หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 13

หัวข้อ: มื้อนี้เอาลำสีทันดร เขียนเล่นๆมาสู่พี่น้องร้องเล่นๆเด้อจ้า

  1. #1

    มื้อนี้เอาลำสีทันดร เขียนเล่นๆมาสู่พี่น้องร้องเล่นๆเด้อจ้า


    มื้อนี้เอาลำสีทันดร เขียนเล่นๆมาสู่พี่น้องร้องเล่นๆเด้อจ้า
    (ลำสีพันดรอ้อนบ่าวบ้านมหา)...อิอิ

    อ่ำถ่ำเอ๊ยแก้มอ้ายอ่ำถ่ำ เห็นน้องเป็นคนก่ำ อย่าฟ้าวไล่อย่าฟ้าวลา ให้คึดเบิ่งแต่ปลากะยังจี่แก้มเหล้า
    สาวบ้านโคกบ้านเหล่า ได้แล้วบ่มีป๋า คันได้เป็นภรรยา ได้อยู่เฮียงฮ่วมซ้อน ย้านแต่หลงสะออนแล้ว หลงละเมอ ทุกเช้าค่ำ คึดฮอดอ่ำถ่ำหาคำก้อน สะออนน้อง....อยู่บ่ลืม

    เออ..เออ..เออ.....เอย .สีพันดอนคอยอ้าย ชายงามมาเคียงคู่ คึดฮอดอยู่ซุมื้อ บ่มีเว้น ....ว่าห่างหาย
    คึดอยากได้ผุญาอ้าย มาเคียงกายทอดถะนิง ญิงบ่มีคู่ฮ่วม คนสิร่วม...กะบ่มี
    คึด...อยากหยับสวนมี่มาซอนไว้สวนหมี่ คึดอยากซ้อนอ้ายพี่ หัวใจนี้...อ่าวระทม
    คึดไปไส...กะบ่ม้ม มาหลงลมบ่าวบ้านใหญ่ สาวผุได๋กะอยากซ้อน มานอนเว้า...ไว้ใส่นอน
    นางคนนี้ กะอยากซ้อน อ้อนพี่บ่มีป๋า จั่งได้ขับลำมาบ่าวมหา....สิสนบ้อ
    นางนี้คึด อยากกินข้อ อ้อยกลางกอบ่มีหน่อ นางนี้คึดโอ๊ยอยากพ้อพะอวนอ้าย....อยู่ทุกยาม
    จั่งว่า ...บ่าวอยู่ทางอีสานก้ำ บ้านมหาเบิดแล้วบ่ สาวอยากขออยู่ฮ่วม พวมผุอ้าย...อย่าหน่ายไล
    คัน...อ้ายบ่าวไกลใกล้ สนใจให้ติดต่อ สมัครเป็นพ่อบักน้อย ให้ซูก้อย...มาเกี่ยวกัน
    ไม้หมากทันหนามมันสั้น เกาะกันผัดบ่ผ่าน ขอผญาต่อต้าน ไม้เนื้อ....บ่เบื่อหนอน
    ใจพะนางนี้อยากซ้อน สีพันดอนกะได้กล่าว สาวบ่ทันมีซู้ ผู้สิซ้อน...กะบ่เคย
    ใจของนางสะเมยเก้ย หลงมักบ่มีตั๋ว ใจบ่เคยก่ำมัว มืดบัง...หรือตั๋วไว้
    บ่าวคนได๋...สนใจหล่า สาวหญ้านางขออ้างชื่อ ขอจำจื่อนางเอาไว้ ค่าดองน้อง ....ดอกบ่แพง..
    จั่งว่าแก้มแป่งแส่ง..ยามมื้อแลงอยากนอนฮ่วม พวมกำลังสิพ้อ ขอลาอ้าย......แม่นอ่วยลง

  2. #2
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    ได้เห็นกลอนลำแล้วอยากฟังเจ้าของกระทู้ลำเด้น้อ


    จั่งแม่นลาวคัก อ้ายขออนุญาตลำเกี้ยวแหน่เด้อคำแพง มาม่วนนำซื่อๆ ดอก
    เห็นกลอนลำแล้วอดย้อนใส่บ่อได้...พะนะ


    อ่ำถ่ำแก้มน้องนั้นอ่ำถ่ำ แก้มสาวหญ้านางนั้นอ่ำถ่ำ ตั้งแต่เซ้าฮอดค่ำอ้ายคึดนำแต่นางน้อง
    สาวบ้านอื่นทางได๋ งามปานนางสาวไทย งามปานได๋อ้ายบ่อเว้า อยากนั่งเคียงเจ้าผู้เอ่ยลำ
    อดทนฟังแน่เด้อน้อง อดฟังกลอนอ้ายสิว่า สาวอยู่ในแผ่นหล้า บ่องามได้ท่อหญ้านาง
    (เอ้ยย้า เอ้ยย้่า เอย้ย้่า เอ้ยย้่า)

    คำเ้อ้ย ปานว่าเคยได้พบพ้อ ฮักกันมาแต่ซาติก่อน อยากได้เด้ อยากได้นางเป็นคู่ซ้อน
    นอนกลิ้งแม่นห่วมสอง อ้านนี้นอนผู้เดียวแล้ง ฮักคำแพงจั่งมาว่า ขอโทษเด้อน้องหล่า
    ลำคาญอ้ายแล้วไป่นาง (เอ้ย้่า เอ้ยย้า เอ้ยย้า เอ้ยย้า)

    นา้งเอ้ยสิเฮ็ดบุญหยังเด้หล่า อ้ายพอสมขวัญตา วาสนาคนต้อยต่ำ
    ย้านคึดนำตั้งแต่เจ้า ย้านคึดนำตั้งแต่เจ้า ทุกแลงเซ้าห่วงแต่นาง
    อดทนคอยแน่เด้อหล่า อ้ายขอเวลาเจ้าจักหน่อย จ่าวขายนาท่งน้อย
    หาแหวนเพ็ชรไว้สวมก้อย ไปขอน้องกับแม่นาง
    (เอ้ยย่า เอ้ยย่า เอ้ยย่า ขอลาแล้ว)

    แก้ไขครั้งสุดท้ายโดย ทิดจ่อย; 26-08-2010 at 22:03.

  3. #3
    ร่วมถ่ายทอดความรู้สู่สังคม สัญลักษณ์ของ บ่าวกบินทร์
    วันที่สมัคร
    Apr 2007
    ที่อยู่
    ซุหม่อง...ที่ไป..!!!
    กระทู้
    629

    ขอใบสมัครแหน่จ้า สิฟ้าวกรอกฟ้าวส่งเป็นคนแรก สิได้สิทธิ์รับพิจารณาเป็นพิเศษบ่น้อจ้า......

  4. #4
    กระทู้ต้นฉบับโดยคุณ บ่าวกบินทร์

    ขอใบสมัครแหน่จ้า สิฟ้าวกรอกฟ้าวส่งเป็นคนแรก สิได้สิทธิ์รับพิจารณาเป็นพิเศษบ่น้อจ้า......
    กรอกเลยจ้าอ้ายบ่าว คนแรกเด้นี้ เอ..บ่แม่นสิเป็นคนแรกแล้วกะคนเดียวสะตริ...อิอิ

  5. #5

    (ขับเชียงขวาง)

    ว่างๆกะเลยเอาขับเชียงขวางมาให้อ่านเล่นๆเด้อจ้า

    ขับเซียงขวาง
    โอ้น้อ.. ละดูดวงดอกไม้ ดอกฝ้ายเบ่งบานสี ลมวี่วอนโชยพัด แกว่งก่วยงามล้น คึดฮอดคนเคยเว้า ว่าสิมาน้อยามน้อง แต่ฮอดตอนนี้แล้ว บ่เห็นอ่วยดอกคืนมา น้องคองถ่า แต่อ้ายหลายปีจนพ้นผ่าน ละดูกาลเปลี่ยนแล้ว จอมแก้มบ่คืนมา น้ออ้ายนา
    โอ้น้อ..นางนี้ถ่าสัญญาอ้าย คลาวเมื่อเว้ายุฮ่มไม้ ว่าสีไวยอวลอ้าย อยู่ไกลสิต่าวมา อ้ายสัญญากับน้องคนงามผุฮักเดียวเด้อ อ้ายบ่เผลอจากน้อง คนดีให้คอยแหน่ สิบ่แว่บ่เลี้ยวหลายใจไปเป็นอื่น ยามอ้ายคืนมาแล้ว สิขอแก้วมาแต่งงาน เด้อคำเด้อ
    โอ้น้อ..หลายปีพ้อพ้นผ่าน สาวหญ้านางคอยทาง ผ่านมากะด่นแล้ว บ่เห็นแววชายว่า บ่าวพี่ซายสิคืนต่าว นางนึ่งข้าวถ่าอ้าย นางเก็บฝ้ายถ่าซุ้ จนละดูมันเปลี่ยนไป ถ่าไปมีใหม่ซ้น คำแพงบอกนางแหน่ อย่าให้หลงถ่าอ้าย หลายปีจนว่าจ่อย ใจนางน้อยถ่าเจ้า คืนมาแด่ซายเอ้ย
    โอ้น้อ ...คันได้ยินนางฮ้อง เสียงเพลงดังวอนวอน คำสีมอนอวนอ้าย ต่าวคืนเมือยามบ้าน ใจนวลนางสะท้าน คอยซายบ่ลืมเลือน เด้อคำเอย
    โอ้น้อ เถิงบาดลงตอนท้าย ฝากเพลงให้คืนมา จิตน้องถ่าแต่อ้าย บ่หน่ายเลยดอกคำบาง นางลาท่อนี้แล้ว
    แก้ไขครั้งสุดท้ายโดย หญ้านาง; 29-09-2010 at 01:31.

  6. #6
    ร่วมถ่ายทอดความรู้สู่สังคม สัญลักษณ์ของ บ่าวกบินทร์
    วันที่สมัคร
    Apr 2007
    ที่อยู่
    ซุหม่อง...ที่ไป..!!!
    กระทู้
    629
    เอ..บ่แม่นสิเป็นคนแรกแล้วกะคนเดียวสะตริ...อิอิ

    ....หัวใจอ้ายกะมีดวงเดียว ซ่ำนั่นหล่ะจ้า.....

  7. #7
    บ่แม่นใจเดียวหลายรัก บ่น้อจ้า อ้ายบ่าวกบินทร์ อิอิ..

    ลำเต้ยหัวโนนตาล……ชมหัวโนนตาล.......

    โอ้น้อ มาละเด้อบาดนี้ นวลนางสิขอกล่าว เป็นทำนองบาดจ้าว หย่าวเต้ยใส่หัวโนน
    พี่เอ๊ย หัวโนนตาลบ้านนี้ งามอิหลีบาดไปเบิ่ง บ่าวสาวเทิงพ่อฮ้าง สะอางย้อนบ่อนเผิ่นงาม
    ท่งนาทามหลามน้ำโห่ง ท่งนาเขียวเกี้ยวปลาเอี่ยน ธรรมชาติเขียนแต่งแต้ม งามแย้มวัฒนา
    เบิ่งบุปผามาลาไม้ ลายแคนเผิ่นกะม่วน วัฒนธรรมล้วนๆ เป็นตะซ้วนไว้ฮักษา
    เหลียวเบิ่งลายโอ๊ย ผืนผ้า สังมาลายเป็นตะเบิ่ง เกิดเหิงๆๆจั่งมาพ้อ ดีใจแล้วบ่อยากเมือ
    เหลียวเบิ่งเครือยอดผักหญ้า เขียวคำแกมยอดอ่อน นางอยากเมือเอาไปต้อน อิพ่อน้องเผิ่นมักแฮง
    เอาละเด้อบาดสิแจ้ง หัวโนนตาลสิลาก่อน ใจอาวรณ์บ่มีแล้ว สิลาร้างห่างลง.....โอ๋ละน้อ

    หญ้านาง 18 กันยายน 53

  8. #8
    ร่วมถ่ายทอดความรู้สู่สังคม สัญลักษณ์ของ บ่าวกบินทร์
    วันที่สมัคร
    Apr 2007
    ที่อยู่
    ซุหม่อง...ที่ไป..!!!
    กระทู้
    629
    แม่นหยังน้อ "หัวโนนตาล" เป็นชื่อหมู่บ้านติ๊จ้า...?
    อยู่ทางใด๋น้อ...คือเป็นตาไปเยี่ยมยามแท่....

  9. #9

    สาระภัญญ์รำพันฮัก ( ลองแต่งเล่นๆดอกจ้า เลยบ่กล้าตั้งกระทู้ใหม่) อิอิ

    สาระภัญญ์รำพันฮัก ( ลองแต่งเล่นๆดอกจ้า เลยบ่กล้าตั้งกระทู้ใหม่) อิอิ

    โอ้.....โอย...โอยละนอ........ละฟ้าเอ๊ยฟ้าฮ้องหล่าง สาวอีสานคอยทาง อ้ายวางชู้แล้วถิ่มปล่อย สาวพะนางห่วงจ้อยๆ หลงคอยอ้าย ผัดบ่มา ๆ นางหลงถ่าอ้ายคงลืม - เหลือใจเด้...

    สาวน้อยนั่งคอยแฟน คนเคยแล่นเล่นนำกัน
    สาวน้อยสาระภัญญ์ เคยเว้ากันว่าบ่ลืม (ซ้ำ)
    อ้ายบ่าวยามไกลบ้าน ย้านเบิกบานมีสาวควง
    สาวอิสานหลงคอยหวง คึดฮอดอ้ายอยู่บ่ลืม(ซ้ำ)
    คำสัญญาอ้ายว่าไว้ จากกันไกลใจห่วงนาง
    ย้านเด้ย้านลืมทาง ตั๋วให้นางหลงคอยเผิ่น(ซ้ำ)
    อย่าไปเสิ่นคือนกเจ่า เมือบ้านเก่าเฮาแหน่เด้อ
    สาระภัญญ์หลงละเมอ ว่าฮักเธอบ่าวคนไกล(ซ้ำ)
    พ้อดอกไม้หลายเครือ หลงบ่เมือเบื่อฮักเฮา
    ย้านเผิ่นไปพ้อสาว หลงลืมคราวเว้านำกัน(ซ้ำ)
    ฮ่มหมากทันวันสงกรานต์ อ้ายจากบ้านแล้วกล่าวลา
    มื้อได๋อ้ายสิมา หลงตั้งตานับวันคอย....หลงตั้งตานับวันคอย


    (เว้า) ว่าสอยสอย สาวส่ำน้อยคอยบ่าวสารภัญญ์ คนที่เคยเว้ากัน ฮ่มหมากทันนาท่งใต้ นางนี้คึดฮอดอ้าย
    จนใจนางสิแบ่ง คันบ่มาแต่งน้อง บ่คองอ้ายให้หน่ายใจ...แล้วเด้อ
    แก้ไขครั้งสุดท้ายโดย หญ้านาง; 26-09-2010 at 19:18.

  10. #10
    แบ่งปันความรู้และประสบการณ์ สัญลักษณ์ของ บ่าวธนา
    วันที่สมัคร
    Apr 2010
    กระทู้
    339
    คือบ่พากันเอาเสียงลงให้ฟังแนครับ อยากฟังแหม

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •