กำลังแสดงผล 1 ถึง 8 จากทั้งหมด 8

หัวข้อ: เว่าเรื่องเข้าส้วมให้ฟัง

  1. #1
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,430

    พบปะพูดคุย เว่าเรื่องเข้าส้วมให้ฟัง

    ก่อนสิเข้าไปนั่งในส้วมให้สำรวจเบิ่งดี ๆ เด้อ อันดับแรกคือไฟฟ้าสว่างบ่ บ่แมนปิดประตูไปแล้วมึดตึ๊บ ประตูมีกลอน ล็อคได้บ่ มีฮูบ่ ฮูที่เพิ่นสิส่องเบิ่งเฮาเด้อ บ่แมนฮูที่เฮาสิส่องเบิ่งห้องข้าง ๆ ฮ่า ๆ

    อันดับต่อมากะเบิ่งน้ำท่าให้ดี ๆ โดยเฉพาะชักโครก ชักได้บ่ น้ำไหลบ่ ที่ฉีดน้ำเป็นจั่งใด๋ อันข่อยซังหลาย ๆ ส้วมชักโครกมีแต่กระดาษทิชชูไว้เช็ดซือ ๆ น่ะ ซงสิอยู่บ่กุ้มมื่อนี่ล่ะ เช็ด ๆ ไปก่อนแล้วไปหาหม่องที่มีน้ำล้างใหม่เด้อ

    ส้วมที่เหลียวเห็นขากันแถว ๆ โรงพยาบาลข่อยกะซัง บางคนท้องเสียกระเด็นกระดอนมาเหยียบแมนถึกขาข่อย ยิ่งถ้าเงาที่พื้นเปียกสิเหลียวเห็นอีกฝ่ายนั่งโตดโหมดอยู่ ฮ่า ๆ ๆ

    ส่วนมารยาทในการเข้าส้วม กะอย่าเบ่งแฮงปานสิออกลูกหลาย เอาพอซำใด๋ซำหนึ่งกะพอล่ะ ถ้ามันออกยากอีหลีกะยืนขึ้นเพื่อเป็นการบีบหัวให้มันเรียวแบน แล้วนั่งใหม่ หรือเอาสบู่ถู ๆ เพื่อให้มันออกง่าย

    ผ้าอนามัยอย่าถิ่มลงโถส้วมเด้อ ถ้าเป็นช่วงวันนั้นของเดือนกะหากระดาษทิชชู่ห่อให้เรียบร้อย หรือกระดาษอีหยังกะได้ ข่อยซังอีกอย่างพวกที่มักสูบบุหรี่ในห้องน้ำ ข่อยขิวหลาย

    หลังจากเสร็จกิจแล้ว ราดน้ำฉีดน้ำให้เรียบร้อย อย่าให้มีสะเก็ดเล็กสะเก็ดน้อย ยกหม่องนั่งขึ้นให้น้ำแห้ง

    ที่ตั้งกระทู้นี้ขึ้นมาก่อนกินข้าวงาย กะเพราะว่าข่อยเคยซั่นดอก เสร็จกิจเรียบร้อยน้ำในห้องน้ำบ่ไหล ข่อยเฮ็ดจั่งใด๋ข่อยขอเซ็นเซอร์เด้อ ฮ่า ๆ ๆ ลำบากคัก

    ที่ทำงานข่อยรณรงค์เรื่องเข้าห้องส้วมเป็นอับดับแรก ๆ เพราะส้วม ห้องน้ำ คือหน้าตาของสำนักงาน และถ้าอยู่บ้านเฮากะคือหน้าตาของบ้านคือกัน

    ตามปั้มใหญ่ ๆ เพิ่นมีการประกวดส้วมระดับประเทศพุ่นเด้ บ่ว่าสิเป็นเรื่องความสะอาด การระบายอากาศ ทัศนียภาพของส้วม สุขภัณฑ์ รวมถึงกลิ่นของส้วม

    ปีก่อนพุ้นข่อยไปเบิ่งส้วมชนะเลิศแถว ๆ ปากช่อง ป๊าด..ปานห้องนอนกะจั่งว่า

    เรื่องนี้บ่แมนเรื่องธรรมดาเด้อ โดยเฉพาะส้วมอยู่หน้าบ้าน คือบ้านพักข่อย ฮ่า ๆ ๆ


    ประโยชน์ของส้วมอีกอย่างคือเป็นที่รวมของนักเขียนต่าง ๆ เพิ่นมาเขียนลำดับญาติกัน สถาบันนั้นเป็นพ่อสถาบันนี้ และมีบทกลอนต่าง ๆ นั่งไปพร้อมอ่านไปพร้อมเพลินดีเด้น้อ

    "สักวานั่ง...ให้ดีหน่อย ค่อยค่อยปล่อยบรรจงให้ตรงฐาน

    ...เรี่ยราดอุจาดตาน่ารำคาญ นั่ง...นานเขาว่าอู้รู้ไว้เอย"


    เว่าเรื่องเข้าส้วมให้ฟังเว่าเรื่องเข้าส้วมให้ฟัง
    แก้ไขครั้งสุดท้ายโดย พล พระยาแล; 23-08-2010 at 10:35.

  2. #2
    ศึกษาหาความรู้ สัญลักษณ์ของ บ่าวจีดส์
    วันที่สมัคร
    Apr 2010
    กระทู้
    349
    ป้าดโธ้...คือหารายละเอียดมาวิเคราะห์ให้ฟังคักแท้ แม่นยูห้องนำคือหน้าตา 55555

  3. #3
    แบ่งปันความรู้และประสบการณ์ สัญลักษณ์ของ แดนดาหาร
    วันที่สมัคร
    Feb 2010
    กระทู้
    164
    ฮ่าๆ แหม่นความเจ้าล่ะอ้ายพล โดยเฉพาะตามห้างมักสิเป็นแบบเจ้าว่านั่นหละ
    ไปหาเข้าตามปั้มดีกั่ว มีแนวให้อ่านตามผนังและประตูนำข่อยว่ามันเพลินดีอีกแบบเด๊

  4. #4
    เจ้าหน้าที่ประชาสัมพันธ์ สัญลักษณ์ของ ลุนนี ศรีเกษ
    วันที่สมัคร
    Jun 2009
    ที่อยู่
    ศรีสะเกษ กรุงเทพ จอมเทียนชลบุรี
    กระทู้
    789
    บล็อก
    1
    เห็นชื่อเรื่อง ฟ่าวนำมาอย่างไวคัก ว่าตะสิได้อ่านเรื่อง ส้วมคือห้องนอนของเอื้อยกับพี่อ้าย คึดในใจว่า โธ ดีเจพลเขียนเรื่องเรตอาร์(น้องๆเรตเอ็กซ์) อ๋อยกลายเป็นห้องสุขาจ้อยยยยย

  5. #5
    ร่วมถ่ายทอดความรู้สู่สังคม สัญลักษณ์ของ ทิดแหล่
    วันที่สมัคร
    Jun 2008
    กระทู้
    435
    เว้ามา เห็นภาพชัดเจนเลยครับ..555

  6. #6
    ร่วมถ่ายทอดความรู้สู่สังคม สัญลักษณ์ของ เมษา
    วันที่สมัคร
    Jan 2009
    ที่อยู่
    ไทย & ยูเค
    กระทู้
    967
    :1- เวลาขับรถทางไกล ข่อยสิมักเข่าแต่ปั้ม ปตท เพราะฮู่สึกว่าสิสะอาดกว่าหมู่แหม

  7. #7
    แบ่งปันความรู้และประสบการณ์ สัญลักษณ์ของ sarate_n
    วันที่สมัคร
    Jun 2009
    ที่อยู่
    chonburi
    กระทู้
    103
    555555555555555 อ่านไปกะคิดไปนำ จะแม่นเขียนได้เห็นภาพคักน้อ...อ้ายพลกะดาย อ่านให้หมู่เฮ็ดงานนำกันฟังพากันหัวจนน้ำหูน้ำตาไหล...ขอบคุณสำหรับความรู้และความบันเทิงจ้า

  8. #8
    ร่วมถ่ายทอดความรู้สู่สังคม สัญลักษณ์ของ บ่าวกบินทร์
    วันที่สมัคร
    Apr 2007
    ที่อยู่
    ซุหม่อง...ที่ไป..!!!
    กระทู้
    598
    "ถ้ามันออกยากอีหลีกะยืนขึ้นเพื่อเป็นการบีบหัวให้มันเรียวแบน แล้วนั่งใหม่ หรือเอาสบู่ถู ๆ เพื่อให้มันออกง่าย"

    .....เทคนิคนี้สิได้เอาไปใช้นำยุดอก อ้ายพล....ได้จั่งใด๋สิมารายงานดอกครับ..555555555+++

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •