดดเดี่ยวเดียว- ผุเดียวหมองคล้ำ
    อาลัยเด้ อาลัยคำพร่ำ
    คึดถึงคำย้ำ ที่ตอกย้ำอุกทรวงฯ

    นารถน้อง...ครวญพร่ำเพ้อ คำพร่ำของชาย
    ทรวงทรวงร้าว ล่วงทรวงสะท้อน
    ชายเอ๋ยอ้าย ชายเอ๋ยเอ่ยแล้วถิ่ม
    อกสะท้อน สะท้อนหวั่นหัวใจฯ

    อ้ายเอย....เอ่ยแล้วถิ่มน้อง ปะถิ่มลงคอ
    ใจน้องไหว โอ่ใจพร่ำเพ้อ
    คอเคยตั้ง คอเคยตรงคงมั่น
    ถูกคำเพ้อ พวมเหม่อเพ้อคลาย ...จนต้องมุดดิน

    โอ้ชายเอย...เคยหมายมั่นน้อง สองเฮามั่นฮักกัน
    ฮักมิคลาย ก็คลายจากกันแล้ว
    จากกันกั้น จากอาลัยฮักแผ่ว
    หวนคะนึงแล้ว คึดแล้วอุกทรวง...ขอลาแล้วอ้าย



    เสียงครวญจากสาว



    [radio]http://www.file2go.com/mrun.php?me=1563s1[/radio]



    แก้ไขครั้งสุดท้ายโดย khonsurin; 02-08-2010 at 12:50.


  2. #2
    อ้ายเอ๊ย..
    นางนี้เจ็บปวดซ้ำ
    ย้อนคำที่อ้ายส่ง
    เป็นคำกลอนผญาซ้ง
    ทางสั้นมาส่งนาง
    ว่าฮักจางจากนางน้อง
    บอกผิวผ่องแม่ใยบัว
    ว่าอ้ายมัวใหม่ฮัก
    นวลนางอ้ายจางจ้อย
    จบกันสาเถาะเด้อน้อง
    บ่ขอมองบ่ขอเว้า
    อ้ายเบิดฮักโตเจ้า
    สาแล้วอ้ายสิลา
    จากมื้อนี้ฮอดมื้อหน้า
    สิบ่มาหาแก้มอ่อน
    หัวใจน้องเลยฮ้อน
    สุดสะท้อนห่วงระทม
    ฮักเคยหวานเป็นขมจ้อ
    เครือกอฮอกะบ่ท่อ
    หัวใจนางยามคึดพ้อ
    สิมอมิ่งมรณัง
    เสียงครวญสาวสิมาตั้ง
    ดังมาสีวีว่อน
    ยินสะออนฮักอ้อน
    จนฮนฮ้อนป่อนน้ำตา
    ฮักขอลาจนว่าฮ้าง
    เทียวหนทางจนแปนเปล่า
    บาดสิจบผัดว่าเจ้า
    ให้ลืมอ้ายบ่าวพี่ชาย.
    ...พะน๊าพะนะ พี่น้องเอ๊ย(มาขอแจมนำแหน่เด้อจ้า)

  3. #3
    ศิลปิน นักแสดง สัญลักษณ์ของ kitty
    วันที่สมัคร
    Mar 2010
    ที่อยู่
    ลำลูกกา คลอง 2
    กระทู้
    1,193
    ป๊าดดดด มีตะผุแต่งกลอนเก่ง ๆ ทินิ แวะเข้ามาชมความงามของ วรรณกรรม จ้า อิอิ

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •