หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 20

หัวข้อ: ..วาสนาคนจน..

  1. #1
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630

    ..วาสนาคนจน..

    วาสนาซาตาส่วย ใจล้มอ่วยมันซวยหลาย
    จั่งบรรยายมาเป็นกลอน แต้มอักษรเป็นกลอนฟ้อง
    ซิลเจ้าของบ่พอได้ ป้ำไม้ใหญ่บ่มีขวาน
    มีแต่ควัญบ่มีไฟ เลยทุกข์ใจได้นอนโอ้
    แนวบุญโตบ่สมช้าง ผัดหาทางซื้อกะแย่ง
    หมากกะแล่งอยากค้อง คอช้างหากบ่คือ
    แต่นี้ไปอย่าคิดดื้อ ให้เจ้าจื่อเด้อใจจำ
    สมแต่ดำนาผง ได้โก่งหลังขึ้นเทิ่งฟ้า
    แนวเกิดมาซิลขี่ฮ้าย คือกระต่ายมาหมายจันทร์
    ฝันสลายกลายเป็นทุกข์ ได้นอนอุกเชื้อลมแล้ง
    หวังกินแกงปลาย่าง เดินผิดทางได้จ้ำแจ่ว
    บ่มีแววดวงขี้ล่าย แนวเป็นได้กะแค่ฝัน
    ทุกคืนวันได้อ่าวโอ้ บอกใจโตให้ปลงตก
    แฮงบ่มีอย่าหวังยก โอ่งแดงไปวางตั้ง
    เหมิดความหวังเคียงดอกฟ้า ไปหาจับบักจกหล่อน
    เป็นกรรมกรรับจ้าง สืบคลองสร้างอยู่ท่งนา
    อยู่กับดินกินกับหญ้า เป็นชาวนาอยู่คือเก่า
    สิสู้เขาผุรวยแบงค์ เหมิดแฮงแล้วล้าหล่อยลง...

  2. #2
    เจ้าหน้าที่ประชาสัมพันธ์ สัญลักษณ์ของ วัฒนชัย หาริโร
    วันที่สมัคร
    Jan 2010
    กระทู้
    837

    วาสนคนจน

    วาสนคนจน
    หล่านางเอย....
    วาสนาคนคืออ้าย ทางก้ำก่ายลูกชาวนา วาสนาพามาจน

    ทุกข์ต้องทนบ่สนฟ้า หนทางเดินไปหน้า ไผสิมาเครียงเป็นคู่

    คนสิมาเป็นหมู่ซ้อน หมอนมุ่งกะบ่มี พ้อคนดีผุสวยล้ำ

    คงเป็นกรรมละอ้ายว่า วาสนามาได้ฮู้ ผู้สิซ้อนบ่แม่นเฮา

    สิอดเอาดอกเด้อน้อง น้ำตานองสิเช็ดต่อ บุญบ่พอได้คู่เจ้า

    สิทนเศร้ายุผุเดียว....ดอกเด้อน้องสาวเอย

  3. #3
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    4,928
    บล็อก
    8
    อ้ายเอ้ย...

    วาสนาซะตาส่วย บ่สมคนรวยคือบ้านเพิ่น
    เฮือนกะซ่นอยู่เล้า เสาบ้าน กะแม่นเพิง ดอกชายเอ้ย .
    เป็นคือเขิ่งก้ำฟ้า ฝันหาผู้มาหยอก หลอกตัวเองอยู่สุมื้อ สิมีบ้างแน่บ่น่อ
    อยากเด้น่อ อยากสิพ้อ คนฮักที่จริงใจ
    เผยความในสูคำ บ่ปิดปังคนหลังเจ้า
    สิขอเอาฮักตั้ง ทุกข์ยากสิบ่บ่น (ให้ได่ยินดอกเด่ 55+)
    บ่สนคำคนเว้า สิฮักเจ้าแม่นผุ้เดียว
    ไผมาเที่ยวทางเฝ้า โตนางสิบ่ล่ำ
    ท่องแต่คำว่าฮักเจ้า สูแลง-เช้าเฝ้าคิดถึง พุ้นแหล่วว ....
    :l-
    กระเบื้องจะฟูลอย น้ำเต้าน้อยจะถอยจม เมฆจะหล่นฟ้าปลาจะกินดาว ลาวจะครองเมือง ::)

  4. #4
    ร่วมถ่ายทอดความรู้สู่สังคม สัญลักษณ์ของ ลาวดีน้อย
    วันที่สมัคร
    Jul 2009
    ที่อยู่
    อยู่ในใจเสมอ
    กระทู้
    1,175
    บล็อก
    3
    อ้ายเอ้ย เข้ามาจอบอ่านนชื่อดอก เว้าคือเพิ่นบ่คล่อง อิอิ ม่วนเนาะพากันสู้ๆเด้อจ้า

  5. #5
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    อ้ายซายเอ๋ย ใจเหย็นๆสาก่อยอ้าย
    เรื่องหัวใจอ้ายอย่าหวั่น สิ่งสำคัญคือฮักเจ้า
    ไผ๋มาเว้าน้องบอสน ฟังควมคนบอมีแน่
    พาเฮาแป๋ให่แยกแบ่ง ยังฮักแพงตั้งแต่อ้าย
    คนสุดท้ายกะแมนซายนี่แหล่ว อิอิอิอิอิ เหอ ๆ ๆ

  6. #6
    แบ่งปันความรู้และประสบการณ์ สัญลักษณ์ของ คนบ้านเดียวกัน
    วันที่สมัคร
    Feb 2010
    ที่อยู่
    เกษตรวิสัย ร้อยเอ็ด
    กระทู้
    44
    มีตะผุแต่งกลอนเก่งๆเนาะครับ ผุข่าแต่งบ่เป็นได้แต่อ่านซือๆ

  7. #7
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986

    แด่หนุ่ม(ขี้อาย) บ้านมหา

    อยากสิวาจาต้านผญ๋าจ่ายเป็นกลอน
    ใจอนงค์งามงอนคิดฮอดชายบ่มีเว้น
    อยากสิเห็นฮอดหน้าฟังวาจาอ้ายเอื่อนเอย
    อยากเป็นเขยอีแม่น้องใจต้องกล้าสั่นตั๋วชาย


    แอบฮักไผ๋กะบ่ฮู้คนบ่รู้เขากะเฉย
    บ่อเปิดเผยความจริงว่าแมนลิงหลอกเจ้า
    เฮ็ดให้เข้าใจผิดคิดไปได้ต่างต่าง
    หมดหนทางสิกู้หย่อนชู้เจ้าบ่ฮ่ำฮอน


    ใจประสงค์นารถน้องหมายปองบ่เอื้อนเอ่ย
    บ่อเฉลยในใจเจ้าไผ๋สิเดาได้ยุบ้อ
    ฮักกะฮักคนเดียวทางเคยเทียวเพิ่นผัดส่อง
    ใจประสงค์นารถน้องผัดเทียวข่องแต่ขา


    จ่ายผญ๋าวาจาต้่นพอสำราญมอบให้พี่
    มันเป็นได้แค่นี้ใจเจ้าให้เลาจำเด้อชาย
    คันแมนโอกาสหน้ามีมาอย่าฟ่่าวหน่าย
    ให้เจ้าฟ่าวบอกโลดในใจเจ้าอย่าปิดบัง สั่นแล้ว

  8. #8
    แบ่งปันความรู้และประสบการณ์ สัญลักษณ์ของ แดนดาหาร
    วันที่สมัคร
    Feb 2010
    กระทู้
    164
    อยากเว่านำเด้ แต่หากจ่ายผญาบ่เป็น ได้มาอ่านของเพิ่นกะมีแฮงแล่วหล่ะ

  9. #9
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619
    ยามซาตาขึ้นขอนขวงกะจำล่อง
    บัดซาตาตกต่ำต้อยล่องแล้วกะเหล่าขวง...ดอกจ้าอ้ายบ่าว
    ใดใดในโลกล้วนอนิจจังบ่หมั้นเที่ยง
    มันผัดเหงี่ยงไปหน้าเซซ้ายเดี่ยงขวา

    ลูกซาวนาจนดั้ว
    ยังได้นั่งครองเมือง
    บัดเศรษฐีคำเหลือง
    ยังได้ตกขี้ไฮ้
    ให้ขยันเอาเด้ออ้าย
    เวียกงานอย่าได้บ่น
    คำของคนบ่นฮ้าย
    โตอ้ายอย่าสิซา
    วาสนาเฮามาน้อย
    จนพอยเทิงก้านก่ำ
    ขยันทำขยันฟ้าว
    สิเป้นท้าวบาดเทื่อลุน
    ....นางมาเป้นกำลังใจให้เด้อจ้า

  10. #10
    แบ่งปันความรู้และประสบการณ์ สัญลักษณ์ของ ครูไทยไกลบ้าน
    วันที่สมัคร
    Jan 2010
    กระทู้
    103
    จักว่าพากันเว้าอีหยังกันดอก เกิดบ่ทันกะเลยบ่ฮู้เรื่องนำ

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •