กระทู้นี้ตั้งขึ้นมาเนื่องจากความน้อยเนื้อต่ำใจ อาวอ้วนคุ้มบูรพา และอ้ายบ่าวเมืองหนองคาย
เนื่องจากเมื่อวันที่ 14 สิงหาที่ผ่านมา พี่น้องทางเว็ปฅนฮักบ้านมาขายเสื้อที่ระยอง
อาวอ้วนเพิ่นกะเอิ้นเพ็นนีล่วงหน้ามาเป็นเดือนแล้วหล่ะ มาบ้านฉางกะซอดมาหาอ้ายแน๊เด้อ
เพ็นนีก็เลยโทรบอกอ้ายบ่าวเมืองหนองคายว่าจะไปหา วันที่ 15 เวลาเที่ยงๆที่โลตัสระยอง
ได้คุยกับอาวอ้วน แม่อิ่มอัมพร นัดกันเป็นมั่นเหมาะแล้วหล่ะ
เพ็นนีขออนุญาตผู้ปกครองกว่าจะได้ ผู้ปกครองก็เลยบอกว่าเดี๋ยวจะไปซื้อปูม้าที่หาดพลา ให้เอาไปฝากหมู่
วันอาทิตย์เพิ่นบ่ได้หยุดงานดอกจ้า แต่กะหลอยออกจากหน้างานตั้งแต่ 10 โมงเช้า
ย้อนว่าสิไปซื้อปูม้า ได้มา 3 โล หอยนางรมอีกถุงบักใหญ่ (เริ่ม 2 ภาษาแล้ว)
แล้วกะบักเขากวางอีก 1 ขวด(1.5 ลิตร) ให้เงินมาอีก 2 พัน เอาไว้ไปซื้อโซดา พะนะ
เพิ่นย้านเพ็นนีเสียหน้าหมู่มาตั้งหลายคน ว่านิแหมะเพิ่น ใจดีขนาดอนุญาตแล้วยังให้แนวกิน+เงินไปอีก
เพ็นนีหล่ะหลูโตนน้ำใจเพิ่น หนีงานมาเพื่อเพ็นนียามแลงกะสิไปรับยุระยองพุ้นหล่ะเด้เพิ่น
เพ็นนีโทรหาอ้ายบ่าวเมืองหนองคายตอนเช้า เพิ่นบ่รับเพ็นนีกะคิดไปว่าสงสัยทันตื่น
พอใกล้เที่ยงเลขาเพิ่นบอกให้ฝากข้อความ กะเลยได้โทรหาอ้ายพล บ่าวจัย กะบ่มีไผมีเบอร์อาวอ้วน
โทรหาอ้ายทิดรส เลขากะเว้ามาให้ฝากข้อความคือกัน ปูม้ากะเลยเป็นหมั๋น
เอ๋าๆๆ มาเบิ่งปูม้าเนาะ เป็นตาเอามาปันกันกินบ่พี่น้องเอ๋ย
ซื้อมาแล้วกะล้างให้สะอาดเนาะ ปูเป็นล้างไปแผ่เมตตาไป
ขอบคุณที่ปูม้าทั้งหลายได้สละชีวิตเป็นอาหารยังชีพให้กับ(ซุ่ม)ข้าพเจ้า
ล้างไปล้างมาคือได้ 2 หม้อน้อ หลายคัก
ลงหม้อแล้วก่าเสียบปลั๊กไฟแล้วแผ่เมตตาอีกรอบ สุกแล้วบัดนี่
อั่นนี่หม้อที่ 2
ปูหม้อแรกใส่กะละมังไว้ เบิ่งนาฬิกาใกล้เที่ยงแล้ว
เตรียมกับข้าวให้ผู้ปกครอง มีป่นปลาทู ผัก แล้วกะไข่เจียวหอยนางรม (ปูม้าบ่ให้กินเอาไว้ไปฝากหมู่)
สุดท้ายแล้วกะเป็นแบบนี่หล่ะจ้า
ปูม้า 2 หม้อได้ลงถุงเอามาฝากหมู่ยุออฟฟิศ 8 คนกิน 2 คาบเกือบบ่เบิด
รูปสุดท้ายนี่ตั้งใจสิบอกคักๆว่า กัวเพ็นนีสิออกไปใสได้ถ้าบ่ขออนุญาตกะต้องตั๋วเพิ่น ถ้าบ่ตั๋วกะหลอยไป
คืองานพาแลงบ้านมหาเพิ่นทันฮู้เด้อว่าเพ็นนีไป แล้วเพิ่นกะบ่เคยฮู้ว่าเพ็นนีมักมาโพสในกระทู้บ้านมหา (เพิ่นฮู้เป็นบางเว็ป)
ต่อไปเวลาเพ็นนีไปบ้านฉางเพ็นนีสิไปใสได้อีกบ่นิ บ่ได้นอนเฝ้าคอนโดเบิดมื่อติ
Bookmarks