หน้าที่ 3 จากทั้งหมด 5 หน้า หน้าแรกหน้าแรก 12345 หน้าสุดท้ายหน้าสุดท้าย
กำลังแสดงผล 21 ถึง 30 จากทั้งหมด 47

หัวข้อ: ดอกไม้ส่งนาง

  1. #21
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619
    งามแท้น้อดอกไม้
    ขาวใสหอมอ่อนๆ
    คันแม่นจรจากน้อง
    กลิ่นดอกซ้อนกะอย่าเหย
    คันแม่นเลยจากต้น
    ให้ฮู้ฮ่ำคะนิงหา
    ดวงมาลาเหี่ยวหาย
    บ่าวพี่ชายอย่าจางน้อง

  2. #22
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    ดอกเกดแก้ว หอมอ่อนสะออนดัง
    เป็นบุปผังใบยาว ยื่นวาปลายต้น
    ทั้งหลายคนหมายเข้า ประสงค์เอาน้าวจ่อง
    อ้ายขอมอบให้น้อง ดมเล่นซื่นมโน.
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  3. #23
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619
    ดมบุปผาดอกไม้
    มโนนัยสะออนบ่าว
    คึดฮอดบาคานท้าว
    บ่เหยฮ่ำฮำคะนิง
    ได้แต่หลิงดอกไม้
    บัดห่างไกลผุอ้ายบ่าว
    ดอกไม้ขาวแทนใจเจ้า
    สิจำเข้าสู่พะทัย

  4. #24
    แบ่งปันความรู้และประสบการณ์ สัญลักษณ์ของ แดนดาหาร
    วันที่สมัคร
    Feb 2010
    กระทู้
    164
    เฮ็ดได๋น้อ สิจ่ายผะหยาเป็นคึจารย์ศรีเพิ่น เอามาอีกแหน่ครับ มักหลาย

  5. #25
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433

    ดอกฮักซ้อน ซอนกิ่ง สิ่งมาลา

    เด็ดดอกดอม ซอมหา จากพฤษาให้นางน้อง

    ใจลำพอง ยามเห็นหน้า ใจห่วงหาคราไกลห่าง

    บ่เคยจาง คำหยอกล้อ พะนอ-ออ้นตอนนั่งเฮียง

    เก็บร้อยเรียง เพียงคำออ้น ประสากลอน ผู้ไกลห่าง

    มาลาวาง แต่มื้อนั้น ฝันเห็นอ้าย แน่บ่นางงงง

    อัน, ขออ้าปากไส่นำแน่เด้อ อาจารย์สะท้านศรี กับ แม่นางนาง ครับ

    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

  6. #26
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986

    อ่านยามได๋กะมวน ต่ออีกจักหน่อยค่ะ

    อัน อ.อ้ายศรีสะท้าน ชื่อสำราญดอกเอาเหลือ
    กลอนเจ้ามันคลุมเคลือบ่เข้าใจปานได๋อ้าย
    เปรียบเปรยได้ลึกซึ้งเว้าถึงแต่มาลา
    ดอกพฤกษาสวรรค์ของกำนัลผุสาวน้อย
    แนมเบิ่งแล้วอ่อนซ้อยฮ้อยมาเป็นพวงพุ่ม
    กลิ่นปทุมหอมหวลให้คนึงนำเจ้า
    ให้หญ้านางรับเอามาลานำเพิ่น
    บ่อต้องเขินดอกน้องเพิ่นมาเว้ามวนนำ
    คำรำพรรณหมู่เจ้าเข้ากันเอานิ
    สำเนียงเรียงร้อยกลองสอดคล้องแล้วมวนดี


    เว้าบ่อเป็นนำดอกพี่จักสิว่าจั่งได๋
    จงเฉลยความในกระจ่างใจในวันนี้
    อันแนวเพิ่นเป็นพี่อย่าสิมาทิ่มทุ่ม
    ให้มาโฮมมาตุ้มหุ่มเอาเจ้าอย่าป๋า
    มีคนนับถือหน้าให้ฉายาอาจารย์ใหญ่
    ออนซอนหลายตั้งแต่กี่ซื่อนี้ดอกโด่งดัง
    ข่อยสูนยุปั่งปั่งอยากมานั่งดอกเขียนกลอน
    เขียนผญ๋าคำสอนต่อกลอนนำเจ้า
    ว่าแมนสิบ่อได้เข้าบ้านมหาดอกนำหมู่
    คันแมนบ่อได้ซู้ผู้โก้มาซ่อยนาง
    คอมกะบ่อได้ฮ่างซ่างมาล็อคดอกคำเชิญ
    มันขัดขัดเขินเขินอ้ายบ่าวเซียงมาซ่อยไว้
    ขอเป็นกำลังใจให้เจ้า ได้เดินต่อ
    คนเขารอผญ๋าเจ้า อ่านแล้วหากมวนดี







    (ชู้ปล่อยเด้อค่ะ บ่อได้แมนอีหลี่เพราะเพิ่นเป็นพี่ที่น่าฮักค่ะ)
    แก้ไขครั้งสุดท้ายโดย ข้าวต้มมัด; 14-08-2010 at 20:00.

  7. #27
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    สุดสะออนมาลาไม้ ในห้วงแห่งจินตนา
    ผ่านผญาคารมครู แอบอ่านดูมาหลายมื้อ
    เป็นดั่งมือได้จาบจ้วง พวงมาลามื้อคราอ่าน
    ฝากนงคราญนารถน้อง ที่ใจจ้องว่าจ่มนำ
    บทผญาซ่างเลิศล้ำ แต่ละคำแสนวิจิตร
    กล่อมละไมมโนคิด ลิขิตเขียนได้เนียนแท้
    เลยขอแป๋ติดตามต้อย ไปตามฮอยผู้เพิ่นค่อง
    ขอจับจองปทุมมา เป็นมาลาถวายท่าน
    ผู้สืบสานตำนานเค้า ด้วยเคารพและนับถือ
    พร้อมสองมือประณตนม จากกระผมผู้อ่อนน้อย...



    ขอแจมนำเด้อขอรับ อาจารย์ศรีสะท้าน อาจารย์โจ่โล่ น้องหญ้านางคนงาม และพี่น้องทุกท่าน...อิอิ

  8. #28
    ศิลปิน นักร้อง นักแสดง สัญลักษณ์ของ คนพนมไพร
    วันที่สมัคร
    Jan 2009
    ที่อยู่
    สายไหม
    กระทู้
    579
    จารย์ศรี ปราชอิสาน บ้านมหา คุณค่าแห่งการหวงแหน สุดยอดครับ....อาจารย์
    c06: ฮักบ้านมหาคักกะยังว่า

  9. #29
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619
    บุปผาบานดอกไม้
    พวงมาลัยที่อ้ายส่ง
    ฝากอนงค์นางน้อง
    ตาเหลียวจ้องเบิ่งบ่วาย
    คึดฮอดชายที่เคยเว้า
    เฮือนเคยเนาว์ยามไกลห่าง
    ใจของนางอ้างว้าง
    สิเพม้างย้อนคึดนำ..
    ..แท้น้อ

  10. #30
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    ดอกคัดเค้า เอาออกยังหนาม
    หอมขาวงาม ลิดหนาม คมโค้ง
    อ้ายจักปงยอให่ เป็นมาลัยล้ำค่า
    ห่วงหาคึดออดน้อง คะนิงแก้ว ผู้อยู่ไกล
    ดวงดอกไม้ หลายสิ่ง สาระพันธุ์
    อ้ายหากหัน หาเลาะ มอบมวล อวนเจ้า
    ยามว่าเหลืองลาเศร่า ใบเหงา กลีบหล่น
    อย่าลืมคนผู้พี้ ศรีอ้าย ผู้อ่าวนำ แท้แหลว
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

หน้าที่ 3 จากทั้งหมด 5 หน้า หน้าแรกหน้าแรก 12345 หน้าสุดท้ายหน้าสุดท้าย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •