หุงข้าวเหนียวด้วยหม้อไฟฟ้า...จากครัวฝึกหัด

[สาวทองแพง]

สวัสดีจ้า แม่ครัวฝึกหัดมีวิธีหุงข้าวเหนียวด้วยหม้อไฟฟ้ามาฝากจ้า
สำหรับคนที่ไม่ค่อยมีเวลา หรือชอบความรวดเร็ว
บ่ต้องเสียเวลามาหม่า(แช่)ข้าวเหนียวอีกต่อไปจ้า :l- 15นาทีก็ได้กินแล้วจ้า
แต่ก่อนถ่าบ่ถึงวันหยุด ก็บ่ได้กินข้าวเหนียว แต่ทุกมื้อนี้ว่าตะคึดอยาก
หุง15นาทีกะได้กินแล้วจ้า
ธุจ้า กราบงามๆไปยังพี่ศรีทนได้เด้อจ้าที่บอกสูตรจ้า

เอาข้าวใส่หม้อ

ล้างข้าวจัก1น้ำก็พอจ้า ใส่น้ำเสมอข้าวเลยจ้า ถ้าข้าวอ่อน ถ่าข้าวแข็ง ก็เพิ่มน้ำอีกนิดหนึ่งจ้า
ครั้งแรกข้าวอาจจะดิบ ก็พรมน้ำแล้วกดหม้อหุงใหม่อีกครั้ง
หรือถ้าข้าวสุกแบบแฉะเกินไปก็ลดน้ำลงในครั้งต่อไป
(แต่ถ่าอยากยืดอายุใช้งานหม้อ หากะละมังน้อย มาซาวล้างเด้อจ้า
เพราะเม็ดข้าวจะไปขูดสารเคลือบหม้อออก จะเฮ็ดให้หม้อถลอก
แถมสารเคลือบสิป่นกับข้าว กินเข้าไปอาจมีอันตรายได้จ้า)

10กว่านาทีผ่านไป ไวคัก ฟังเพลงได้3-4เพลงเองจ้า
แถมบ่ต้องย้านไฟไหม้หม้อนึ่ง ฮ่าๆๆๆๆๆๆๆๆ
พอข้าวสุกแล้ว ก็เปิดฝาหม้อทิ้งไว้จัก2นาทีจ้า

แล้วก็ตักใส่ติบ(กล่อง)ข้าว ได้เลยจ้า เม็ดงามคือนึ่งเอาเลยจ้า

ปั้นกะบ่ติดมือคือนึ่งเอาเลยจ้า :l-

เลิกงานมาอยากกินตำแตงกับข้าวเหนียว หุงข้าวเหนียวทันที
ช่วงที่รอข้าวสุก ก็จักการตำแตง ทอดไข่เสร็จ ข้าวก็สุกพอดี

อ่อมไก่ เมนูสดๆร้อนๆจ้า แซบหลายจ้ากินกับข้าวเหนียวหุงหม้อไฟฟ้า

ธุจ้า ขอบคุณสำหรับพื้นที่และทุกกำลังใจที่แวะมาชมจ้า

[อาวอ้วนเมืองยศ]

เอ๋านึ่งใส่หม้อหุงข้าวธรรมดานี่ติครับ ฮ่วยๆ สิได้ลองเบิ่งยุดอกซั่นหนะ
หม้อหุงข้าวข่อยบ่ไหม้ถิ่มแม่นบ้อ

[kitty]

เอื้อยอยากลองหุงยุ ย่านมันบ่สุกแหมะน้องหล่า...............
เด๋วสิลองเฮ็ดกะน้า...

[ไก่น้อย]

สิได้ลองยุดอกจ้า ขอบคุณน้องสาวหล่าทองแพงเด้อจ้ามาบอกสูตรกันเอื้อยไก่สิเถ่ารึได่ดอก ลืมหม่าข้าวตลอด 5555+

[คนบ้านบ้าน]

...อย่างนี้ก็มีด้วย....อย่างนี่ต้องลอง...ขอบคุณคับโผม..........

[ร้อยหมื่นพันไมล์ไกลบ้าน]

ขอบใจเจ้าของสูตรกับน้องแพงหลายๆค่ะ
เดี๋ยวสิลองหุงกินดู บ่ค่อยได้กินข้าวเหนียวเพราะไม่อยากรอตอนหม่าข้าวนี่แหละจ้า
(วัยรุ่น(แรกๆ) ใจฮ้อนๆๆ ฮิ้ววๆๆๆ)

[pui.lab]

อืมมมม พี่ปุ้ยจะลองบ้างน้องแพง ถ้าประสบความสำเร็จจิเอามาให้เบิ่งดอก:l-

[หนุ่มเหงาคนไกลบ้าน]

อ้ายกะเคยลองยุน้องเเพงเเต่ว่าอ้ายนึ่งเเฉะไปหลายเติบเป็นข้าวเหนี่ยวบ้านคะเจ่าเด่บ่อเเม่นของบ้านเฮาบาดที่นี้อ้ายกะเลยนึ่งใส่ซึงเอาใช้เวลานานยุคือกัน

[พล พระยาแล]

อัน ๆ เป็นห่วงอย่างเดียวนี่ล่ะน้องหล่า อ้ายย่านแต่หม้อถลอกนั่นล่ะ

ซาวค่อย ๆ แนเด้อ อย่าหยุมแฮงหลายข้าวนั่นน่ะ

อย่าให้มีน้ำหลายเด้อ มันสิเมียก

เว่าพื้นหุงข้าวเหนียวนี่ล่ะ .......ฮ่า ๆ ๆ ๆ

[ม๋าน่อย]

สิลองเบิ่งอยู่ เป็นตะบ่อเปลืองถ่านบ่อเปลืองแก๊สดีเนาะ