หลายต่อหลายเทือที่เฮามักสิคาดหวังอีหยังไปตามจินตนาการของเฮา โอ้ย พล พระยาแล เบิ่งในรูปคือหล่อแถะ โตจริงเพิ่นคือสิหล่อแถะน้อ หรือหลาย ๆ คนที่คาดหวังอีหยังเอาไว้สูงเกินไป บางคนอดบ่ได้ต้องระบายออกมา ข่อยสะออนเจ้าหลายเด้เถ่าอันนี่ พะนะ ฮ่วย อย่าฟ้าวใจอ่อนหลาย เบิ่งให้ดี ๆ ก่อน เดี๋ยวสิอ่อนใจ
น้อง ๆ ได้เว่าให้ข่อยฟังเสมอว่า "อย่าเชื่อในสิ่งที่เห็น" ข่อยจำได้ซูมื่อนี่ เพราะหลายต่อหลายเทือ สิ่งที่เฮาเห็นในบ้านมหา แต่โตจริงกลับตรงกันข้าม เช่น บางคนรูปบ่งามแต่โตจริงตาฮักขนาด เว่ามากะยังคิดฮอดอยู่อำลำ ๆ อยู่ ฮ่า ๆ ๆ
บางคนรูปหล่อรูปงาม แต่โตจริงไปคนละฝั่งกะมี เพราะฉะนั้นอย่าเชื่อในสิ่งที่เห็น จนกว่าสิได้พ้อกันพุ่นแหล่ว แต่ข่อยแงงกระจกเบิ่งข่อยกะว่าข่อยไคแนอยู่เด้ล่ะ เอิ๊ก ๆ
สิหล่อสิงามสิขี้ฮ้ายจั่งใด๋กะตามซางเถาะ ขอให้มีน้ำใจที่ดี มีใจโอบอ้อมอารี บริสุทธิ์ใจต่อกัน รวมความแล้วเป็นคนนิสัยดีกะพอแล้วล่ะเนาะ อย่าสิได้ตัวะได้ต้มกันเถาะเห็นว่ากะดาย บางคนกะจั่งว่าเพิ่นเอารูปตั้งแต่สมัยใด๋มาโพส...หืย
การปิดบังมุมมองกะเป็นความสนุกสนานอีกรูปแบบหนึ่งเนาะ และกะเป็นเหตุผลของไผของมัน กะแล้วแต่เพิ่นเถาะ เพื่อความเหมาะสม บางคนกะอยู่ในสถานะที่ต่างจากเฮา แต่เพิ่นกะอยากมาม่วนมาซืนนำซุมเฮา กะบ่ว่ากันดอกหว๋า
แต่แบบที่พลิกคาแร็กเตอร์สุด ๆ อยู่ในบ้านมหาข่อยกะนึกว่าแต่เพิ่นเป็นผู้สาว เทียวจีบวาซ่าน แต่ไปพ้อกันแท้ ๆ เพิ่นเป็นผู้ชาย โอ้ย ชายรับบ่ได้ ชายว่ามันบ่ใช่อ่ะ อะหื้ย อะปี๊ด ๆ อ่ะ ....ฮ่า ๆ ๆ
Bookmarks