หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 20

หัวข้อ: หม่องเล่นหม่องเซาในบ้านมหา มีหลายหม่อง

  1. #1
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,940

    หม่องเล่นหม่องเซาในบ้านมหา มีหลายหม่อง


    สิ่งที่เฮ็ดให้บ้านมหา เข้ามาแล่วสนุกสนาน เพราะอีหยังวะติ เพราะเฮาเป็นคนบ้านเดียวกัน ไปไสกะมีแต่พี่แต่น้องแต่นุ่ง ถ้าบ่นุ่งกะยากอยู่เด้อ ฮ่า ๆ ๆ

    และอันสองกะคือความลงตัวของเว็บบ้านมหาดอทคอม บางคนโทรมาถามข่อยว่าเว็บบ้านมหาคือดังแถะ คือมีคนเข้ามาหลายแถะ เว็บมาสเตอร์เพิ่นเล่นของตี๊พะนะ ฮ่วย ของหยังโดเนี่ย เล่นบ่เล่นข่อยสิเห็นนำเลาตี๊ เว่าไปทั่วเจ้านี่กะดาย ฮ่า ๆ ๆ ๆ

    ตั้งแต่มีไฮ 7 มีห้องกล่องขอเพลง มีห้องแชต ข่อยว่าม่วนหลายกว่าเก่าอยู่เด้เนาะ โดยเฉพาะมีเพลงฟังตลอด 24 ชั่วโมง โดยทีมงานดีเจอาสาผลัดเปลี่ยนกันมามอบความม่วนซืนให้พวกเฮา

    เว่าฮอดดีเจอาสาข่อยล่ะชื่นชมพวกเพิ่นหลาย เพราะเพิ่นเฮ็ดด้วยใจฮักอีหลี นั่งจนหลังขดหลังแข็งมาจัดเพลงให้เฮาฟัง และต้องอดทนต่อความเหนื่อย หิว และอื่น ๆ เป็นจั่งผู้ข้าดอกหวา บางเทือได้หมกปลาซิวมาแต่ตลาด เปิดออกมาหอมฮ่วย ๆ ว่าสิจ้ำจักคำ กะฮอดเวลา ถ้าสิเคิกมากินกะย่านบ่เห็นแฟนเพลงขอเพลงแมะ ฮ่า ๆ ๆ

    ส่วนไฮ 7 กะเปรียบเสมือนบ้านผู้นั้นผู้นี้ เวลาเข้าไปกะคือไปแวะบ้านนี่ล่ะ เจ้าไปแวะบ้านข่อยแล้ว ข่อยกะมาแวะบ้านเจ้า เจ้าเอาแกงหน่อไม้ไปส่งข่อย ข่อยเอาปลาแดกอึ่งมาส่งเจ้า

    ส่วนห้องแชตกะมีกะสามารถคลิ๊กข้อความส่วนตัวมาทักทายกัน เอิ้นกันไปเว่ากันสองต่อสอง เพิ่นเลยพากันเอิ้นว่า ห้องจีบบ่าวสาวพะนะ ส่วนหลายมีแต่ผู้เถ่าล่ะมาตั๊วะกัน ฮ่า ๆ

    นอกจากนี้กะมีพีเอ็ม หรือข้อความส่วนตัวเว่ากันอีก ถ้าย่านความลับรั่วไหลกะขอเอ็มกันไปจกเอ็มกันอีกพร้อม มีแต่หม่องเล่น

    ส่วนหม่องเซาหรือที่พักใจกะมีบอร์ดต่าง ๆ ให้เบิ่งให้แยง ไผถนัดอีหยังกะออกลายมาเล้ย ออกลายให้เห็นโลด ไผถนัดผญากะไปทางผญา ไผไปทางตลกกะไปบอร์ดตลก ไปถนัดหยังกะไปนั่นโลด แต่เบิ่งดี ๆ แนล่ะ เรื่องหยังควรสิเอาลงบอร์ดใด๋กะดาย ถ้าเพิ่นย้ายให้แล้วกะอย่าเคียดส่องเบิ่งดี ๆ ก่อนแน๊ะ

    ผู้ที่ย้ายกะเบิ่งทิศทางลมร่มเงาไม้แนเด้อล่ะ แจ้งบอกเพิ่นแน บางเทือข่อยกะสับสนคือกันล่ะ ข่อยจั่งได้อยู่ในบอร์ดไดอารี่นี่ล่ะ ไปหม่องอื่นบ่ได้ย่านหลง เพราะบ้านมหากว้างใหญ่ไพศาล หย่างเบิ๊ดมื่อกะบ่ทั่วเทิง

    ช่องทางการติดต่อสื่อสารหลายหม่องเฮ็ดให้พวกเฮาสนิทสนมกัน จึงบ่แปลกอีหยังที่บางคนพ้อกันเทือเดียวกระโดดกัดหูกันโลด เพราะเฮาสนิทสนมกันจากการเว่าการจาในเว็บบ้านมหานี่ล่ะ

    ความสนิทสนมกัน ความจริงใจบ่มีแนวแอบแฝง กะเป็นช่องทางให้ซุมอีกซุมหนึ่งเข้ามาเฮ็ดแนวบ่ดีคือกัน ฉะนั้นกะซอยกันเบิ่งกันแยงเด้อ พบเห็นอีหยังบ่ชอบมาพาควรกะค่อยตักเตือนกัน อย่าสิอักไว้คนเดียวหลาย แนวอยู่แนวกินกะดาย อิอิ

    ถ้าเหลือบ่ากว่าแฮงหรือเห็นว่าสิมีผลกระทบต่อส่วนรวมกะแจ้งไปยังเว็บมาสเตอร์พุ่นเด้อ ส่วนผู้บริหารระดับสูงสิไปรักษาหูก่อน หมอบอกว่าหูเจ้าบวมย่อนเจ้ารับโทรศัพท์หลายพะนะ

    ข่อยกะบ่ได้รับหลายปานใด๋เด้ล่ะ แต่ถ้ามีคนโทรมาหาข่อย ข่อยกะสิเว่าโดนซือ ๆ เพราะข่อยบ่ได้เสียตัง ฮ่า ๆ ๆ ๆ ฮิ้ว

    ส่วนการมีคุ้มต่าง ๆ กะเป็นเรื่องดี เปรียบเสมือนมีหมู่บ้านกะมีคุ้มนั่นคุ้มนี่ คุ้มสามเสน คุ้มบูรพา คุ้มปู่เจ้าสมิงพราย คุ้มไทอุบล คุ้มคนฮักบ้าน และกะล่าสุดจุ้มสวนอ้อยพะนะ เพิ่นคือสิมีคนน้อยเนาะจั่งเอิ้นจุ้ม ต่อไปคุ้มนั่นไปยามคุ้มนี่ คุ้มนี่มักคุ้มนั้น ได้แต่งงานกัน... บ๊ะ..ข่อยว่าซงสิเข้าท่าอยู่เด้ ม่วน ๆ และกะม่วน ๆ เพื่อความบันเทิงเด้อ อย่าสิไปคึดหยังหลาย


    หม่องเล่นหม่องเซาในบ้านมหา มีหลายหม่องหม่องเล่นหม่องเซาในบ้านมหา มีหลายหม่อง :1-:1-:1-

    ปล. ไผมีปัญหาหยัง อ่า ๆ ๆ เอ้อ แบบว่า มีปัญหาหยังอยากให้ช่วยเหลือ หรือติดขัดหยังกะลองมาเม้นท์ไว้ให้เบิ่งแนเด้อครับ สิได้พยายามช่วยเหลือซอยกันครับ ....ที่แน่ ๆ กะคือมีคนอยากสมัครเป็นสมาชิกบ้านมหาล่ะครับ หลายคัก



    แก้ไขครั้งสุดท้ายโดย พล พระยาแล; 21-08-2010 at 00:26.

  2. #2
    กะมีพี่น้องอยากสมัครบ้านมาหลายคนยุอ้ายเเต่ว่ากะสมัครบ่อใด้ครับน้องกะบ่อรู้ว่าจิเฮ็ดจั่งใด๋ครับ

  3. #3
    แบ่งปันความรู้และประสบการณ์ สัญลักษณ์ของ คนบ้านเดียวกัน
    วันที่สมัคร
    Feb 2010
    ที่อยู่
    เกษตรวิสัย ร้อยเอ็ด
    กระทู้
    48
    กะมีบ้านมหานี่หล่ะครับ ทำให้คลายเครียดได้บางเวลา

  4. #4
    ผมคิดหว่าบ้านมหาี่เป็นหนึ่งในใจของพี่น้องหลาย ๆ คนครับ..

  5. #5
    แบ่งปันความรู้และประสบการณ์
    วันที่สมัคร
    Feb 2009
    ที่อยู่
    สวิส....พะนะ
    กระทู้
    608
    ปล. ไผมีปัญหาหยัง อ่า ๆ ๆ เอ้อ แบบว่า มีปัญหาหยังอยากให้ช่วยเหลือ หรือติดขัดหยังกะลองมาเม้นท์ไว้ให้เบิ่งแนเด้อครับ สิได้พยายามช่วยเหลือซอยกันครับ....
    กะมีปัญหาอยู่จักหน่อยอยู่อ้ายพลเอ๊ย..อั่นขอยืมจักร้อยสองร้อยได้บ่อ5555 เว่าเล่นเด้อจ้าพอไห่ได้ตื่นเล่นซื่อๆดอกอิอิอิ

  6. #6
    แบ่งปันความรู้และประสบการณ์ สัญลักษณ์ของ ม๋าน่อย
    วันที่สมัคร
    Feb 2010
    ที่อยู่
    มุกดาหาร
    กระทู้
    403
    บล็อก
    2
    ม๋าน่อยมักหลายเด้อ อั่นจอบไปบ้านผุนั้นบ้านผุนี่น่ะ
    จอบเอาอั่นนั้นอั่นนี่ไปให้ขะเจ้า หม่วนตั๊วได้ไปให้กำลังใจผุนั้นผุนี่
    เฮ็ดให้เฮามีความสุข (เจ้าของบ้านเพิ่นจักสิมีความสุขนำรึบ่อ)
    (มักจอบพะนะ อิ อิ อิ)

  7. #7
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    10,172
    บล็อก
    9
    บ้านมหาคนม่วนก็ม่วนไป คนเฮ็ดงานก็เฮ้ดงานไปเนาะค่ะ ยังดีบ่มีคนมือไม้พายเอาเท้าลาน้ำเนาะค่ะ อิ อิ

  8. #8
    ศิลปิน นักร้อง นักแสดง
    มิสบ้านมหา 2011
    สัญลักษณ์ของ ผู้ก่อการรัก
    วันที่สมัคร
    Feb 2006
    ที่อยู่
    HappyLand ดินแดนแห่งความสุข, Thailand
    กระทู้
    3,379
    หม่องเล่นมีหลายหม่องเนาะ ส่วนใหญ่แม็กกี้กะไปสุหม่องจ้า อิอิ

    แบบว่าเป็นประชาสัมพันธ์อ่ะเนาะ คนของประชาชน ว่าส่านนน

  9. #9
    ศิลปิน นักร้อง นักแสดง สัญลักษณ์ของ จ่าเหลือง
    วันที่สมัคร
    Mar 2010
    ที่อยู่
    กรุงเทพ
    กระทู้
    1,626
    กระทู้ต้นฉบับโดยคุณ ผู้ก่อการรัก
    หม่องเล่นมีหลายหม่องเนาะ ส่วนใหญ่แม็กกี้กะไปสุหม่องจ้า อิอิ

    แบบว่าเป็นประชาสัมพันธ์อ่ะเนาะ คนของประชาชน ว่าส่านนน

    ฅนของประชาชน โอ้ยคันซั่นให้ยืมแน่ บ่แม่นยืมควงเด้อ ยืมตังค์ อิอิ

    ทุกกลุ่ม ทุกกิจกรรม ล้วนแต่ม่วนๆทั้งนั้น ไผมีกิจกรรมดีๆอยากให้พี่ให้น้องไปกระชับพื้นที่กะส่งข่าวมาเด้อครับ ฮ่าๆ สิไปล้มทับ

  10. #10
    จักข่อยมักหม่องได๋ ขั่นข่อยสมัครมาชิกได้ตะเถื่อแรก ข่อยกะสิเถ่าละหละ ตะกี้เล่นคอมลูกแฮะๆ

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •