-
ร่วมถ่ายทอดความรู้สู่สังคม
"ฝนตกเฮ็ดให้คนเหงา...รึว่าคนเหงาเฮ็ดให้ฝนตก"
....บ่รู้เป็นหยังเวลาที่ฝนตกรู้สึกเหงาๆ คิดฮอดบ้านจั่งใด๋บู๋..?
ฝนตกแบบนี้ออกไปไสกะบ่ได้ เฮ็ดได้แค่นั่งแน่มออกไปนอกหน้าต่างเบิ่งสายฝน
อยู่ดีๆ ภาพบรรยากาศเก่าๆ ตอนเป็นเด็กน้อยกะผลุดขึ้นมาในความรู้สึกแบบบ่ได้ตั้งโต....
ฝนตกในเมืองปูนนี้นอกจากเหงาแล้ว เฮ็ดหยังบ่ได้เลย...เอ๋ รึสิลงไปย่างตากฝนเฮ็ดมิวสิค
ภาพคือสิออกมางามเป็นตาเบิ่งคัก...แฮงเว้าแฮ่งคิดฮอดบ้าน ลงไปซื้อเบียร์เย็นๆ ดีกว่า...
:b-b:b-b:b-b:b-b
-
เจ้าหน้าที่ประชาสัมพันธ์
ขวัญใจบ้านมหา 2012
คิดฮอดบ้านหรือคิดฮอดหวานใจที่อยู่บ้านบ่น้อจ้าบ่าวกบินทร์...ธรรมดาแหล่ะเนาะจ้า เวลาอยู่ผุเดียว บ่ว่าไผ ขนาดสาวมุกเอง เฒ่าปานนี่กะยังเหงา บางทีเล่นอยู่กับลูกแท้ๆ แต่พอถึงบทสิเหงาขึ้นมาก็เหงาได้คือกันจ้า (หน้ายิ้มแต่ใจเหงา)
-
ฝ่ายบริหารระดับสูง
เหงาใจคือกันล่ะครับบ่าวกบินทร์ มีคนมามักหลายกะเลยทำใจบ่ได้ว่าสิคิดฮอดไผครับ
กะเลยปวดหัวครับ แบบว่าเกิดมาหล่อเนาะครับ จั่งว่าสิเฮ็ดจั่งใด๋
เอ๋า ฝนตกกะเลยไปซื้อเบียร์บ่ครับ เอามาแก้ปวดแข่วตี๊ คือเอามาหน่อยแถะ
เอามาลังเดียวพะนะ อิอิ
-
ร่วมถ่ายทอดความรู้สู่สังคม
อีหลีจ้า...ฝนตกทีไร...มันเหงาหัวใจสิ้นดี...
เมื่อไหร่..จะมีคนอยู่เคียงข้าง
-
แบ่งปันความรู้และประสบการณ์
เห็นฝนตกแล้วคิดฮอดผู้ลังคนแมนบ่ครับ
-
ศิลปินแดนไกล
หลานบ่าวกบินทร์ จ๋าความคิดนี้ บอแมนเป็นแค่หลานเด๊ ป้าก็เป็นคือกัน เลย ยามฝนตก กับยามตอนแลงๆ ตะเว็นค่อยค่ำจั๊กน่อย ป้าแฮงคิดฮอด บ้านเฮา คิดฮอดไฮ่คิดฮอด นา คิดฮอดตอนเป็นเด็กน้อย
จังซี่หล่ะเนาะ เพินว่าเปรี่ยวใจเมื่อไร้คู่ แต่ว่านี่คือ เหงาใจในยามฝน อิอิอิอิ
-
ร่วมถ่ายทอดความรู้สู่สังคม
ฝนตก...ทำให้เหงาๆได้เหมือนกันเนาะ
-
ศึกษาหาความรู้
วันนี้ฝน พรุ่งนี้ อาจมีแต่ฝุ่นครับ กะอย่าคิดหลายครับ นึกถึงตอนน้อยๆมันกะบ่อมีหยังดีขึ้นครับ ..เอเฮ็ดจั่งใด๋กับวัยข้างหน้าดีกว่าครับ
-
มิสบ้านมหา 2010
ศิลปิน นักเขียน
ถ้าเหงาแล้วเฮ็ดให้ฝนตก น้องหลินสิเหงามื่อละหลาย ๆ เทื่อ ๆ ละดน ๆ อยู่ดอกค่ะ พี่น้องบ้านเฮาจั่งสิมีน้ำดำนากันแหน่....อิอิ
-
ร่วมถ่ายทอดความรู้สู่สังคม
คิดฮอดหวานใจทางบ้านไสน้อ สาวมุก....กะสิมีแต่เฒ่าพ่อ กับเฒ่าแม่นั่นละจ้า.....
อ้ายพลครับ...ขั่นสิหล่อป่านี้ไปเอายากับ คุณหมอต่ายเด้อครับ "ยาลดความหล่อ" ผมเอามากินดู๋ยุ..
boom69...มื้อใด๋สิมีคนยุข้างๆพะนะ อย่าฟ่าวมีก่อนบ่าวเด้อจ้า ยุเหงาเป็นหมู่กันก่อน....
"จังซี่หล่ะเนาะ เพินว่าเปรี่ยวใจเมื่อไร้คู่ แต่ว่านี่คือ เหงาใจในยามฝน อิอิอิอิ"..แม่นอิหลิครับคุณป้า...
น้องหลินว่า...สิทนเหงาให้ผุเฒ่ามีน้ำดำนาว่าซั่น เหงาเผื่อมาทางกบินทร์แหน่เด้อจ้า.....
กฎการส่งข้อความ
- You may not post new threads
- You may not post replies
- You may not post attachments
- You may not edit your posts
-
กฎฟอรั่ม
Bookmarks