หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 15

หัวข้อ: ย่างเข้าปีที่ 5 ในบ้านมหา มุมมองของขะน้อย

  1. #1
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8

    เรื่องฮิตน่าอ่าน ย่างเข้าปีที่ 5 ในบ้านมหา มุมมองของขะน้อย


    ย้อนไปเบิ่งวันสมัครสมาชิกของเจ้าของ ป๊าดด ขะน้อยเป็นสมาชิกบ้านมหา มาครบ4ปี เต็มแล้ว ย่างเข้าปีที่5 โอ่ว แมเจ้า ...พลิกไปอ่าน กะทู้เก่าๆอ่านแล้วกะรู้สึกคิดฮอดความหลังเนาะ สมัยมาเล่นบ้านมหาใหม่ๆ พ้อมาหลายรสชาด ทั้งสนุก ทั้งฮ้ายกัน นินทา ตามประสาปุถุชนคนธรรมดา กะป็นอันเข้าใจเนาะ สิ่งแรกที่ประทับใจคือ ความมักในศิลปะอิสาน มักหมอลำ มักเสียงพิณ โดยเฉพาะ มาพ้อ อ้ายศรีสะท้าน ปรมาจารย์ในเรื่องสอย กับผญา บ่าวเต็ง (พ่อน้องพลอย) น้องแป้ง ตอนนี้กะแวะเวียนมาเป็นครั้งคราว บ่าวแปะ ครูโย เจ๊ปุ้ย บ่าวอุบลมิวสิค ตอนนี้เพิ่นเป็นเจ้าของบ้านลำซิ่งแล้ว บ่าวสายฟ้า ดีเจประจำโต เปิดเพลง บ่าวเม้า ดีเจหมอลำมีสุแนว โพสต์เพลงสุกันฟังยามดึกๆ อ้ายเซียงน้อยหนุ่หล่อตลอดกาล ซึ่งความมีไมตรีของอ้ายเซียงบ่ถือซาน้องนุ่ง อันนี้ประทับใจมาตลอด จนพากันเล่นตั้งคณะหมอเล่นพากันหัดลำนำอ้ายศรี ม่วนกุ๊บ ..

    เวลาเปลี่ยนไปสมาชิกกะเริ่มหลายขึ้น จากกลุ่มคนน้อยๆกระจายออกเป็นกลุ่มใหญ่ กลุ่มน้อย หลายคนกะเริ่มหลายความคิดเข้ามา จากวิทยุออนไลน์ที่บ่มีดีเจ มีตะจอ ไว้ถ่าพิมพ์ขอเพลง ยามอ้ายบ่าวยุเพิ่นกะเปิดให้ ยามเลาบ่อยู่เครื่องกะเล่นออโต้ ฝากตะข้อความไว้ให้กันอ่าน กะมีความสุขอีกอย่าง

    ความรู้สึกเก่าที่ประทับใจในความเป็นกันเอง แบบอิสานบ้านเฮาของเจ้าของบ้าน อ้ายบ่าวคนเดิม ซึ่งแต่ก่อนอ้ายเพิ่นสิแวะเวียนมาเล่น มาหยอกกับสมาชิกเป็นประจำ กะทู้บางกะทู้ที่อ้ายเพิ่นเขียนสะท้อนความเป็นลูกอิสาน (ไปเกียวข้าวรับจ้างนั่นนามักหลาย) เล่นขายของเฮือนน้อย จำได้ ไก่น้อยเป็นคุณนายไปจ่ายตลาด 555+

    ตอนนี้บ้านมหากลายเป็นบ้านที่ใหญ่โต สมาชิกร่วมหมื่น แยกออกเป็นบ้านเล็ก บ้านน้อย (บ่แม่นเมียน้อยเด้อ 555+) หลายคนหลั่งไหลเข้ามา แยกออกไปเป็นคุ้มนั่น คุ้มนี้ ศิลปะวัฒธรรมกลายเป็นเรืองการพบปะ นัดสังสรร ซึ่งกะเป็นอีกเสน่ห์หนึ่งของบ้านมหายุคใหม่ ที่สมาชิกมีโอกาสพบปะกัน ไปมาหาสูกัน

    แต่ลึกๆแล้วสิ่งที่เป็นบ้านมหาที่แท้จริง การอนุลักษณ์ศิลปะของพ่อของแม่ แบบคนอิสาน
    มีการเว่าถึงน้อยลง อาจสิย้อนท่านผู้รู้ ท่านผู้เกิดได้ใหญ่ก่อนเพิ่นติดภาระกิจ หรืออันใดกะตามแต่ ไก่น้อยกะอยากฝากพี่น้องบ้านเฮา ม่วนๆกันแล้วกะอย่าลืม ศิลปะท้องถิ่น ความรู้ดีๆของคนอิสานบ้านเฮา ช่วยกันค้ำจุน อนุลักษณ์ไว้ให้ลูกหลานได้เบิ่งนำเนาะจ้า

    ก้าวเข้าบ้านมหาปีที่ 5 แล้วเด้อ บาดนิไก่น้อยกะขอให้บ้านมหา เจริญยิ่งๆขึ้นไป เวบมาสเตอร์มี่เงินจ่ายค่าไฟ ค่าน้ำ รวมทั้งค่าเช่าโฮสต์ให้สุมเฮาม่วนๆตลอดไปจ้า ...อ้าว...เชียร์ :l-
    แก้ไขครั้งสุดท้ายโดย ไก่น้อย; 19-08-2010 at 04:30.

  2. #2
    เจ้าหน้าที่ประชาสัมพันธ์ สัญลักษณ์ของ หนุ่มน้อย
    วันที่สมัคร
    Mar 2009
    กระทู้
    644
    บล็อก
    21
    ขอบคุณครับที่เว้าความในใจให้ฟัง บ้านมหากะมีเอื้อยไก่น้อยนี่หละเป็นสีสรรค์ที่เติมเต็มในรสชาดของความเป็นบ้านมหา บ่อจักผญา บ่อจักกลอนเว้านัวหัวหม่วน ตลอดทั้งนำภาพดีๆเป็นแนวขนบธรรมเนียมประเพณีวัฒนธรรมมาแบ่งปันสู่พี่น้องบ้านมหาเฮาให้เบิ่งกัน การนำภาพไปเยี่ยมยามเพื่อนๆ ไปยามผู้หลักผู้ใหญ่ ครับดีหลาย ผมละผู้หนึ่งที่ทึ่งในความเป็น"ไก่น้อย"แห่งบ้านมหา
    แก้ไขครั้งสุดท้ายโดย หนุ่มน้อย; 19-08-2010 at 04:02.

  3. #3
    ดีเจ นักจัดรายการ สัญลักษณ์ของ ข้าวปาด
    วันที่สมัคร
    Oct 2006
    ที่อยู่
    finland
    กระทู้
    807
    บล็อก
    1
    อ่านกะทุ้ไก่น้อยแล้วกะคึดพ้อตอนเข้ามาใหม่ๆๆอิหลีละ ข้าวปาดกะมาหลังๆๆไก่น้อยบ่โดน แต่ตอนนั้น จอบอย่างเดียว หาอ่านเพิ่นตอบกะทู้ตอบโต้กัน นั่งหัวร่อคนเดียว อิอิ ลีลาตอบตะละคน ธรรมดาตะมื้อเหิงละ โดยเฉพาะ อ้ายบ่าวคนเดิม กับ อ้ายศรีสะท้าน อ้ายโจโล่นำ สามท่าน ปลื้มเปนพิเศษ อ่านยามดั่ยได้หัวร่อโลด อิอิ

  4. #4
    ฝ่ายเทคนิค และถ่ายทอดสด สัญลักษณ์ของ อาวอ้วนเมืองยศ
    วันที่สมัคร
    Apr 2010
    ที่อยู่
    เมืองบั้งไฟ
    กระทู้
    1,597
    สมาชิกน้องใหม่จั่งผมนี่กะ นำมาบ้านมหาย้อนศิลปวัฒนธรรมพื้นบ้านอิสานนี่หละครับ
    จักแม่นได้ซอยเพิ่นรักษาแน่บ่ดอกหละ แต่ว่ามักเบิ่ง มักอ่านมักศึกษาครับ
    อั่นเรื่องเว่านัวหัวม่วน พบประสังสรรค์ มันกะเป็นผลพลอยได้ดอกครับ
    มันจั่งสิฮักกันหมั่นแก่นตั่วครับ

  5. #5
    ศึกษาหาความรู้ สัญลักษณ์ของ man9
    วันที่สมัคร
    Apr 2007
    กระทู้
    3
    5ปีแล้วบ่ครับ
    ยิ่งใหญ่
    ม่วนซื่นตลอดกาล

  6. #6
    ศิลปิน,ช่างภาพอิสระ สัญลักษณ์ของ เพ็นนี
    วันที่สมัคร
    May 2009
    ที่อยู่
    Bangkok
    กระทู้
    1,387
    บล็อก
    2
    เพ็นนีเป็นสมาชิกบ้านมหาบ่ด่นซ่ำได๋ดอกจ้า อิอิ
    เข้ามาตอนแรกกะบ่ได้ตั้งใจ หาข้อมูลในกูเกิ้ล เกี่ยวกับลายสักยันต์ เพชรพญาธร
    ลายที่แพงมากๆ เพ็นนีอยากฮู้ว่าหน้าตาเป็นจั่งได๋ ดารานักแสดงคือพากันสักหลาย พะนะ
    เซิสไปๆมาๆ อากู๋พามาส่งยุบ้านมหา คลิ๊กเบิ่งบ่พ้อเพชรพญาธร พ้อแต่เพชรพิณทอง
    กะเลยหาเลาะอ่านกระทู้ ฟังลำ อ่านไปอ่านมามีความรู้สึกว่าเพ็นนีกะลูกอีสาน คือบ่เคยฮู้เคยเห็น
    เหมือนจะของตกสำรวจจั่งได๋นี่หล่ะ หลังจากที่จอบด่นเติบแล้ว หัวใจนักเขียนฝึกหัดพาให้คันไม้คันมือ
    กะเลยสมัครสมาชิกขีดๆเขียนๆไปทั่วทีป ซุมื่อว่าสิเพลาการเขียนแล้วหล่ะ ย้านอ้ายเซียงน้อยเอาไปตีพิมพ์เป็นพ็อคเก็ตบุ๊ค ... 5555555555+ ว่าไป

  7. #7
    ศึกษาหาความรู้ สัญลักษณ์ของ ลุงเดฟ
    วันที่สมัคร
    Mar 2010
    ที่อยู่
    ยโสธร
    กระทู้
    195
    ผมกะ พึ่งได้เป็น บ่โดนครับ จอบกล่องขอเพลงเป็นเดือน ช่วงนั้นไปอยู่ ยโสครับเฝ้าช่างปลูกบ้าน กะเลยว่าง หาข้อมูลท่องเที่ยวครับ ผั่นมาพ้อ ดีเจลูกหินเปิดเพลง ขอเพลงได๋กะได้ ติดใจแฮง ครับได้คุยกับ สาวศีขร กับ ป้าแดง หน้ากล่องขอเพลง ครับ แล้วอบอุ่น ดีครับเลยบ่ไปไส ติดใจฮอด ทุกวันนี้ละครับผม

  8. #8
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    10,172
    บล็อก
    9
    เว้าแล้วก็คิดฮอดอดีตที่เข้ามาใหม่ๆเนาะไก่ แซวกันเล่นกันตามประสา ปัจจุบันสมาชิกก็เพิ่มขึ้น
    ก็แยกเป็นกลุ่มๆนัดพบปะสังสรรค์ตามธรรมดา ยังจำได้สมัยก่อนอ้ายบ่าวคนเดิม มีกระทู้หนึ่ง
    โสเหล่กันเรื่องกิ๊ก ช่วงนั้นกิ๊กกำลังเป็นศัพท์ใหม่ เลาบ่มักอย่างคัก เข้ามาตอบกระทู้เป็นภาษาพระ
    ไผมีกิ๊ก มีกั๊ก เรื่องอบายมุขนิเลาบ่มักอย่างแฮง แต่เวลาเปลี่ยนไปอุดมการณ์เรื่องกิ๊ก เรื่องอบายมุข
    เลาคือเก่าอยู่เนาะจ้า 55555+

    ถ้าเป็นไปได้ภาพกระทู้ยกเหล้า ชนแก้ว หลีกเลี่ยงไปแปะไฮ7 บ้านพี่น้องพ่นละน้อ
    บ่ต้องมาแหนะแหน เอาภาพนม ภาพน้ำส้ม มาแขวะกันเด้อทางนี่ไผเหยียบเล็บขบ
    บ่ได้คือกัน

    Bump: จักนอยแน๊ พี่ปุ้ยครบ 4 ปีเมื่อเดือนที่แล้ว ไล่ๆกันเลยเนาะ

    วันที่สมัคร
    07-22-2006

  9. #9
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,940
    วิถีความเป็นตัวตนสิต้องมีทุกรสครับ บ่ว่าสิกินเหล้ากินยา กินเลี้ยงสังสรรค์กัน กะถือว่าเป็นความม่วนซืนของความเป็นคนบ้านเฮา ถ้าตงฉินเกินไปหรือเคร่งครัดเกินไปก็คือสิบ่ม่วนและบ่ผ่อนคลายปานใด๋ครับ

    เมื่อทุกสิ่งทุกอย่างสามารถแปรเปลี่ยนตามกาลเวลาได้ อุดมการณ์กะสิต้องปรับเปลี่ยนไปได้บ้างคือกันครับ เพื่อให้สอดคล้องกับความเป็นไปของสังคม ความเป็นตัวตนที่แท้จริงของมนุษย์ที่มีทุกเรื่องราวผสมปนเปกันไป

    ตึงหลายกะบ่ดี หย่อนหลายกะบ่ดี จั่งใด๋กะขอให้อยู่ในทางสายกลางเด้อครับ ถ้าบ่มีกระทู้แบบนี้ซะเลย กะรู้สึกว่าราบเรียบเกินไป บ่มีสีสัน ครับ

  10. #10
    ความฮักความแพง..การเอื้อเฟื้อเผื่อแผ่ความจริงใจ การมีน้ำใจที่ดีต่อกัน เอกลักษ์ของทุกอย่างที่เป็นบ้านมหา
    อุดมการณ์ของผู้ก่อตั้ง...ที่ดีอยู่แล้ว..มีเสน่ห์อยู่แล้วกะบ่จำเป็นต้องเปลี่ยนแปลง

    สิ่งแวดล้อม สังคม จิตใจคนอาจสิเปลี่ยนแปลงยาก(เปลี่ยนแปลงบ่ได้) แต่คนทุกคนสามารถเปลี่ยนแปลงตัวเองได้100%

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •